Бишкектеги кишилер митингтен кийин

Курсан Асанов: элдик кошуун менен жөнөкөй кийинип милиция да жүрдү

265
(жаңыланган 19:04 07.10.2020)
Министр милиция кызматкерлерине өлкөдөгү тартипти камсыздоо боюнча жоопкерчилик жүктөлгөнүн белгиледи.

БИШКЕК, 7-окт. — Sputnik. Коомдук коопсуздукту сактоодо элдик кошуундар менен айрым милиция кызматкерлери жөнөкөй кийинип алып чогуу жүрдү. Бул тууралуу убактылуу ички иштер министринин милдетин аткаруучу Курсан Асанов билдирди.

Белгилей кетсек, бүгүн, 7-октябрда, Бишкектеги эски аянтта ички иштер органдарынын саптык кароосу өттү.

ИИМдин маалымат кызматы билдиргендей, анда милициялардын коомдук тартипти сактоодо даярдыгы текшерилип, ИИМдин "Шумкар" атайын багыттагы полку, атайын операциялар отрядынын кызматкерлери, ЖКККББ, Күзөт кызматынын өкүлдөрү, Бишкек шаардык жана Чүй облустук ИИББдин аймактык башкармалыктарынын жана бөлүмдөрүнүн кызматкерлери марш менен өтүштү.

Жээнбековго импичмент! "Ала-Тоо" аянтында жаштар митинг өткөрүп жатышат. Сүрөт

Саптык кароого министрдин орун басарлары, башкы башкармалыктардын, башкармалыктардын жана бөлүмдөрдүн башчылары, Бишкек менен Чүй облусунун ИИББнин өздүк курамы катышкан.

Асанов милиция кызматкерлерине өлкөдөгү тартипти камсыздоо боюнча жоопкерчилик жүктөлгөнүн белгиледи.

"Милиция кызматкерлери жарандардын укугун сактоого, мыйзамдын чегинде гана иш алып барууга милдеттүү. Биз республикада коопсуздук менен коомдук тартипти камсыздоого бардык күчүбүздү жумшашыбыз керек", — деди Асанов.

Ошондой эле ал коомдук тартипти сактоодо элдик кошуундар менен айрым милиционерлер да жүргөнүн белгилеген.

"Милиционерлердин көбү жараат алгандыгына байланыштуу кызматкерлерибиз аз болду, бирок жөнөкөй форма кийип алып эл менен бирге жүрдү", — деди ал.

Гарнизондук саптык кароодон кийин кызматкерлер жер-жерлерге кызмат өтөөгө жөнөшкөн.

265
Белгилер:
Курсан Асанов, кароо, милиция, ИИМ, Бишкек
Тема боюнча
Бишкекте Садыр Жапаровдун премьер болушуна каршылар митингге чыкты. Сүрөттөр
Эски аянтта милиция кызматкерлери турат. Сүрөт
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

202
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

202
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

69
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

69
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды