Жогорку Кенеш. Архив

Депутаттар Жээнбековдун импичменти боюнча бир пикирге келе алышкан жок. Видео

795
(жаңыланган 09:30 08.10.2020)
Жогорку Кеңештин маалымат кызматынын башчысы Ибраим Нуракун уулу Sputnik кабарчысына 7-октябрь күнү депутаттар жабык эшик артында бир нече жолугушуу өткөргөнүн айтып берген.

БИШКЕК, 8-окт. — Sputnik. Жогорку Кеңеш депутаттарынын өлкөдөгү абал жана президент Сооронбай Жээнбековго импичмент жарыялоо мүмкүндүгү талкууланган жолугушуусу үзгүлтүккө учурады.

Эл өкүлдөрүнүн сүйлөшүүсүнөн кийинки жарыяланган видеодо депутаттар бир пикирге келе албай тарап бара жатканын көрүүгө болот.

Жолугушуу өтө турган жай айтылган эмес. Ал эми видео "Короче" Telegram-каналына жүктөлгөн.

Кадрларда депутат Эльвира Сурабалдиева менен талапкер Айжан Чыныбаева жаңы шайланган төрага Мыктыбек Абдылдаевден калуусун өтүнүп жатканы көрүнүп турат.

"Түгөнбөгөн сүйлөшүүлөр. Депутаттар дагы ойлоно турган болушту", — деген Чыныбаева.

Абдылдаев мейманканадан чыккандан кийин башка депутаттар да тарай баштаган. Сурабалдиева жаңы спикер импичмент тууралуу документке кол коюудан баш тартканын айтып берди.

Кадрлардан ошондой эле нааразы болгон Жанар Акаевди көрүүгө болот. Анын "баарын өздөрү кыйратышты" деген сөзү кимге багытталганы белгисиз бойдон калды.

Сооронбай Жээнбеков: саясий күчтөрдөн конкреттүү кадамдарды күтөм. Видео

Экс-депутат Алтынбек Жунус уулу айрым депутаттар коркутуп-үркүтүүгө дуушар болуп жаткандыктан жолугушуу аягына чыкпай калганын белгиледи. Ал эми Сурабалдиева коркутуулар Садыр Жапаровдун адамдары тарабынан жасалып жатканын айтууда.

Видеого "Республика" партиясынын лидери Мирлан Жээнчороев да түшүп калган. Ал 30 адам кол койгонун айтып, бирок кайсы документ экенин ачыктаган жок. Жээнчороев видеого тартып жаткан Мирбек Асангариевден аракетин токтотууну өтүнгөн.

Жогорку Кеңештин маалымат кызматынын жетекчиси Ибраим Нуракун уулу Sputnik кабарчысына 7-октябрь күнү депутаттар жабык эшик артында бир нече жолугушуу өткөргөнүн билдирди.

Эскерте кетсек, 6-октябрда ЖК имараты талкалангандыктан депутаттар жыйынды "Достук" мейманканасында өткөргөн. Отелдин алдында саясатчы Садыр Жапаровдун тарапташтары акция уюштуруп, натыйжада эл өкүлдөрү премьер-министрликке анын талапкерлигин жактырып беришкен.

Өкмөт үйүнүн алдындагы топ адамдардын кагылышуусу. Видео

Кыргызстандагы кырдаал

5-октябрь күнү "Ала-Тоо" аянтында оппозициялык күчтөрдүн митинги башталган. Ага парламенттик шайлоонун жыйынтыгына нааразы болгон миңдеген киши чогулган болчу. Ак үйгө чабуул жасалган соң милиция менен кагылышуу башталып, тиреш бир нече саатка созулган.

Түндө митингчилер парламенттин имаратын ээлеп алышкан. Эртеси да акциялар уланып, түндө морадерлук кылууга аракеттер болгон.

7-октябрда да митингдер уланып, ушу тапта бир нече кыймыл бийликке келүүгө умтулуп жатат.

795
Белгилер:
документ, жыйын, депутат, импичмент, Сооронбай Жээнбеков
Тема:
Парламенттик шайлоодон кийинки окуялар (464)
Тема боюнча
Кызымдын сөзү талкуусуз кабыл алынды. Курсан Асановдун эксклюзивдүү маеги
Сооронбай Жээнбеков: саясий күчтөрдөн конкреттүү кадамдарды күтөм. Видео

Жапаров менен өкмөттүн 19 мүчөсү бир мүнөттө ант берсе кандай болмок. Видео

807
(жаңыланган 21:28 28.10.2020)
Премьер-министр Садыр Жапаров жана жаңыдан дайындалган өкмөт мүчөлөрү Жогорку Кеңештин депутаттарынын жана элдин алдында ант беришти.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси. Алар кызматка киришип жатып ант берүүгө милдеттүү.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниетим менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Шашкалактаган, кайра кайталаган министрлер. Өкмөт мүчөлөрүнүн ант берген сүрөттөрү

Тышкы иштер министри Руслан Казакбаев Нур-Султанга иш сапар менен кеткендиктен ант берүү аземине катышкан жок.

Ал эми эмгек жана социалдык өнүктүрүү министри кызматына Аида Исмаилованы парламент колдобой койду. Мындан улам эки министр ант бербей калды.

Соңунда Садыр Жапаров аларга кайрылып, болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

807
Белгилер:
вице-премьер-министр, ант берүү, өкмөт, Садыр Жапаров
Тема боюнча
Садыр Жапаров депутаттардын алдында ант берди. Видео
Акылбек Жапаров үч күн таптырбай кайда жүргөнүн айтты
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

156
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

156
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү