Ата Мекен партиясынын мүчөсү Тилек Токтогазиев. Архив

Аялы үчүн бай болуп, журналистти коркутуп... Тилек Токтогазиев тууралуу 9 факты

1733
(жаңыланган 20:13 07.10.2020)
Бүгүн өкмөт башчылык кызматты дагы бир адам мелжеп турат. "Ата Мекен" партиясынын мүчөсү Тилек Токтогазиев колдоп чыккандарга премьердин ордун ээлегенге даяр экенин билдирди.

Эркиндикке чыккан саясатчы Садыр Жапаров бүгүн өзүн легитимдүү премьер-министр деп эсептей турганын айтып, ишин баштаганы маалым болду. Мындан сырткары, өкмөт башчы болуу ниетин жаш саясатчы Тилек Токтогазиев да билдирип чыкты. Редакция ал тууралуу 9 факты чогултту.

  • 30 жашта. 1990-жылы 29-декабрда Бишкекте туулган. Атасы юрист болсо, апасы кол өнөрчүлүк менен алектенген;
  • 19 жашында алгачкы бизнесин ачып, сүт коктейлин сата баштаган. Бирок бир айдан кийин күркөгө уурулар кол салып, акчаларды алып кеткен. Ата-энеси мындан көрө оку дегенине карабай ишкерликти алып кеткен; 

"Мекеним Кыргызстанда" экинчи турган Садалиев деген ким? Кызыктуу фактылар

  • Студент кезинде жаңы конушта иши жок отургандарга күнөскана ачканга жардам бере баштаган. Бул тууралуу "акыркы кийими болсо дагы сатып, балдарына нан таап бергиси келген аялуу көздөр дале жадымда" деп айтканы бар;
  • 2019-жылы "Бир Бол" фракциясынын атынан айыл чарба, тамак-аш өнөр жайы жана мелиорация министрине талапкер болгон. Бирок кызмат буюрган эмес;
  • Быйыл февраль айында президент Сооронбай Жээнбеков менен жолукканда Европа мамлекеттери сыяктуу айып пулду рейтинг системасына алмаштырууну сунуштаган;
  • Бир ирет кышында Нарынга барганда катуу тоңуп калат. Жылынуу үчүн боз үйгө кирсе кичинекей эле меш бар экен. Ушундан тарта күнөсканаларын боз үйгө окшотуп, бирок узун кылып кое баштаган;
  • Төрт жыл мурда Россиядагы "Сколково" фонду студенттер жана жаш илимпоздор үчүн атайын сынак өткөргөн. Ага Токтогазиев күнөсканалардагы температура менен нымдуулукту көзөмөлдөө боюнча долбоор даярдап, мактоого арзып келген;

Жарым жылга жетпей спикерликтен кол жууган. Адахан Мадумаров тууралуу 7 факты

  • Шайлоо алдындагы жарышта журналист Болот Темиров иликтөө жүргүзүп, анда “Ата Мекен” партиясынын мүчөлөрүнүн мурунку чиновник Райым Матраимов менен байланышы тууралуу айтып чыккан. Буга байланыштуу Токтогазиев Темировду "маселени 5 мүнөттүн ичинде чечип коем" деп коркуткан видеосу жарыяланган; 
  • Мектепте окуп жүргөндө бир кызды жактырып калат. Бирок ага жакшылап көңүл бурганга чөнтөгү жука эле. Токтогазиев кыздар эрте турмуш куруп кетет деп шашылып, акча табуунун түрдүү жолдорун караштыра баштаган. Бул ага ишкерликке стимул болгон. 2012-жылы сүйүктүүсүнө баш кошкон.
1733
Белгилер:
талапкер, ишкер, Тилек Токтогазиев
Тема:
Парламенттик шайлоодон кийинки окуялар (461)
Тема боюнча
Россияда мигрант болгон. Төрөбай Зулпукаров жөнүндө 6 факты
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

221
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

221
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

73
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

73
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды