Ош шаарынын мэри Таалайбек Сарыбашов. Архив

Оштун мэрин алган шаардык кеңеш чечиминин себебин түшүндүрдү

617
(жаңыланган 13:59 06.10.2020)
Топтолгон эл өкмөттүн облустагы ыйгарым укуктуу өкүлчүлүгүнүн имаратына барган. Анда бир дагы кызматкер болбогондуктан жарандар "элдик бийлик орноду" деп жарыялашты.

БИШКЕК, 6-окт. — Sputnik. Ош шаардык кеңешинин 31 депутаты Таалайбек Сарыбашовду кызматтан алуу чечимин чыгарып, анын себебин түшүндүрүп беришти. Бул тууралуу Sputnik Кыргызстан агенттигинин аймактык кабарчысы билдирди.

"Шаардык кеңештин депутаттары Таалайбек Сарыбашовду парламенттик шайлоо учурунда "Биримдик" менен "Мекеним Кыргызстан" партияларынын кызыкчылыгы үчүн иштеди деп айыпташты", — деди кабарчы.

Ал ошондой элдин атынан чыккан өкүлдөр өкмөттүн облустагы ыйгарым укутуу өкүлчүлүгүнүн имаратына барышканын билдирди. Анда бир дагы кызматкер болбогондуктан жарандар "элдик бийлик орноду" деп жарыялашкан.

Ызы-чуу учурунда шаардык кеңештин төрагасы Жапар Ормонов сабалды.

617
Белгилер:
Таалайбек Сарыбашев, мэр, Ош
Тема:
Парламенттик шайлоодон кийинки окуялар (470)
Тема боюнча
Кара-Сууда эл Тилек Матраимовдун кабинетин басып алган видео тарады
Экс-президент Атамбаевдин Ниязов баштаган тарапташтары үй камагына чыкты
Бишкекте 6 партия Координациялык кеңештин жыйынына чогулду
Кыргызстан президентинин жеке оператору Улан Сатиев. Архив

Президенттин оператору КТРК жетекчисинин орун басарынын милдетин аткарууда

71
(жаңыланган 13:35 23.06.2021)
Сатиев алты президенттин бешөө менен иштешкен. Өткөн жумадан тарта телеканалдын директорунун орун басары катары эмгектенип жатат.

БИШКЕК, 23-июн. — Sputnik. Кыргызстан президентинин жеке оператору Улан Сатиев Коомдук телерадиокорпорациясынын башкы директорунун орун басарынын милдетин аткарып жатат. Бул тууралуу Sputnik агенттигине КТРКнын Байкоочулар кеңешинин мүчөсү Жылдызбек Керимбаев билдирди.

Бишкек шаарынын мурунку биринчи вице-мэри Алмаз Бакетаев. Архив
© Фото / Республиканский штаб КР по борьбе с COVID-19
Анын айтымында, өткөн жумада телеканалдын башкы директору Бактияр Алиев Сатиевди ушул кызматка дайындоону өтүнгөн. Эми келерки жумада Байкоочу кеңештин жыйыны болот. Анда Сатиев бул кызматка толук кандуу бекитилиши мүмкүн.

Талапкер буга чейин президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

71
Белгилер:
дайындоо, орун басар, директор, КТРК, оператор
Тема боюнча
Иран жана Австриядагы элчилер кызматтан кетип, жаңылары дайындалды
Бишкектеги Свердлов районунун мурдагы акими Нарын шаарына мэр болду
Президент Садыр Жапаров

Бизнеске кысым болууда! Садыр Жапаров экономиканы өнүктүрүүнүн жолдорун айтты

43
(жаңыланган 13:46 23.06.2021)
Президент Салык кызматы пландык текшерүүлөр кыскарууда деген маалымат бергени менен ички текшерүүлөр көбөйүп жатканын тастыктаган маалыматтар бар экенин билдирди.

БИШКЕК, 23-июн. — Sputnik. Мамлекет башчы Садыр Жапаров "Менчикти коргоо, ишкерлер менен инвесторлорду колдоо" жана "Ишкерлерди коргоо боюнча кошумча чаралар жөнүндө" жарлыктардын аткарылышына ар бир тийиштүү мамлекеттик органдардын жетекчилери жооп берерин айтты. Бул тууралуу президенттин маалымат кызматынан билдиришти.

Жапаров бүгүн, 23-июнда, бизнес-коомчулуктун алдында сүйлөп жатып, өлкөнүн экономикалык өсүшүн камсыздоо үчүн биринчи кезектеги милдеттерди дагы атаган.

Экономикалык субъектилерге антикризистик колдоо көрсөтүү, алардын ишине түрткү берүүчү чараларды жана чечимдерди тез кабыл алып, ыкчам аткарылышын камсыздоо. Анын ичинде өлкөнүн изоляцияда калуусуна жол бербөө. Бул үчүн соода жаатындагы негизги өнөктөш мамлекеттер арасында товарлардын эркин жүгүртүлүшүн камсыздоо жана вакцинация маселесин чечүү;

Мамлекетке инвестициялардын келишин жогорулатуу жана жумуш орундарын түзүү.

"Биз экономикалык реформалардын алкагында фискалдык, соттук, укук коргоо, транспорттук-логистикалык жана тышкы соода саясатын өркүндөтөбүз. Ал эми санариптештирүүнү ар бир жарандын турмушуна таасир этишин камсыздайбыз. Башкаруу жана кызмат көрсөтүү процесстери толугу менен автоматташтырылат", — деди Жапаров.

Президенттин айтымында, акыркы кезде бизнес чөйрөсүнүн фискалдык жана укук коргоо органдарына нааразылыгы кескин күчөп, ал ортодо маалымат мейкиндигинде "ишкерлерге жана инвесторлорго кылмыш иши козголду" деген маалыматтар байма-бай кайталанып, токтобой жатат.

"Укук коргоо жана фискалдык органдар тар кызыкчылыктарды көздөгөндөн улам иштеп жаткан ири ишканалардын иши токтоп калгандыгы тууралуу фактылар жок эмес. Укуктук нормалардагы карама-каршылыктар ишкерлерге каршы колдонулуп, соттук териштирүүлөргө себеп болууда. Салык кызматы пландык текшерүүлөр кыскарууда деген маалымат бергени менен пландык эмес жана ички текшерүүлөр көбөйүп жатканын тастыктаган маалыматтар бар. Салык кызматы тарабынан жүргүзүлгөн мындай көп сандагы текшерүүлөр тергөө органдарынын көрсөтмөлөрү жана өтүнүчү боюнча ишке ашырылып жатат деп айтылууда, бул маалыматтар бизнеске болгон кысым токтой электигин ырастайт", — деди Жапаров.

Буга байланыштуу мамлекет башчысы Финансы полициясынын ишин терең анализдеп, көптөгөн арыздарды эске алуу менен бул орган өзүн-өзү актаган жок деген жыйынтык чыкканын жана аны жоюу тууралуу чечим кабыл алынгандыгын баса белгиледи.

43
Белгилер:
бизнес, Садыр Жапаров, Кыргызстан
Тема боюнча
Жапаров УКМКнын Коррупцияга каршы кызматын жоймой болду
40 млн. долларлык киреше... Садыр Жапаров Кумтөр кенине барды
Райондук соттун залы. Архив

Пара менен кармалып, кызматтан кеткен УКМК кызматкерин сот актады

6
(жаңыланган 15:39 23.06.2021)
Чекист былтыр сентябрь айында пара алууга шектелип кармалган болчу. Өткөн жумада райондук сот чечим чыгарганы белгилүү болду.

БИШКЕК, 23-июн. — Sputnik. Улуттук коопсуздук мамлекеттик комитетинин мурдагы кызматкери Н. С. Октябрь райондук сотунун 18-июнундагы чечими менен күнөөсүз деп табылып, акталды. Бул тууралуу шаардык соттун маалымат кызматы кабарлады.

Ал төмөнкү беренелер менен бошотулду:

  • Жоруктар кодексинин 172-беренеси ("Документтерди, штамптарды, мөөрлөрдү жок кылуу, бузуу же жашыруу") — жоруктун окуясы жок болгондуктан;
  • Жазык кодексинин 320-беренеси ("Кызмат абалынан кыянатык менен пайдалануу") — кылмыштын курамы жок болгонуна байланыштуу;
  • Жазык кодексинин "Пара алуу" беренеси — кылмыштын курамынын жоктугуна байланыштуу. Өкүмгө даттанууга жана жарыяланган күндөн тартып 30 күндүн ичинде Бишкек шаардык сотуна сунуштамаларды киргизсе болот.

Соттун чечими күчүнө киргенден кийин буюмдук далилдер (77 миң сом) арыз ээсине кайтарылат. Мурдагы чекисттин ишин 2020-жылы 4-сентябрда жоюлуп кеткен Каржы полициясы менен УКМКнын ички коопсуздук кызматы караган. Ал 1 000 доллар пара алууга шектелген. УКМК аны 11-сентябрда кызматтык иликтөөнүн жыйынтыгы менен иштен кетирген. Арыз жазган А. О., Каржы полициясынын кызматкеримин деген Санжар аттуу киши анын уулунун атасын аныктоо боюнча маселени оң жагына чечип берем деп 3 000 доллар талап кылганын айткан. Ишти Финпол да карап, ал жакта Санжар аттуу киши иштебей турганы аныкталган. Кийинчерээк ал УКМКда эмгектенери, ал эми жардамдашкан шериги мурдагы чекист экени белгилүү болгон. Н. С. аттуу киши УКМКнын 9-кызматынын мурдагы начальниги Дамир Мусакеевдин айдоочусу болгон, 2016-жылы башкы чекист болуп турган Абдил Сегизбаевдин буйругу менен мекеменин башкы башкармалыгына которулган. Акыркы ирет УКМКнын Октябрь райондук бөлүмүнүн улук ыкчам кызматкери кызматында болчу.

6
Белгилер:
соттук чечим, кармоо, пара алуу, кызматкер, УКМК
Тема боюнча
Жапаров УКМКнын Коррупцияга каршы кызматын жоймой болду
УКМКнын мас кызматкерлери эс алуучуларды сабаганбы?