Ала-Тоо аянтындагы митингтер. Архивдик сүрөт

Утулган 11 партия жаңы шайлоо өткөрүүнү талап кылууда

182
(жаңыланган 20:59 05.10.2020)
4-октябрдагы шайлоодо жети пайыздык ченемден "Биримдик", "Мекеним Кыргызстан", "Кыргызстан" жана "Бүтүн Кыргызстан" партиялары өттү.

БИШКЕК, 5-окт. — Sputnik. Парламенттик шайлоодо утулуп калган 11 партия добуш берүүнүн жыйынтыгын жокко чыгарууну талап кылган билдирүүгө кол койду. Маалыматты ЖК депутаты Эльвира Сурабалдиева тастыктады.

Документке төмөнкү партия лидерлери кол койду:

  • "Ата Мекен";
  • "Бир Бол";
  • "Республика";
  • "Бүтүн Кыргызстан";
  • "Замандаш";
  • "Реформа";
  • "Ыйман нуру";
  • "Чоң казат";
  • "Мекен ынтымагы";
  • "Социал-демократтар";
  • "Ордо".
"Биз бүгүн миңдеген кыргызстандыктар менен аянтка чыгып жатабыз. Анткени өлкө тарыхындагы эң ыплас шайлоонун жыйынтыгын биз тааныбайбыз! Бул шайлоо одоно мыйзам бузуулар менен өттү. Шайлоо бийликтин кысымы астында өттү деп жарыялайбыз. Шайлоо учурунда мугалимдерди жана башка бюджеттик кызматкерлерди мажбурлоо фактылары катталды", — деп айтылат билдирүүдө.

Партиялар добуш берүүнүн жыйынтыгын жокко чыгарууну жана Жогорку Кеңешке жаңы шайлоо дайындоону талап кылууда.

"Эркин шайлоо өткөрүүгө болгон Конституциялык укуктарыбызды колдонуп, 4-октябрдагы добуш берүүнүн жыйынтыгын жокко чыгарып, жаңы шайлоо өткөрүүнү талап кылабыз", — дешти партия мүчөлөрү.

Добуштарды кол менен саноонун алдын ала жыйынтыгы чыкты

Эске салсак, бүгүн түшкө чейин "Ала-Тоо" аянтында акырындан эл топтолуп, түштөн кийин шайлоодон утулуп калган сегиз партиянын башын бириктирген ири митингге айланган. Алар 4-октябрь күнү өткөн парламенттик шайлоонун жыйынтыгын тааныбай турганын айтып, адилеттүүлүктү талап кылууда.

Ал эми жети пайыздык ченемден "Биримдик", "Мекеним Кыргызстан", "Кыргызстан" жана "Бүтүн Кыргызстан" партиялары өттү.

 

182
Белгилер:
нааразычылык акциясы, шайлоо, келишим, саясый партия, Кыргызстан
Тема:
Жогорку Кеңешти шайлоонун жыйынтыгы (33)
Тема боюнча
Баарына бирдей шарт түзүлдү! Жээнбеков парламенттик шайлоо тууралуу
Нарындыктар да шайлоонун жыйынтыгына нааразы болуп митингге чыгышты. Сүрөт
"Бир Болдун" лидери Алтынбек Сулайманов шайлоону кайра өткөрүүнү талап кылды
Кишилер жаштардын аллеясында бара жатат. Архив

Жамалбек Ырсалиев Бишкектин вице-мэри болуп дайындалды

45
(жаңыланган 17:50 29.10.2020)
Жаңы дайындалган вице-мэр борбор калаанын турак жай жана коммуналдык чарба боюнча маселелерин тескейт.

БИШКЕК, 29-окт. — Sputnik. Бишкек шаарынын вице-мэри болуп Жамалбек Ырсалиев дайындалды. Бул туурасында калаа мэриясынын маалымат кызматы билдирди.

Тиешелүү буйрукка мэрдин милдетин аткаруучу Балбак Түлөбаев кол койгон. Жаңы дайындалган вице-мэр борбор калаанын турак жай жана коммуналдык чарба боюнча маселелерин тескейт.

Кайрадан орун алмашуу. Балбак Түлөбаев жаңы вицелерди дайындады

Жамалбек Ырсалиев буга чейин Бишкек шаардык кеңешинин депутаты болуп иштеген.

45
Белгилер:
Жамалбек Ырсалиев, Бишкек, дайындоо, вице-мэр
Тема боюнча
Бишкекте эки райондун акими кызматтан кетүүгө арыз жазды
Россиянын Вашингтондогу элчиси Анатолий Антонов. Архив

РФ элчиси Европанын гиперүндүү ракеталар боюнча билдирүүсүнө жооп берди

50
(жаңыланган 15:43 29.10.2020)
Аталган келишим глобалдуу стратегиялык коопсуздукту камсыздоо максатында түзүлгөн. 2019-жылдын августунда АКШ "Россиянын эреже бузган кадамдарынан улам" макулдашуудан чыгып кеткен.

БИШКЕК, 29-окт. — Sputnik. Россиянын Вашингтондогу элчиси Анатолий Антонов Европага ракета техникасын жайгаштырууга шашпай туруу керектигин эскертти. Дипломаттын сөзүн РИА Новости жазды.

Эскерте кетсек, АКШ президентинин улуттук коопсуздук боюнча кеңешчиси Роберт О'Брайен шаршемби күнү Вашингтон Россияны тизгиндөө үчүн Европага гиперүндүү куралы менен баллистикалык ракеталарды жайгаштырууга даяр экенин жар салган.

Россияга "кыямат күндүн учагын" кайра жасоонун эмне зарылдыгы бар?

"Мындай билдирүүлөр регионалдык жана глобалдуу коопсуздукту туруксуздаштыруу кооптуулугун шарттайт, каршылашууну күчөтөт. Эгер Вашингтон куралданууга чындап көзөмөл жүргүзүүгө кызыкдар болсо, бул үчүн европа континентине ракеталарды жайгаштыруунун зарылдыгы жок", — деген Антонов.

Ал Владимир Путиндин Орто жана жакынкы ыраактагы ракеталарды жок кылуу боюнча келишимдин (ДРСМД) токтотулган шартында деэслакация сунушун "конструктивдүү альтернатива" деп атады.

Аталган келишим глобалдуу стратегиялык коопсуздукту камсыздоо максатында түзүлгөн. 2019-жылдын августунда АКШ "Россиянын эреже бузган кадамдарынан улам" макулдашуудан чыгып кеткен. Вашингтон Москвага тыюу салынган 9М729 ракетасын иштеп чыгып сынады деп кине койгон. Ал эми Россия бардык ишти уруксат берилген 500 чакырымга чейинки аралыкта жүргүзгөнүн айтып келет.

Суверенитетти коргоо: россиялык С-500 абадан коргонуу тутумун кимдер сатып алат?

Ушул жумада Путин ракета жарышын токтотуу механизмдерин иштеп чыгууну сунуштаган. РФ лидери Москва өлкөнүн европалык бөлүгүнө 9М729 ракетасын жайгаштырбай турганын, бирок НАТО тараптан да ушундай эле жооп күтөрүн билдирген. Ал муну менен бирге альянска Европа жана Калининграддагы объектилерде жайгаштырылып жаткан Мк-41 жана 9М729 техникасын текшерүүнү сунуштаган. Ал эми Германия ТИМинин өкүлү Андреа Зассе бул демилге "ишеним жаратпай турганын" билдирди. 

50
Белгилер:
коопсуздук, келишим, Владимир Путин, АКШ, Россия, ракета
Тема боюнча
Казакстанда ракетадан коргонуу боюнча Россиянын жаңы системасы сыналды. Видео
Оорукана. Архив

Министрлик: жарык өчкөндө кычкылтек концентраторуна кошулгандар тынчсызданды

0
(жаңыланган 19:13 29.10.2020)
Айгерчинова азыркы кырдаалда жарык үзгүлтүксүз берилип турбаса, кычкылтек концентратору менен жаткан бейтаптарга коркунуч жаралып калышы мүмкүн экенин эскертти.

БИШКЕК, 29-окт. — Sputnik. Бишкек шаары жарыксыз калганда оорукана, төрөт үйлөрүндө олуттуу көйгөй жаралган жок. Бирок кычкылтек концентраторунда жаткан бейтаптар бир аз тынчсызданды. Бул тууралуу Sputnik Кыргызстан агенттигине Саламаттык сактоо министрлигинин маалымат катчысы Жылдыз Айгерчинова билдирди.

Эске салсак, ордо калаада бүгүн, 29-октябрда, болжол менен саат 13:10дор чамасында Бишкектин бир топ жеринде электр кубаты өчүп, кийинчерээк күйгөн.

"Электр жарыгы көп убакытка өчкөн жок. Мындан улам оорукана, төрөт үйлөрүндө олуттуу көйгөй жаралган эмес. Анын үстүнө ар бир ооруканадагы реанимациялык блок генераторго туташтырылган. Алар жарык өчкөндө автоматтык түрдө иштейт. Республикалык жугуштуу илдеттер ооруканасында өпкөнү жасалма дем алдыруучу аппараттар генератордун жардамы менен үзгүлтүксүз иштеп турду. Ал эми кычкылтек концентраторуна туташкан бейтаптар бир аз дүрбөлөңгө түштү. Анткени генератор палаталарга кошулган эмес. Алар болсо палаталарда жатышат", — деди Айгерчинова. 

Шаардыктар жарыксыз калганда. ТЭЦтеги кырдаалды асмандан көрсөткөн видео

Ал азыркы кырдаалда жарык үзгүлтүксүз берилип турбаса, кычкылтек концентратору менен жаткан бейтаптарга коркунуч жаралып калышы мүмкүн экенин эскертти.

0
Белгилер:
бейтап, Төрөт үйү, оорукана, жарык берүү, Бишкек
Тема боюнча
Авария эмес. "Түндүк электр" Бишкек ТЭЦте эмне болгонун тактады
Бишкек ТЭЦтин жетекчиси Воропаев билдирүү жасады
Шаардыктар жарыксыз калганда. ТЭЦтеги кырдаалды асмандан көрсөткөн видео