Мекеним Кыргызстан партиясынын үчүнчү сабында турган Ибрагим Жунусов. Архив

"Эламан" үчүн Ислам Каримов саатын белек кылган. Ибрагим Жунусов тууралуу 6 факты

729
(жаңыланган 16:51 05.10.2020)
4-октябрь күнү өткөн парламенттик шайлоодо алдын ала жыйынтык боюнча төрт партия жеңишке жетишти. Экинчи орунду ээлеп, 45 мандатка ээ болот деп божомолдонуп жаткан "Мекеним Кыргызстан" партиясынын үчүнчү сабында Ибрагим Жунусов турат.

Sputnik Кыргызстан агенттиги убагында сахна жылдызы болуп, кийин саясатка кадам таштаган КРдин эл артисти, профессор, мамлекеттик ишмер Ибрагим Жунусов тууралуу кызыктуу фактыларды даярдады.

Төрт тилде эркин сүйлөйт. Ибрагим Жунусов 1961-жылы 13-майда Ош облусунун Кара-Суу районундагы Сарай айылында туулган. Апасы мугалим болгондуктан балдарын билимдүү кылып өстүрүүгө жан үрөйт. Ал 1983-жылы Ош мамлекеттик университетинин музыка факультетин аяктаган. Эки кыз, бир уулдун атасы кыргыз, орус, түрк жана өзбек тилдерин билет.

Архивное фото посла Кыргызстана в Турции Ибрагима Жунусова
© Фото / пресс-служба МИД КР
Ибрагим Жунусов 1961-жылы 13-майда Ош облусунун Кара-Суу районундагы Сарай айылында туулган. Апасы мугалим болгондуктан балдарын билимдүү кылып өстүрүүгө жан үрөйт.

Коомдук-саясий жана мамлекеттик ишмер. Ибрагим Жунусов 2007-жылы Жогорку Кенештин  IV чакырылышына "Ак Жол" партиясынын тизмеси менен мыйзам чыгаруу палатасынын депутаты болуп келген. Билим берүү, илим, маданият жана спорт комитетинин төрагасы болуп дайындалган. 2010-жылы февралдан тарта Мамлекеттик маданият агенттигинин директору болсо, 2010-жылы октябрь айында Жогорку Кеңештин V чакырылышына "Ата  Журт" партиясынан кайрадан депутат болуп шайланып келген. "Ата Журт" партиясы менен шайлоого катышып, 210 миң шайлоочусу бар Кара-Суу районунан 32 миң добуш жыйнап бергенден бери ар шайлоодо Жунусовго сунуш берген партиялар көп болуп келгенин айтышат.

Ал эми 2010-жылдын аягынан 2011-жылдын акырына чейин КРдин социалдык маселелер боюнча вице-премьери кызматын аркалаган.

Андан соң маданият жана туризм министри болуп дайындалып, ал кызматта үч жылдай иштеген. Ал эми 2014-жылдын 17-сентябрынан тарта Кыргызстандын Түркиядагы элчиси болгон. Ушул жылдын 11-августунда Кыргызстандын Өзбекстандагы элчиси Ибрагим Жунусов Тышкы иштер министрлигине арыз жазып, өзүнүн элчилик ыйгарым укугун октябрь айынын аягына чейин токтото турганын билдирген. Муну ал боло турган парламенттик шайлоо менен байланыштырган. Буга мыйзам жол берет.

Чыгармачылыгы. Ибрагим Жунусов 200дөн ашык ырдын автору. Түркияда, Германияда, Голландияда жеке концертин берген. Борбор Азиянын жана Индиянын эл аралык фестивалдарына катышкан. Ал Кыргызстандын Композиторлор союзунун мүчөсү. "Нокдаун" көркөм фильминин (режиссёру Т. Раззаков), Султан Раевдин "Каалга" телекөрсөтүүсүнүн, "Аял" спектаклинин, Бексултан Жакиевдин "Алтын аяк" спектаклинин музыкасын жазган.

Посол Кыргызстана в Турции Ибрагим Жунусов с сыном. Архивное фото
© Фото / из архива Ибрагима Жунусова
1990-жылы Ошто улуттар аралык кагылышуу чыгып, элдин ыркы кетип турган маалда ошол кездеги ырчы, обончу Ибрагим Жунусов уулдуу болуп, атын Эламан койгон. Баласына арнап чыгарган ыры эки жыл катары менен Кыргызстанда "Жылдын эң мыкты ыры", 1996-жылы Казакстандын "Мыкты ыр", 1997-жылы Өзбекстандын "Эң белгилүү ыр" номинациясына татыган

1990-жылы Ошто улуттар аралык кагылышуу чыгып, элдин ыркы кетип турган маалда ошол кездеги ырчы, обончу Ибрагим Жунусов уулдуу болуп, атын Эламан койгон. Баласына арнап чыгарган ыры эки жыл катары менен (1994-1995-жж. — ред.) Кыргызстанда "Жылдын эң мыкты ыры", 1996-жылы Казакстандын "Мыкты ыр", 1997-жылы Өзбекстандын "Эң белгилүү ыр" номинациясына татыган. Ыр кайсы бир мамлекеттик иш-чарада Өзбекстандын ошол кездеги президенти Ислам Каримовго жагып, Жунусовго кол саатын белек кылган экен.

Ошол жылдары төрөлгөн наристелердин көбүнө Эламан деген ысым коюлган.

Ал жеке чыгармачылык концерти менен Германияга, Голландияга, Түркияга жана КЭРге барган. Борбордук Азияда жана Индияда өткөн эл аралык фестивалдардын лауреаты аталган. 1980 жана 1982-жылдары "Ала-Тоо жазы" фестивалынын, 1986-1988-жылдары II жана III бүткүл союздук элдик чыгармачылык фестивалынын лауреаты болгон.

Убагында "Эллегия" деген аталыштагы эки кыздан турган топ түзүп, үч жылдан соң топтогу Айчүрөк аттуу кызын турмуш жолуна узаткан.

Узун элдин учуна, кыска элдин кыйырына тараган "Эламан" деген ырынан башка "Алтын апа", "Үйлөнүү той", "Чынара" деген чыгармалары хитке айланып, көпчүлүктүн сүйүүсүнө татыган.

Үй-бүлөсү. 30 жаштын кырындагы Эламан эл аралык мамилелер жаатында билим алган. Ибрагим Жунусовдун Асел жана Алина деген кыздары да бар. Жубайы Чынара Сатыбалдиева менен кырк жылдан бери чогуу түтүн булатып келишет.

Ибрагим Жунусов кырктын кырына келгенде небере күтүп, таята болгон.

Посол Кыргызстана в Турции Ибрагим Жунусов. Архивное фото
© Фото / из архива Ибрагима Жунусова
Ибрагим Жунусов эмгек жолунда агартуучулук жаатында да кызмат өтөп, шакирт тарбиялаган. 1984-1986-жылдары Жалал-Абад педагогикалык училищесинде окутуучу, 1986-2002-жылдары Ош мамлекеттик университетинин педагогика факультетинин доценти, окутуучу болуп иштеген.

Агартуучу. Ибрагим Жунусов эмгек жолунда агартуучулук жаатында да кызмат өтөп, шакирт тарбиялаган. 1984-1986-жылдары Жалал-Абад педагогикалык училищесинде окутуучу, 1986-2002-жылдары Ош мамлекеттик университетинин педагогика факультетинин доценти, окутуучу болуп иштеген.

Ал эми 2002-2005-жылдары Искусство факультетинин деканы, 2005-2007-жылдары Ош мамлекеттик университетинин биринчи проректору кызматын аркалаган. 2002-жылы өзү окуган факультетте декан болуп турганда профессор болгон.

Наамдары. 2006-жылы Эл артисти наамын алган. Кыргызстандын Түркиядагы элчиси болуп турганда эки элдин достугун бекемдегени үчүн Ipekyolu Yılın Altın Adamları ("Жылдын алтын адамы") сыйлыгына татыган.

729
Белгилер:
депутат, профессор, факты, Ибрагим Жунусов
Тема:
Шайлоо-2020 (253)
Тема боюнча
Сын менен чырга жакын "Кыргызстандын" лидери Канат Исаев тууралуу 11 факты
Россияда мигрант болгон. Төрөбай Зулпукаров жөнүндө 6 факты
Жарым жылга жетпей спикерликтен кол жууган. Адахан Мадумаров тууралуу 7 факты
Ак үй. Архив

Садыр Жапаров: Ак үйдү оңдоого 450 млн. эмес, 10 эле млн. сом кетет

216
(жаңыланган 16:45 25.10.2020)
Буга чейин депутат Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

БИШКЕК, 25-окт. — Sputnik. Ак үйдү оңдоо иштерине 450 миллион сом кетет экен деген маалымат туура эмес. Бул тууралуу Садыр Жапаров Telegram каналы аркылуу билдирди.

Анын айтымында, 450 миллион сом — бул парламенттик шайлоого жумшалган каражат.

"450 миллион сом Ак үйдү оңдоого кетчү чыгым экен деп адашып айтып жатышат. Имаратты ремонттоого көп каражат кетпейт. Кыдырып баарын көрүп чыктым. 10 миллион сомго жетпеген каражат керектелет. Тапшырмаларды бердим. Жакын арада оңдоо иштери бүтөт", — деп жазды Жапаров.

Эске салсак, буга чейин парламенттин бюджет жана финансы комитетинин мүчөсү, премьер-министрдин коомдук башталыштагы кеңешчиси Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

216
Белгилер:
ремонт, Акылбек Жапаров, Ак үй, Садыр Жапаров
Тема:
Парламенттик шайлоодон кийинки окуялар
Тема боюнча
Депутат: Ак үйдү калыбына келтирүүгө 450 млн. сом керек
Дипломаттар. Архив

Кыргызды сагынганда “Ала-Тоо таңшыйтты” баштан-аяк ырдап... Дипломаттардын баяны

57
(жаңыланган 15:30 25.10.2020)
Дипломатия өзгөчө адистик. Бул кесиптин ээлери — мамлекеттүлүктүн өбөлгөсү. Ошол эле учурда абдан оор кесип.

Өлкөнүн кызыкчылыгы үчүн бир маселени чечүү бир нече дипломаттын өмүр жашын алышы мүмкүн. Кылдат чеберчилик жана иш билгилик талап кылынат. Кыргызстандын дипломаттары далай сыноодон өтүүдө. Алар ар дайым өлкөнүн улуттук намысы үчүн эмгектенип келет. 24-октябрда кесиптик майрамын белгилеген дипломаттардын башынан өткөн окуяларын колумнист Алмаз Батилов жазып алган.

КР атайын жана ыйгарым укуктуу кенже элчиси Сактанбек Кадыралиев

  • Сактанбек Кадыралиев (слева второй) вместе со спикером парламента Баварии. Мюнхен. 2000 год
    КР Атайын жана Ыйгарым укуктуу кенже элчиси Сактанбек Кадыралиев (сол жактан экинчи)
    © Фото / из личного архива Сактанбека Кадыралиева
  • Сактанбек Кадыралиев вместе с супругой Чолпон . Бангладеш. 1987 год
    Сактанбек Кадыралиев Чолпон жубайы менен
    © Фото / из личного архива Сактанбека Кадыралиева
1 / 2
© Фото / из личного архива Сактанбека Кадыралиева
КР Атайын жана Ыйгарым укуктуу кенже элчиси Сактанбек Кадыралиев (сол жактан экинчи)

