Бишкектин Ала-Тоо аянтында нааразычылык акциясы

Жээнбековго импичмент! "Ала-Тоо" аянтында жаштар митинг өткөрүп жатышат. Сүрөт

320
(жаңыланган 13:20 07.10.2020)
Сөзгө чыккандар 4-октябрда өткөн шайлоонун жыйынтыгын жокко чыгартууга жаштардын салымы чоң экенин белгилешти. Алар учурда бийликке дайындалып жаткандардын баарын тааныбай турганын айтышууда.

БИШКЕК, 7-окт. — Sputnik. Ушул тапта Бишкектин "Ала-Тоо" аянтында 4-октябрда нааразычылык акцияга катышкандар митинг өткөрүп жатышат. Бул тууралуу жеринен Sputnik Кыргызстан агенттигинин кабарчысы билдирди.

  • На площади Ала-Тоо в Бишкеке проходит митинг выступающих за то, чтобы к власти пришла молодежь
    Ушул тапта Бишкектин "Ала-Тоо" аянтында 4-октябрда нааразычылык акцияга катышкандар акция өткөрүп жатышат
    © Sputnik / Бозулан Ысаков
  • На площади Ала-Тоо в Бишкеке проходит митинг выступающих за то, чтобы к власти пришла молодежь
    Бул тууралуу жеринен Sputnik Кыргызстан агенттигинин кабарчысы билдирди
    © Sputnik / Батырбек Мамыркулов
  • На площади Ала-Тоо в Бишкеке проходит митинг выступающих за то, чтобы к власти пришла молодежь
    Алар президентке импичмент жарыялап, бийликке жаштардын келишин талап кылышууда
    © Sputnik / Бозулан Ысаков
  • На площади Ала-Тоо в Бишкеке проходит митинг выступающих за то, чтобы к власти пришла молодежь
    Сөзгө чыккандар 4-октябрда өткөн шайлоонун жыйынтыгын жокко чыгаруу ийгилиги жаштарга таандык экенин белгилешти
    © Sputnik / Бозулан Ысаков
  • На площади Ала-Тоо в Бишкеке проходит митинг выступающих за то, чтобы к власти пришла молодежь
    Ал ошондой эле элди аймактарга бөлбөөгө чакырып, бир ууч топтун дайындоосу менен кызматка дайындалгандарды тааныбай турганын кошумчалады
    © Sputnik / Батырбек Мамыркулов
  • На площади Ала-Тоо в Бишкеке проходит митинг выступающих за то, чтобы к власти пришла молодежь
    Митингчилер президентке импичмент жарыялап, бийликтин жаңылануусун, ага жаштардын келүүсүн талап кылышууда
    © Sputnik / Батырбек Мамыркулов
1 / 6
© Sputnik / Бозулан Ысаков
Ушул тапта Бишкектин "Ала-Тоо" аянтында 4-октябрда нааразычылык акцияга катышкандар акция өткөрүп жатышат

Алар президентке импичмент жарыялап, бийликке жаштардын келишин талап кылышууда. Сөзгө чыккандар 4-октябрда өткөн шайлоонун жыйынтыгын жокко чыгаруу ийгилиги жаштарга таандык экенин белгилешти.

Жапаровдун премьерлигин тааныбайбыз! Дагы бир Координациялык кеңештин билдирүүсү

"Адилетсиз бийликти жаштар кетирди. Эч бир саясий партия лидери болгон жок. Эми эскилер келип кызмат орун талашканы туура эмес. Биз азыр парламентти чогултушубуз зарыл. Учурда бир гана легитимдүү орган — бул парламент. Ал президентке импичмент жарыялашы керек. Жээнбеков элин таштап качты, бизди сатып кетти", — деди акцияга катышкан депутат Эльвира Сурабалдиева.

Ал ошондой эле элди аймактарга бөлбөөгө чакырып, бир ууч топтун дайындоосу менен кызматка дайындалгандарды тааныбай турганын кошумчалады.

Митингчилер президентке импичмент жарыялап, бийликтин жаңылануусун, ага жаштардын келүүсүн талап кылышууда.

320
Белгилер:
Эльвира Сурабалдиева, импичмент, жаштар, Ала-Тоо, акция
Тема:
Парламенттик шайлоодон кийинки окуялар (464)
Тема боюнча
"Чоң казаттын" мүчөлөрү эмнеге министр болуп алышты? Мамыткановдун жообу
Мамкаттоо кызмат көрсөтүүлөрдүн айрым түрлөрүн токтотту. Тизме

Жапаров менен өкмөттүн 19 мүчөсү бир мүнөттө ант берсе кандай болмок. Видео

809
(жаңыланган 21:28 28.10.2020)
Премьер-министр Садыр Жапаров жана жаңыдан дайындалган өкмөт мүчөлөрү Жогорку Кеңештин депутаттарынын жана элдин алдында ант беришти.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси. Алар кызматка киришип жатып ант берүүгө милдеттүү.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниетим менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Шашкалактаган, кайра кайталаган министрлер. Өкмөт мүчөлөрүнүн ант берген сүрөттөрү

Тышкы иштер министри Руслан Казакбаев Нур-Султанга иш сапар менен кеткендиктен ант берүү аземине катышкан жок.

Ал эми эмгек жана социалдык өнүктүрүү министри кызматына Аида Исмаилованы парламент колдобой койду. Мындан улам эки министр ант бербей калды.

Соңунда Садыр Жапаров аларга кайрылып, болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

809
Белгилер:
вице-премьер-министр, ант берүү, өкмөт, Садыр Жапаров
Тема боюнча
Садыр Жапаров депутаттардын алдында ант берди. Видео
Акылбек Жапаров үч күн таптырбай кайда жүргөнүн айтты
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

156
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

156
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү