Бишкек мэринин милдетин аткаруучу Жоошбек Коеналиев. Архивдик сүрөт

Бишкек мэринин милдетин аткарган Коеналиевдин ордуна башкасы келди

615
(жаңыланган 09:10 07.10.2020)
Жоошбек Коеналиев мэрдин милдетин бир суткага жетпеген убакыт аткарды. Координациялык кеңеш анын ордуна башканы коюуну чечти.

БИШКЕК, 7-окт. — Sputnik. Жоошбек Коеналиев Бишкек мэринин милдетин аткаруучу болбой калды. Бул тууралуу Sputnik агенттигинин кабарчысына мэриядан билдиришти.

Эске салсак, 6-октябрь күнү эртең менен Коеналиев мэрдин милдетин аткаруучу болуп дайындалган. Чечимди шаардагы кырдаалды жөнгө салууну көздөгөн Координациялык кеңеш кабыл алган.

Муниципалитеттен билдиришкендей, Коеналиевди кызматка коюп кайра алуу аргасыздан жасалды.

"Коеналиевдин негизги милдети мэриянын имаратын сактап калуу болчу. Жогорку Кеңеш эмне болгонун баары көрдү да, биз андай көрүнүшкө жол бербешибиз керек эле. Коеналиев эртеден-кечке муниципалдык кызматтар менен иш алып барды. Мындан сырткары, имараттарды кайтарган элдик кошуун түзүлдү", — дешти мэриядан.

Координациялык кеңеш убактылуу мэр катары Мирлан Бакетаевди бекитти.

615
Белгилер:
элдик кошуун, Жоошбек Коеналиев, мэр, Бишкек
Тема:
Парламенттик шайлоодон кийинки окуялар (461)
Тема боюнча
Бишкектеги түнкү кырдаал. Видео
Талкалап, буюмдарды көтөрө чыгып... Ак үйдүн ичинен тартылган кадрлар
Ош шаарында мэрлик кызмат талашка түшүүдө
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

131
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

131
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

434
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

434
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты