УКМК имараты. Архив

УКМК ким тарапта. Өмүрбек Суваналиевдин позициясы

470
(жаңыланган 14:39 08.10.2020)
УКМКны жетектөө милдетин милициянын генерал-майору Өмүрбек Суваналиев алды. Өткөн парламенттик шайлоодо ал "Бүтүн Кыргызстан" партиясы менен чыккан.

БИШКЕК, 8-окт. — Sputnik. Улуттук коопсуздук боюнча мамлекеттик комитетти башкаруу милдетин алган Өмүрбек Суваналиев ведомствонун позициясы кандай экенин айтып берди.

Буга чейин "Бүтүн Кыргызстан" партиясы менен парламенттик шайлоого катышкан Суваналиев учурда саясаттан сырткары экенин билдирип, саясий жарышка катышпай турганын белгиледи.

"Ачык айтайын, мен өзүмдү эч бир партия менен байланыштырбайм. УКМК саясаттан сырткары, өлкөдөгү абалды турукташтыруу үчүн иштеп жатабыз. Коргоо министрлигинин, УКМКнын же Улуттук гвардиянын имаратында саясий партиялардын жыйыны өткөрүлбөй турганын расмий жарыялап коёюн. Мындайга мен тыюу салдым", — деди генерал.

Суваналиевдин айтымында, 5-6-октябрдагы окуялардан кийин күч органдарынын иши үзгүлтүккө учураган. Бирок азыр алар штаттык режимде иштеп жатышат.

"Бүгүнкү күндө уюшкан кылмыштуу топ күчтүү болуп турганын расмий айтып коёюн. Бирок биз аларды кармайбыз. Буга убакыт керек", — деди Суваналиев.

Генерал улуттар аралык кастыкка, мародерлукка жана күч органдарынын уюшкан кылмыштуу топ менен иштешүүсүнө жол бербей турганын убадалады.

470
Белгилер:
Өмүрбек Субаналиев, УКМК
Тема боюнча
Бишкектин мэри Азиз Суракматов кызматына кайтты
Бажы кызматы штаттык режимде иштеп баштады
Борбордук шайлоо комиссиясынын алдында митинг

Шайлоо өз убагында өтсүн! БШКнын алдында дагы бир митинг болду. Сүрөт

14
(жаңыланган 13:35 26.10.2020)
Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан.

БИШКЕК, 26-окт. — Sputnik. Борбордук шайлоо комиссиясынын алдында дагы бир митинг өттү. Бул тууралуу Sputnik Кыргызстан агенттигинин кабарчысы билдирди.

  • Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок
    Борбордук шайлоо комиссиясынын алдында дагы бир митинг өттү
    © Sputnik / Эламан Карымшаков
  • Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок
    Анын айтымында, Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан
    © Sputnik / Эламан Карымшаков
1 / 2
© Sputnik / Эламан Карымшаков
Борбордук шайлоо комиссиясынын алдында дагы бир митинг өттү

Анын айтымында, Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан. Митингге келгендердин көбү шайлоого катышуу ниетин билдирген партиялардын өкүлдөрү экени маалым болду.

Эске салсак, парламенттик кайра шайлоону 20-декабрда өткөрүү боюнча БШКнын чечими чыккан. Бирок Жогорку Кеңештин депутаттары 22-октябрда шайлоонун күнүн жылдыруу боюнча мыйзам кабыл алышкан.

Ошондой эле Биринчи май райондук соту 24-декабрда БШКнын шайлоону 20-декабрда өткөрө турган токтомун жокко чыгарган.

БШК соттун чечимине каршы даттана турганы маалым болду.

Президент болом дегендер документтерин БШКга качан тапшырары такталды

Эске салсак, калаада дагы бир митинг өтүүдө. Анда мэриянын алдына эл чогулуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

14
Белгилер:
нааразычылык акциясы, чечим, шайлоо, Митинг, БШК
Тема боюнча
"Манас" аэропортунун жетекчиси: Жапаровдун уруксатын алдым, жумушту улантам
Президенттин милдетин аткаруучу жана премьер-министр Садыр Жапаров Мамлекеттик чек ара кызматынын төрагасы Уларбек Шаршеевди кабыл алды.

Чечилбеген көйгөй болбойт! Жапаров Чек ара кызматынын төрагасына жолукту

23
(жаңыланган 13:39 26.10.2020)
Садыр Жапаров жакын арада чек ара көйгөйү менен жеринде таанышуу үчүн Баткен, Ош жана Жалал-Абад облустарына иш сапары менен барарын айтты.

БИШКЕК, 26-окт. — Sputnik. Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды. Бул тууралуу мамлекет башчынын маалымат кызматы кабарлады.

Анда мамлекеттик чек аранын кыргыз-тажик бөлүгүндөгү кырдаалды турукташтыруу боюнча чаралар талкууланган.

  • Исполняющий обязанности президента, премьер-министр Кыргызской Республики Садыр Жапаров принял председателя Государственной пограничной службы Кыргызской Республики Уларбека Шаршеева. 26 октября 2020 года
    Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды.
    © Пресс-служба президента КР / Султан Досалиев
  • Исполняющий обязанности президента, премьер-министр Кыргызской Республики Садыр Жапаров принял председателя Государственной пограничной службы Кыргызской Республики Уларбека Шаршеева. 26 октября 2020 года
    Анда мамлекеттик чек аранын кыргыз-тажик бөлүгүндөгү кырдаалды турукташтыруу боюнча чаралар талкууланган.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды.

 

Уларбек Шаршеев Баткен районундагы Үч-Дөбө айылындагы 25-октябрда болгон окуя тууралуу маалымат берди. Анын айтымында, тажик тарап менен сүйлөшүүлөр болуп, калк арасында түшүндүрүү иштери жүрүп жатат.

Чыр чыккан Баткенге Чек ара кызматынын төрага орун басары Алимбаев барды

Садыр Жапаров чек араны делимитациялоо жана демаркациялоо боюнча маселелерди бир гана тынч сүйлөшүүлөр аркылуу чечүү маанилүү экенин белгилеген.

"Чечилбеген көйгөй болбойт. Тигил же бул маселени тынч сүйлөшүп чечсе болот. Келечекте мындай окуялар болбошу үчүн маселени чечүүнү улам артка жылдыра бербеш керек. Чек арадагы райондордун тургундары тынчтык жана туруктуулукта жашашы зарыл", — деген Жапаров.

Президенттин милдетин аткаруучу жакын арада чек ара көйгөйү менен жеринде таанышуу үчүн Баткен, Ош жана Жалал-Абад облустарына иш сапары менен барарын айткан.

Жапаров Баткендеги азыркы чек ара окуясын жөнгө салуу жана Кыргызстандын бардык чек ара аймактарындагы туруктуулукту сактоо үчүн тиешелүү жактарга конкреттүү тапшырмаларды берген.

23
Белгилер:
Мамлекеттик чек ара кызматы, Уларбек Шаршеев, Садыр Жапаров
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты