Эркиндикке чыккан саясатчы Садыр Жапаров

Садыр Жапаров легитимдүү өкмөт башчы экенин айтып, иштей баштады

530
(жаңыланган 18:03 07.10.2020)
Жогорку Кеңеш тарабынан бекитилген өкмөт башчы айрым күчтөр ушул түнү курал колдонуп, бийликти алууга кам көрүп жатканын айтты.

БИШКЕК, 7-окт. — Sputnik. Эркиндикке чыккан саясатчы Садыр Жапаров өзүн легитимдүү премьер-министр деп эсептей турганын айтып, ишин баштады.

Ал учурда өкмөттүн ишин көзөмөлгө алып, бардык структуралар штаттык режимде иштеп жатканын белгиледи.

Жапаровдун айтымында, экинчи революция жасоону көздөгөн дагы бир топ күчтөр бар. Алар өкмөт үйүн басып алышкан.

Сооронбай Жээнбеков: Ак үйгө чабуул жасагандарга күч колдонгон жокмун

Жогорку Кеңеш тарабынан бекитилген өкмөт башчы айрым күчтөр ушул түнү курал колдонуп, бийликти алууга камынып жатканын, алардын артында "чоң күчтөр" бар экенин белгиледи.

Жапаров бул маалыматты дагы бир жолу тактап, башаламандык уюштурат делген адамдардын аты-жөнүн айтыш үчүн журналисттерди дагы чакыра турганын айтты.

"Бийликти өзүм басып алган жокмун. Кечээ расмий түрдө депутаттар ушул орунга бекитишти. Эми жоопкерчилик менин мойнумда. Легитимдүү өкмөт башчымын. Координациялык кеңештин өкүлдөрү менен дагы жолугуп, элди, өлкөнү бөлүп-жарбоого чакырдым", — деди Жапаров.

Эгер кимдир бирөө курал колдоно турган болсо, ал буга жооп бербей турганын кошумчалады.

530
Белгилер:
өкмөт башчы, Садыр Жапаров, Кыргызстан
Тема:
Парламенттик шайлоодон кийинки окуялар (461)
Тема боюнча
Бишкекте Садыр Жапаровдун премьер болушуна каршылар митингге чыкты. Сүрөттөр
Президент РФ Владимир Путин принимает участие в заседании дискуссионного клуба Валдай в режиме видеосвязи. 22 октября 2020.

Владимир Путин алгачкы жолу Кыргызстандагы абал тууралуу пикирин айтты

0
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө  кылдаттык менен мамиле кылууну айтып келем. Бул өлкөлөрдөгү  суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл өз коомунун ичиндеги мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

https://sputnik.kg/asia/20201013/1050047236/kasym-zhomart-tokaev-kyrgyzstan-tuuraluu-pikiri.html

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз.  Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

Теги: Кыргызстан Россия Владимир Путин пикир

Инж: Путин Коопсуздук кеңеши менен Кыргызстандагы кырдаалды талкуулады

 https://sputnik.kg/politics/20201010/1049993839/putin-koopsuzduk-keneshi-kyrgyzstandagy-kyrdaal.html

0
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

35
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

35
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды