Адахан Мадумаров. Архив

Жарым жылга жетпей спикерликтен кол жууган. Адахан Мадумаров тууралуу 7 факты

1900
(жаңыланган 11:47 05.10.2020)
Парламентке жаңы келген "Бүтүн Кыргызстан" партиясынын лидери Адахан Мадумаров тууралуу фактыларды Sputnik Кыргызстан агенттигинин макаласынан окуңуз.

4-октябрь күнү Кыргызстанда парламенттик шайлоо өтүп, алдын ала жыйынтыктарга караганда, "Бүтүн Кыргызстан" партиясы дагы жаңы чакырылыштын катарына кошулду.

Парламентте 13 мандатка ээ болчу бул партиянын лидери Адахан Мадумаровдун таржымалы жана саясий жолу тууралуу эске салууну чечтик.

Туулган жери

1965-жылдын 9-мартында Ош облусунун Өзгөн районундагы Куршаб айылында туулган.

Кесиби боюнча журналист эмес

Мадумаровду көпчүлүк мурдагы жуналист катары тааныйт. Анткени ал 1990-жылдары КТРКда иштеп, эл көзүнө ошол жактан көрүнө алган, бирок ал журналисттик билим алган эмес. Эки дипломдун ээси. Алгач Тверь мамлекеттик университетинен тарыхчы, кийин Кыргыз мамлекеттик университетинен юрист кесиптерине ээ болгон.

"Бүтүн Кыргызстан" партиясынан кимдер депутат болуп келет. Тизме

Сопредседатель партии Бутун Кыргызстан Эмгек Адахан Мадумаров.
© Sputnik / Андрей Стенин
Адахан Мадумаров парламентте 13 мандатка ээ болчу "Бүтүн Кыргызстан" партиясынын лидери

Совхоздо иштеген

Эмгек жолун 1982-жылы Өзгөн районундагы "Кайнар" совхозунан баштаган. 1983-85-жылдары советтик армиянын катарында кызмат өтөп, кийин кайра совхозго жумушчу катары кайткан.

Эки ирет президенттикке ат салышкан

2017-жылы президенттик шайлоодо ат салышып, Сооронбай Жээнбеков жана Өмүрбек Бабановдон кийинки үчүнчү орунду ээлеген. Ошондой эле 2011-жылы да өлкө башчы болом деп шайлоого катышкан.

Аскар Салымбеков менен тандеми

2010-жылдагы парламенттик шайлоодо "Бүтүн Кыргызстан" алтынчы орунду ээлеген, ал эми ЖКга алдыдагы беш партия келген. 2015-жылдын башында Адахан Мадумаров ("Бүтүн Кыргызстан") менен Аскар Салымбеков ("Эмгек") биригип, жаңы саясий бирикме "Бүтүн Кыргызстан Эмгек" деп аталган. Бирок алардын 2015-жылы Жогорку Кеңешке болгон шайлоодо жеңишке жетебиз деген тилеги ишке ашкан эмес. Мындан көп узабай партиялар "ажырашып" кеткен. Ошентип "Бүтүн Кыргызстан" эки ирет парламентке өткөн жок. Экөөндө тең бир аз пайыз жетпей калган.

Россияда мигрант болгон. Төрөбай Зулпукаров жөнүндө 6 факты

Экс-депутат Жогорку Кенеша, политик Адахан Мадумаров во время дебатов кандидатов в президенты на канале КТРК
© Sputnik / Табылды Кадырбеков
Ал парламентте безге сайып сүйлөгөн чечендиги, бетке чабар курч мүнөзү менен оозго алынган

Мадумаровдун чырлуу спикерлиги

Бирок Мадумаровдун шайлоодон такыр эле жолу болбой калды деп айтууга да болбойт. Ал төрт чакырылыштын депутаты болду (биринчиден төртүнчүгө чейинкисине көз чаптырсак, Кыргыз ССРинин Жогорку Советинин акыркы чакырылышын "легендарлуу парламент" катары катар санга кирбестигин эстеп коёлу). Тагыраагы, 2007-жылы президенттик "Ак Жол" партиясына кирип, акыркы ирет ЖКга барып, ал тургай спикер да болгон. Бирок бул кызматта көпкө кармалган эмес, 2008-жылдын январынан майына чейин гана турду.

Отставкага себепкер "жаңгак кабынын" чыры болду. Мадумаров парламенттин жыйындар залын оңдоп-түзөөдөн өткөрүп, аны жаңгак кабы менен жасалгалоого ниеттенген. Бул кадам жөнөкөй жарандардан тарта депутаттардын өздөрүнүн да нааразылыгын жараткан. Жыйынтыгында Мадумаров спикерлик эле эмес, мандаттан да баш тартууга аргасыз болгон.

Мадумаров безге сайып сүйлөгөн чечендиги, бетке чабар курч мүнөзү менен дал ошол парламентте жүргөн кезинде оозго алынган.

Сын менен чырга жакын "Кыргызстандын" лидери Канат Исаев тууралуу 11 факты

Предвыборная агитация в Киргизии
© Sputnik / Андрей Стенин
2017-жылы президенттик шайлоодо ат салышып, Сооронбай Жээнбеков жана Өмүрбек Бабановдон кийинки үчүнчү орунду ээлеген

Уулдары тууралуу

Адахан Мадумаровдун Нурмухаммед, Динмухаммед жана Алихан аттуу уулдары бар. Тун баласы кесиби боюнча юрист, экинчиси дипломат. Кичүүсү мектеп окуучусу.

1900
Белгилер:
мандат, факты, Жогорку Кеңеш, Адахан Мадумаров
Тема боюнча
Айылдагы медиктерге үй алып беребиз. "Бүтүн Кыргызстандын" негизги убадалары

Жапаров менен өкмөттүн 19 мүчөсү бир мүнөттө ант берсе кандай болмок. Видео

807
(жаңыланган 21:28 28.10.2020)
Премьер-министр Садыр Жапаров жана жаңыдан дайындалган өкмөт мүчөлөрү Жогорку Кеңештин депутаттарынын жана элдин алдында ант беришти.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси. Алар кызматка киришип жатып ант берүүгө милдеттүү.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниетим менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Шашкалактаган, кайра кайталаган министрлер. Өкмөт мүчөлөрүнүн ант берген сүрөттөрү

Тышкы иштер министри Руслан Казакбаев Нур-Султанга иш сапар менен кеткендиктен ант берүү аземине катышкан жок.

Ал эми эмгек жана социалдык өнүктүрүү министри кызматына Аида Исмаилованы парламент колдобой койду. Мындан улам эки министр ант бербей калды.

Соңунда Садыр Жапаров аларга кайрылып, болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

807
Белгилер:
вице-премьер-министр, ант берүү, өкмөт, Садыр Жапаров
Тема боюнча
Садыр Жапаров депутаттардын алдында ант берди. Видео
Акылбек Жапаров үч күн таптырбай кайда жүргөнүн айтты
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

156
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

156
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү