Ала-Тоо аянтында кишилер митинг учурунда

"Мени эл шайлады!" КР мыйзамы боюнча жогорку кызматка кантип келишет

451
(жаңыланган 11:14 08.10.2020)
Кыргызстанда акыркы эки күндө кадрдык өзгөрүүлөр болду. Айрым адамдар тарапташтарынын колдоосу менен өздөрүн жогорку кызматтарга "дайындап" алышты. Мындан улам Sputnik кызматка дайындоолор мыйзам боюнча кандайча жүргүзүлүшү керектигин эске салат.

Бишкекте Ак үйдү басып алуудан кийин айрымдар түрдүү мамлекеттик жана муниципалдык кызматтарды ээлегени маалым болду. Ошол эле учурда мындай дайындоолор үчүн жол-жобо каралганын белгилей кетели.

Премьер-министр жана министрлер

Депутаттык мандаттын жарымынан көбүнө ээ болгон Жогорку Кеңештин фракциясы же коалиция премьер-министрдин кызмат ордуна талапкер көрсөтөт. Талапкер ЖКга программасын, өкмөттүн түзүмү жана курамы боюнча сунуштарын киргизет. Алгач алар тиешелүү комитет, андан кийин жалпы парламент тарабынан бекитилиши керек. Эгерде премьер-министрдин талапкерлиги жактырылса, президент үч күндүн ичинде министрлер кабинетинин башчысын жана мүчөлөрүн дайындоо жөнүндө жарлык чыгарат. Жарлык чыкпаган учурда деле өкмөт дайындалды деп эсептелет.

Учурдагы өкмөттүн министрлерин жана башка мүчөлөрүн (вице-премьер-министрлер, мамлекеттик комитеттердин башчылары) алмаштыруу үчүн парламенттин макулдугу талап кылынат, бирок шарт өзгөргөн да учурлар болот.

Кыргызстанда премьер-министр кантип дайындалат? Процедурасы

Башкы прокурор

Президент аны Жогорку Кеңештин депутаттарынын кеминде жарымынын макулдугу менен дайындайт.

Мамлекеттик кызматтын башчылары

Мамлекеттик агенттиктердин, инспекциялардын, кызматтардын жана фонддордун башчылары премьер-министр тарабынан дайындалат.

УКМК, ККнын Башкы штабынын жана КИБКнын башчылары

Алардын бардыгын президент өзү кызматка бекитет. Бул жерде парламенттин макулдугунун кереги жок.

Өкмөт өкүлдөрү

Өкмөттүн облустагы ыйгарым укуктуу өкүлдөрүн премьер-министр дайындайт.

Шаардын мэрлери

Калаа башчыларын жергиликтүү кеңеш шайлайт. Ал эми фракциялар, фракция коалициялары жана премьер-министр талапкерлерди көрсөтө алат.

Акимдер

Аларды премьер-министр жергиликтүү кеңештин сунушу менен дайындайт.

Айыл округдарынын башчылары

Айылдык кеңештин депутаттары айыл округунун башчысын шайлоо укугуна ээ. Ошондой эле талапкерлерди депутаттар менен райондун акими көрсөтө алат.

"Чоң казаттын" мүчөлөрү эмнеге министр болуп алышты? Мамыткановдун жообу

Мамлекеттик үлүшү бар ишканалардын жетекчилери

Эскерте кетсек, директорлор кеңеши — акционерлердин жалпы чогулуштарынын ортосундагы мезгилде компанияны жалпы башкарууну жүзөгө ашырган башкаруу органы. Ал директорлор кеңеши аныктаган стратегияны жана саясатты ишке ашырууну камтыган күндөлүк иш-аракеттерди тескейт. Башкаруу органы коллегиянын алдында отчёт берет.

Директорлор кеңеши (жалпы жетекчилик) акционерлердин чогулушунда шайланат. Ал өз кезегинде учурдагы иш-аракеттер менен алектенген коллегияны шайлайт. Эгерде директорлор кеңеши жок болсо, кеңеш акционерлер тарабынан шайланат.

Эскерте кетсек, акциялардын мамлекеттик пакеттери Мамлекеттик мүлктү башкаруу фондунун башкаруусунда, башкача айтканда, ал акционердин милдетин аткарат.

451
Белгилер:
шайлоо, дайындоо, Мамлекет кызматкери, Кыргызстан
Тема:
Парламенттик шайлоодон кийинки окуялар (464)
Тема боюнча
Кыргызстанда премьер-министр кантип дайындалат? Процедурасы
Ош шаарына кайрадан Таалайбек Сарыбашов мэр болду

Жапаров менен өкмөттүн 19 мүчөсү бир мүнөттө ант берсе кандай болмок. Видео

819
(жаңыланган 21:28 28.10.2020)
Премьер-министр Садыр Жапаров жана жаңыдан дайындалган өкмөт мүчөлөрү Жогорку Кеңештин депутаттарынын жана элдин алдында ант беришти.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси. Алар кызматка киришип жатып ант берүүгө милдеттүү.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниетим менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Шашкалактаган, кайра кайталаган министрлер. Өкмөт мүчөлөрүнүн ант берген сүрөттөрү

Тышкы иштер министри Руслан Казакбаев Нур-Султанга иш сапар менен кеткендиктен ант берүү аземине катышкан жок.

Ал эми эмгек жана социалдык өнүктүрүү министри кызматына Аида Исмаилованы парламент колдобой койду. Мындан улам эки министр ант бербей калды.

Соңунда Садыр Жапаров аларга кайрылып, болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

819
Белгилер:
вице-премьер-министр, ант берүү, өкмөт, Садыр Жапаров
Тема боюнча
Садыр Жапаров депутаттардын алдында ант берди. Видео
Акылбек Жапаров үч күн таптырбай кайда жүргөнүн айтты
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

157
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

157
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү