Бүтүн Кыргызстан партиясынын лидери Адахан Мадумаров. Архив

Айылдагы медиктерге үй алып беребиз. "Бүтүн Кыргызстандын" негизги убадалары

961
(жаңыланган 09:30 05.10.2020)
Адахан Мадумаров жетектеген "Бүтүн Кыргызстан" партиясы саламаттык сактоо, бизнес, үй-бүлө, экология, экономика жана маданият чөйрөсүнө байланышкан бир катар убадалар менен парламентке бара жатат.

Болжолдуу эсеп боюнча, аталган партия шайлоодон добуштардын 7,1 пайызына ээ болуп, парламенттен 13 орун алмай болду. Мындан улам Sputnik Кыргызстан маалымат агенттиги саясий уюмдун элге берген убадалары менен тааныштырат.

Белгилей кетсек, материалда маанилүү делген айрым убадалар гана берилет.

Жакын арада аткарчу милдеттери

1. COVID-19 миңдеген кыргызстандыктарды ооруга чалдыктырып, өмүрүн алды. Эпидемия саламаттык сактоо секторундагы терең көйгөйлөрдү ачыкка чыгарды. Партия бийликтин коронавирус эпидемиясы менен күрөштө алсыздыгын аныктоо үчүн коомчулуктун катышуусунда мамлекеттик комиссия түзүүнү демилгелейт. Комиссиянын ишинин жыйынтыгы менен кооптуу абалга кептеген жооптуу адамдарды жоопкерчиликке тартууну көздөйт;

2. "Кумтөр" маселеси боюнча демилгелерди көтөрөт;

3. Жогорку Кеңештин депутаттарын шайлоодо шайлоочулардын укуктарын калыбына келтирүү максатында "Шайлоо жөнүндө" мыйзамга өзгөртүүлөрдү киргизүүнү демилгелейт.

"Бүтүн Кыргызстан" партиясынан кимдер депутат болуп келет. Тизме

Келечектеги милдеттер

1. Өнөр жай чөйрөсүндө чийки зат эмес, даяр продукция экспорттоо. Жаратылыш ресурстарын өлкө ичинде кайра иштетүү жана салык төлөмдөрүн карап чыгуу;

2. Торугарт — Жалал-Абад — Өзгөн темир жолун куруу;

3. Чакан жана орто бизнес чөйрөсүн тескөөдөн бошотуу. Бул тармакты криминал жана коррупциядан коргоо, мыйзамдарды кабыл алуу, ички жана орто ишканаларга мамлекеттик артыкчылык берүү;

4. Айылдык дарыгерлерге жеңилдиктерди камсыздоо (турак жай сатып алууга максаттуу каражаттар менен камсыз этүү);

5. Үчтөн көп балалуу болгондорго артыкчылык берүү. Атап айтканда, балдардын бала бакчага киришине көмөк көрсөтүү, мамлекеттик бюджеттен бекер дарылатуу, жайкы эс алуучу жана ден соолугун чыңдоочу лагерлерге алып барууну камсыздоо.

6. Кылым карыткан элдик оозеки чыгармаларга, акындык өнөргө, музыкалык аспаптарга, кол өнөрчүлүктүн түрлөрүнө жаш муундарды үйрөтүүгө жана окутууга мамлекеттик каржылоону көбөйтүү;

Өнөр адамдарына тийиштүү эмгек акыны жана социалдык кепилдиктерди камсыз кылуу;

Музей-коруктарга өзгөчө коргоодогу аймак статусун ыйгаруу.

Оорукана курабыз, 50 миң сом сүйүнчү беребиз. "Кыргызстан" партиясынын убадалары

7. Кыргызстандын улуттук кызыкчылыгы менен коррупциялашкан мамлекеттик аппарат сыйышпайт. Биз бизнес менен мамлекеттик кызматты аралаштырууга бөгөт коюу боюнча мыйзамдардын аткарылышына катуу талап коёбуз. Жемкорлукка шектелген чиновник тапкан байлыгынын финансылык булактарын ачык көрсөтүүгө милдеттүү;

8. "Бүтүн Кыргызстан" партиясы экологиялык чыгымдардын ордун толтуруу үчүн экологиялык камсыздандыруу системасын сунуштайт.

961
Белгилер:
"Бүтүн Кыргызстан" партиясы, убада, шайлоо, Адахан Мадумаров
Тема:
Шайлоо-2020 (252)
Тема боюнча
Оорукана курабыз, 50 миң сом сүйүнчү беребиз. "Кыргызстан" партиясынын убадалары
Жаңы чакырылышка кимдер депутат болуп келди? Болжолдуу тизме
Соттор эл алдында жооп берет. "Биримдик" кандай убада менен шайлоодон жеңди
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

103
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

103
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

47
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

47
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды