Шайлоодон кийин бюллетендерди саноо учуру. Архивдик сүрөт

Кыргызстанда парламенттик шайлоо кандай өттү? Күндүн урунттуу учурлары

464
(жаңыланган 16:28 05.10.2020)
Sputnik Кыргызстан агенттиги 4-октябрда өткөн парламенттик шайлоонун жүрүшүнө сереп салып, урунттуу учурларды тизмектеди.

Кыргызстанда шайлоо участоктору адаттагыдай эле 8:00дө ачылды. Добуш берүүчүлөрдүн тизмесине 3 миллион 523 миң 554 киши кирген.

Добуш берүү процессин жүргүзүү үчүн 2 475 шайлоо участкасы уюштурулган, анын 45и чет өлкөлөрдө иштеди.

Саат 9.00дөр чамасында президент Сооронбай Жээнбеков Бишкектеги №5 мектеп лицейинде жайгашкан № 1327 шайлоо участогуна барып добуш берди. Президент идентификация процессинен өтүп жатканда мүчүлүштүк жаралды

Өкмөт башчы Кубатбек Боронов жарандык милдетин Бишкек шаарындагы № 62 мектеп-гимназиясында жайгашкан № 1105 шайлоо участкасында аткарган. Добуш бергенден кийин ал жакынкы беш жылдыкта өлкөдөгү саясатты аныктай турган саясатчылар келе турганын айтты. 

Премьер-министр Кыргызской Республики Кубатбек Боронов проголосовал на выборах депутатов Жогорку Кенеша Кыргызской Республики на избирательном участке № 1105, расположенном в школе гимназии № 62 города Бишкек.
© Пресс-служба правительства / Алишер Алиев
Өкмөт башчы Кубатбек Боронов жарандык милдетин № 1105 шайлоо участкасында аткарган

Андан кийин Бишкек жана Ош шаарларынын мэрлери өз участокторунда добуш беришти.

Коронавирус пандемиясы маалында шайлоочулардын коопсуздугун камсыз кылуу максатында БШК Саламаттык сактоо министрлиги менен биргеликте атайын алгоритм иштеп чыккан. Анын негизинде шайлоо участокторунда бет кап таратылып, ар бир участокто медицина кызматкерлери иштеди. 

Избиратель в маске проходит процедуру идентификации для голосования во время парламентских выборов в селе Горная Маевка. 4 октября 2020 года
© AP Photo / Vladimir Voronin
Түшкө маал добуш берүү жанданып, шайлоо участокторунда элдин узун кезеги байкала баштады

Түшкө маал добуш берүү жанданып, шайлоо участокторунда элдин узун кезеги байкала баштады.

Аймактарда да эл шайлоого активдүү катышты. Өлкө боюнча түшкө чейин бир миллиондой адам добуш берген. 

Очередь на голосование в избирательном участке №5277 на выборах в Парламент-2020 в Оше
© Sputnik / Зульфия Тургунова
Аймактарда да эл шайлоого активдүү катышты. Өлкө боюнча түшкө чейин бир миллиондой адам добуш берген

Ош шаарында саат 8:00дөн баштап эле ар бир шайлоо тилкесинде 200-300дөн адам кезек күтүп жатты.

Нарын шаарындагы № 4068 шайлоо участкасында бюллетень салган аппарат убактылуу иштебей калып, шайлоочулар топтолуп узун кезек жаралды.

Коомдук тартипти көзөмөлдөө үчүн 10 000ден ашык ИИМ кызматкери күчөтүлгөн тартипте иштеди. Ошондой эле 900дөн ашык инспектор жол кыймылына көзөмөл жүргүзсө, 7000ден ашуун элдик кошуун көмөк көрсөткөн. 

Сотрудник милиции голосует на избирательном участке №1327 в Бишкеке в ходе голосования на выборах седьмого созыва ЖК
© Sputnik / Табылды Кадырбеков
Коомдук тартипти көзөмөлдөө үчүн 10 000ден ашык ИИМ кызматкери күчөтүлгөн тартипте иштеди

Кызык окуялар да катталбай койгон жок. Соцтармакта шайлоодо "каза болгон адам добуш берди" деген маалымат тарап, БШК ал боюнча да жооп берди.

Кыргызстанда 67 миңден ашык жаран биринчи ирет добуш берди. Аларга БШК КРдин Конституциясын белек катары тартуулаган.

​Соцтармак колдонуучулары добуш берүүдө мыйзам бузуу учурлары катталганын айтып, сүрөт, видеолорду байма-бай жүктөп жатты. Анын бири БШКнын кызматкерлериндей кийинген эки адам бюллетендерди тобу менен урнага салып жаткан видео. Бул боюнча Тынчтык Шайназаров жооп берип, видео тесттик бюллетендер менен автоматтык урнаны текшерип жаткан маалда тартылганын айтты.