Ата Мекенге кусалык

— 1984-жылы Кыргыз ССРинин Министрлер советинин орун басары Курманбек Аташев жетектеген мамлекеттик делегациянын курамында Түштүк Йеменге бардым. Анда Кыргызстандын чет өлкөлөр менен достук жана маданий байланыштар коомунда иштечүмүн. Достук коому ар жылы чет өлкөлөрдө Кыргызстандын маданият күндөрүн өткөрүп турчу. Бул делегациянын курамында Алтынбек Сапаралиев, Хусейн Мухтаров, Даниэль Назарматов, Самара Токтакунова өңдүү элибиздин көрүнүктүү маданий ишмерлери бар эле. Ошол учурда Йемен эки бөлөк мамлекет болуп, экөөнүн ортосунда карама-каршылык абдан күчтүү болчу. Түндүк Йемен АКШ менен Сауд Аравиянын таасиринин алдында. Ал эми Түштүк Йемен СССРдин Түштүк Батыш Азиядагы эң маанилүү өнөктөшү эле. Бул мамлекетте миңдей советтик адис эмгектенчү.

Ачык асман астында концерт койдук. Хусейн агабыз советтик кыргыз жана орус романстарын, өзгөчө даңазалуу орус ырчысы Федор Шаляпиндин белгилүү “Вдоль по Питерской” ырын аткарганда советтик адистердин шолоктоп ыйлаганына күбө болдум. Ал кезде чет жерде Ата Мекениңди, маданиятыңды сагынып куса болуп буркурап ыйлаарыңды анча түшүнбөптүрмүн. Алтынбек агабыз “Кантың бар”, “Смуглянка” ырларын созгондо мекендештерибиз дүркүрөтө кол чаап, кайра-кайра суранып, ырдатып жатышты. Назарматов жетектеген чакан музыкалык топтун коштоосунда Самара эжебиз кыргыздын “Көкөй кести” “Маш ботой”, “Ак тамак, көк тамак” күүлөрүн чертип йемендиктерге комуздун ушунча чебер аспап экенин далилдеди. Белгилүү кинорежиссер Нуртай Борбиев Йеменге барган иш-чарабыз тууралуу даректүү тасма тарткан.

1985-жылы Бангладешке СССРдин элчилигине иштегени барганда Түштүк Йемендеги советтик адистердин абалын даана түшүндүм. Кыргызстанга куса болгон учурда жубайым Чолпон экөөбүз батирде “Ала-Тоо таңшыйт” ырлар жыйнагын ачып алып баштан-аяк ырдаар элек, ала барган комузумду чертчүмүн. Кыргыз ырлары менен күүлөрү жазылган аудиокассеталарын ала баргам. Аларды үйдө жана автоунаанын магнитофонунан угар элек. Бир айда СССРден бир эле жолу почта келчү. Аны чыдамсыздык менен күтөсүң. Элчиликтеги ар бир үй-бүлө жакындарынан 10-20дан кат алар эле. Ушул каттарды окуганда кээси сагынычтан ыйлаганын, айрымдары кубанганын көрдүм. Ошентип Бангладеште төрт жыл сегиз ай иштедим. Интернетке рахмат, бүгүнкү дүйнө жүзүндөгү дипломаттарда маалымат жагынан мындай көйгөй жок.

ТИМдин III катчысы жана мамлекеттик кызматтын III класстагы кеңешчиси Акылбек Жумабаев

Советник посольства КР в Узбекистане Акылбек Жумабаев. Ташкент. 1994 год
© Фото / из личного архива Акылбека Жумабаева
ТИМдин III катчысы жана мамлекеттик кызматтын III класстагы кеңешчиси Акылбек Жумабаев

Ташкентте кыргыз дипломаттарга батир берилген

— 1994-жылы ноябрь айында КРдин Өзбекстандагы элчилигине кеңешчи болуп дайындалдым. Бул кызматка мени Кыргызстандын бул өлкөдөгү биринчи элчиси, белгилүү жазуучу Салижан Жигитов чакырган. Агай аябай көрөгөч эле. Кыргызстан улуттук валютасын кабыл алгандан пайдаланып, Ташкенттин борборунан элчилик үчүн эки батир алдык. Белгилей кетчү жагдай, аларды ТИМден бир тыйын сурабастан элчиликтин үнөмдөлгөн каражатына алганбыз. Анын үстүнө Өзбекстандын жетекчилиги бизге колдон келген жардамын аяган жок. Буга чейин Салижан агай элчиликтин кеңсеси менен батирлери үчүн арзан баада эмерек сатып алган. 1995-жылы агайдын ордуна белгилүү мамлекеттик ишмер Батыралы Сыдыков дайындалды. Анын демилгеси менен Ташкенттин чок ортосунан элчилик үчүн имарат жана батирлер сатып алынды. Азыркы күндө Өзбекстандын борборунда иштеген кыргыз дипломаттарынын баары батир менен камсыздалган жана элчиликтин кеңсеси үчүн ижара акысы төлөнбөйт. Тилекке каршы, батир маселеси Кыргызстандын башка элчиликтеринде толугу менен чечиле элек. Бүгүнкү күндө бул максатта мамлекеттик казынадан ири сумма сарпталат.

КРдин атайын жана ыйгарым укуктуу элчиси Эрик Асаналиев (1959-2020)

В посольстве КР в Таджикистане в ( центре) Эрик Асаналиев. Душанбе. 1998 год
© Фото / из личного архива Эрика Асаналиева
КР Атайын жана Ыйгарым укуктуу элчиси Эрик Асаналиев (ортодо)

Душанбеде жансакчысы жок иштедим

— 1992-жылы Тажикстанда жарандык согуш башталды. 1994-жылы бул өлкөдөгү абалды ичинен тыкыр иликтөө үчүн КР ТИМинин жетекчиси Роза Отунбаева мени өзгөчө тапшырма менен элчи кызматына дайындады. Үч жыл бою Тажикстанга барып-келип иштедим. 1997-2001-жылдары бул коңшу өлкөдө КРдин атайын жана ыйгарым укуктуу элчиси болуп дайындалдым. Ошол учурда кээ бир элчилерге кол салган учурлар болду. Ошондуктан Душанбе шаарындагы башка кесиптештеримдин көпчүлүгүн жансакчылар кайтарышты. Индиянын элчиси экөөбүз гана жансакчысы жок иштедик. Тажикстандын курамындагы Тоолуу Бадахшан автономдуу облусунун Ишкашим районунда кыргыз тынчтык орнотуучу батальону жайгашкан эле. Бул батальондун аскерлеринин ичинен бир нечесин жансакчы кылып алсам болмок. Бирок баш тарттым. Себеби КРдин мыйзамында эгерде алардын бирөөсү чагымчылдыктан же кол салуудан курман болуп, жараат алса, жоопкерчиликти ким тартаары жазылган эмес. Кыргызстан жарандык согушка карабастан Тажикстанга блокада кылган жок. “Жарандарыңар ээн-эркин кыргыз-тажик чек арасынан өтүүдө. Эки тарапка тең бирдей мамиле кылып расмий Бишкек бейтарап саясатты карманып жатат. Дал ушул себептен эки жактан эч кандай чагымчылдык жана кол салуу болбошу керек” деп расмий Душанбе жана бириккен тажик оппозициясынын өкүлдөрү менен жолуккан учурда сүйлөшкөм. Эки жак тең сөзүнө турду. Азыркы күндө эгерде кыргызстандык дипломаттар жогоруда айтылган абалга дуушар болсо, коопсуздугу кандайча камсыздалат деген маселе курч турат.

57
Белгилер:
дипломатиялык ишмер, элчи, Кыргызстан