Ош шаарынын мэри Таалайбек Сарыбашов. Архив

Оштун мэрине шаардык кеңеш ишенбөөчүлүк көрсөттү. Муниципалитеттин жообу

362
(жаңыланган 13:02 06.10.2020)
Буга чейин өкмөттүн Нарын, Талас, Ысык-Көл, Баткен облусундагы ыйгарым укуктуу өкүлдөрү Эмилбек Алымкулов, Марат Мураталиев, Балбак Түлөбаев жана Алишер Абдрахманов кызматын тапшырышкан эле.

БИШКЕК, 6-окт. — Sputnik. Ош шаардык кеңешинин депутаттары мэр Таалайбек Сарыбашовго ишенбөөчүлүк көрсөттү. Бул тууралуу шаар мэриясынын маалымат катчысы Азамат Абсатаров билдирди.

"Таалайбек Насирбекович мыйзамды сыйлаган адам. Аны шаардык кеңештин депутаттары шайлаган. Азыр эми ишеним көрсөтпөй жатса, мэр мыйзамга каршы чыкпайт. Мен анын кол алдында иштеген адам катары айта кетсем, Сарыбашев милдетин ачык-айкын жана чын дилинен аткарды", — деди Абсатаров.

Ал 2018-жылдын 18-июлунан бери Ош шаарынын мэри болуп келген.

Белгилей кетсек, учурда Ош шаарында дагы нааразычылык акциялары өтүп жатат.

Буга чейин өкмөттүн Нарын, Талас, Ысык-Көл, Баткен облусундагы ыйгарым укуктуу өкүлдөрү Эмилбек Алымкулов, Марат Мураталиев, Балбак Түлөбаев жана Алишер Абдрахманов кызматын тапшырышкан эле.

Өлкө аймагында кандай окуялар болуп жатканын Sputnik Кыргызстан агенттиги жүргүзүп жаткан тексттик трансляциядан билүүгө болот.

362
Белгилер:
Таалайбек Сарыбашев, мэр, Ош шаары
Тема:
Парламенттик шайлоодон кийинки окуялар (470)
Тема боюнча
Бишкек мэриясында абал кандай? Соңку маалымат
Кыргыз эли жол таап кетерине ишенебиз. Казакстан митингдер боюнча үн катты
Баткендин башчысы Абдрахманов да кызматтан кетүүгө арыз жазды
Кыргызстандын президенти Садыр Жапаров. Архив

Жапаровдун жаңы администрациясы түзүлдү. Ким жетектеди?

24
(жаңыланган 15:44 07.05.2021)
11-апрелдеги референдумда кабыл алынган Конституциянын негизинде президенттин администрациясы кайрадан түптөлгөн.

БИШКЕК, 7-май — Sputnik. КР президенти менен өкмөтүнүн мурунку аппараттарынын базасында президенттин администрациясы түзүлүп, жетекчиси болуп кайрадан эле Сүйүнбек Касмамбетов дайындалды. Бул тууралуу мамлекет башчынын маалымат кызматынан кабарлашты.

"11-апрелдеги референдумда кабыл алынган Конституциянын негизинде президент менен өкмөттүн мурунку аппараттарынын базасында КР президентинин администрациясы түзүлдү", — деп айтылган маалыматта.

Администрация жетекчилиги боюнча Жапаровдун төмөнкүдөй жарлыгы чыккан:

Сүйүнбек Касмамбетов — Кыргыз Республикасынын президентинин администрациясынын жетекчиси болуп дайындалды жана мурда ээлеген кызматынан бошотулду;

Медербек Сатыев — Кыргыз Республикасынын президентинин администрациясынын жетекчисинин биринчи орун басары болуп дайындалды жана мурда ээлеген кызматынан бошотулду;

Бектур Зулпиев — Кыргыз Республикасынын президентинин администрациясынын жетекчисинин орун басары болуп дайындалды жана мурда ээлеген кызматынан бошотулду;

Жеңишбек Асанкулов — Кыргыз Республикасынын президентинин администрациясынын жетекчисинин орун басары болуп дайындалды.

24
Белгилер:
жарлык, президент, референдум, Кыргызстан
Тема боюнча
Түзүмү жаңыланган министрлер кабинетинин төрагасынын орун басарлары бекитилди
Марипов: министрлер кабинети өзгөчө кырдаал абалында күнү-түнү иштейт
Головной суу бөлүштүрүү жайы

Кыргыз-тажик чек арасын бөлчү чийин кайсы тилкелерде сызыла турганы айтылды

213
(жаңыланган 10:59 07.05.2021)
Буга чейин Ташиев 1924-1927-жылдардагы жана 1989-жылкы карталар ушул гана чек ара чекиттерин тактоодо колдонула турганын айтып, Ворух анклавынын буга эч кандай тиешеси жок экенин белгилеген.

БИШКЕК, 7-май — Sputnik. Өкмөттүн маалымат кызматы Кыргызстан менен Тажикстан чек араны бөлө турган чийин сызыла турчу тилкелерди көрсөттү.

"1924-1927-жылкы улуттук-аймактык чектеп бөлүү жана 1989-жылкы паритеттик комиссиянын документтери Лейлек районунун аймагында жайгашкан № 43 чек ара чекитинен № 61 чек ара чекитине чейинки тилкени жана Баткен районунун Кара-Бак айыл аймагында жайгашкан № 135 чек ара чекитинен № 141 чек ара чекитине чейинки тилкесин тактоодо гана пайдаланылат", — деп айтылат маалыматта.

Буга чейин Ташиев аталган жылдардагы карталар ушул гана чек ара чекиттерин тактоодо колдонула турганын айтып, Ворух анклавынын буга эч кандай тиешеси жок экенин белгилеген.

Эскерте кетсек, 17-майга чейин топографиялык иштер жана кыргыз-тажик чек ара линиясын аныктоо Лейлек районундагы Максат, Кулунду айылдарында, Баткен районундагы Көк-Терек, Көк-Таш, Ак-Сай айылдарында, мындан сырткары, коңшу өлкөнүн Бабаджан Гафуров районундагы Овчи Калача айылында, Согди облусуна караштуу Чоркух, Сомониён, Ходжаи Аъло айылдарында жана Исфара шаарында жүргүзүлөт.

213
Белгилер:
Лейлек, Кара-Бак, жер тилкеси, чек ара, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Баткендеги чек арада абал тынч, адистер иштеп жатат. Сүрөт
Тажикстан чек ара чырында канча жараны өлгөнү боюнча расмий маалымат берди