ТИМ министри Чыңгыз Айдарбеков быйыл чет өлкөлөрдө шайлоочулардын саны 32 602ге жеткенин билдирди. Шайлоо участоктору ар бир өлкөдө ар кандай убакытта ачылды. Владивосток жана Түштүк Сахалин шаарларында добуш берүү Бишкек убактысы боюнча саат 3:00дө башталып, анын 16:00дө аяктаган.

Москва шаарындагы Кыргызстандын элчилигинин имаратынын аймагында үч шайлоо участогу уюштурулуп, мекендештер активдүү добуш беришкен. Аны кыргызстандыктар тартып жиберген видеодон көрө аласыздар

Саат 18.00гө карата 1 миллион 594 миң 802 кыргызстандык добуш берди.

Добуш берүүнүн убактысы аяктап калганда БШК мүчөсү Тынчтык Шайназаров парламенттик шайлоого добуш берүү күнүндө 108 арыз келип түшкөнүн кабарлады.

Бажы ачык иштейт, облустар жоюлат. "Мекеним Кыргызстан" партиясынын убадалары

Саат 20:00дө добуш берүү аяктап, БШК шайлоонун алдын ала жыйынтыгын жарыялады.

  1. "Биримдик" — 483 345 добуш же 24,53 пайыз;
  2. "Мекеним Кыргызстан" — 470 806 же 23,9 пайыз;
  3. "Кыргызстан" — 172 251 же 8,74 пайыз;
  4. "Бүтүн Кыргызстан" — 138 617 же 7,09;
  5. "Мекенчил" – 134 944 же 6,85 пайыз;
  6. "Республика" — 114 371 же 5,81 пайыз;
  7. "Ата Мекен" — 79 530 же 4,04 пайыз;
  8. "Ыйман нуру" — 66 0 22 же 3,35 пайыз;
  9. "Бир бол" — 59 755 же 3,03 пайыз;
  10. "Чоң казат" — 45 856 же 2,33 пайыз;
  11. "Замандаш" — 42 292 же 2,15 пайыз;
  12. "Социал-демократтар" — 41 837 же 2,12 пайыз;
  13. "Реформа" — 32 279 же 1,64 пайыз;
  14. "Мекен ынтымагы" — 12 328 же 0,63 пайыз;
  15. "Ордо" — 4 343 же 0,22 пайыз;
  16. Афганистан согушунун ардагерлери — 3 419 же 0,17 пайыз;
  17. Баарына каршы – 35 358 же 1,83 пайыз.

Оорукана курабыз, 50 миң сом сүйүнчү беребиз. "Кыргызстан" партиясынын убадалары

Өлкө боюнча парламенттик шайлоого 1 миллион 604 миң 562 кыргызстандык катышкан. Бул шайлоочулардын жалпы санынын 45,54 пайызын түзөт дегенди түшүндүрөт. 

Подсчет результатов голосования на избирательном участке №1327 в Бишкеке после завершения выборов седьмого созыва ЖК
© Sputnik / Табылды Кадырбеков
Өлкө боюнча парламенттик шайлоого 1 миллион 604 миң 562 кыргызстандык катышкан. Бул шайлоочулардын жалпы санынын 45,54 пайызын түзөт дегенди түшүндүрөт

Алдын ала берилген маалымат боюнча, төрт партия 7 пайыздык босогодон өттү. Алар:

  • "Биримдик" — 24,45%;
  • "Мекеним Кыргызстан" — 23,95%;
  • "Бүтүн Кыргызстан" — 7,09%;
  • "Кыргызстан" — 8,76%.

Мандаттар тууралуу божомол автоматтык түрдө эсептөөчү системанын санаганы менен добуштардын 94,42 пайызынын жыйынтыгына таянып жасалды.

  • "Биримдик" — 46 мандат;
  • "Мекеним Кыргызстан" —  45 мандат;
  • "Кыргызстан" — 16 мандат;
  • "Бүтүн Кыргызстан" — 13 мандат.

Ал арада өтпөй калган партиялардын дээрлик бардыгы шайлоонун жыйынтыгын тааныбай турганын айтып, айрымдары митинг уюштурушту.

Добушту кол менен эсептөөнүн жыйынтыгы бүгүн маалым болот. БШК анда так жана акыркы маалыматты жарыялайт.

Шайлоодон кийинки абал тууралуу Sputnik Кыргызстан агенттиги жүргүзүп жаткан тексттик трансляциядан окуй аласыздар.

464
Белгилер:
Парламент, Жогорку Кеңеш, депутат, серепчи, БШК, шайлоо, Кыргызстан
Тема:
Жогорку Кеңешти шайлоонун жыйынтыгы (33)
Тема боюнча
Жаңы чакырылышка кимдер депутат болуп келди? Болжолдуу тизме
Шайлоодон кийин Кыргызстанда эмне болуп жатат. Сүрөт, видео баяндама
БШКнын төрайымы шайлоонун жыйынтыгы боюнча соңку маалыматты жарыялады
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

76
(жаңыланган 23:58 22.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө  кылдаттык менен мамиле кылууну айтып келем. Бул өлкөлөрдөгү  суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл өз коомунун ичиндеги мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз.  Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

76
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

44
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

44
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды