Өмүрбек Бабанов. Архив

Аянттагы митингчилер Бабанов баштаган саясатчыларга сөз бербей коюшту

1094
(жаңыланган 14:37 07.10.2020)
Чогулгандар Жогорку Кеңештин депутаттарынан жыйын өткөрүп, президент Сооронбай Жээнбековго импичмент жарыялоону талап кылышууда.

БИШКЕК, 7-окт. — Sputnik. "Ала-Тоо" аянтында болуп жаткан митингге Өмүрбек Бабанов баштаган бир катар саясатчылар келген. Бирок жаштар аларга сөз берген жок.

Митингде микрофон, сөз талашып улам ызы-чуу чыгууда. Жаштар саясатта көп убакыттан бери жүргөн адамдарды трибунага жакын жолотушкан жок.

Буга чейин митингчилердин алдына "Ата Мекен", "Замандаш", "Реформа", "Бир Бол" партияларынын өкүлдөрү чыгып сөз сүйлөшкөн.

Путин: Кыргызстандагы конфликтинин бардык тараптары менен байланыштамын

Чогулгандар Жогорку Кеңештин депутаттарынан жыйын өткөрүп, президент Сооронбай Жээнбековго импичмент жарыялоону талап кылышууда.

Эске салсак, Бишкектеги "Ала-Тоо" аянтында митинг өтүүдө. Алардын талабы — бийликке жаштарды алып келүү.

Чогулгандардын айтымында, шайлоонун жыйынтыгын жокко чыгаруу үчүн жаштар тикеси менен тик турушкан.

1094
Белгилер:
саясатчы, Өмүрбек Бабанов, жаштар, Митинг, "Ала-Тоо" аянты
Тема:
Парламенттик шайлоодон кийинки окуялар (461)
Тема боюнча
Бишкекте Садыр Жапаровдун премьер болушуна каршылар митингге чыкты. Сүрөттөр
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

137
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

137
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

441
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

441
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты