Жогорку Кеңеш

Өлкөдөгү саясий абалга байланыштуу протокол кабыл алынды. Маанилүү 12 пункт

787
(жаңыланган 18:23 08.10.2020)
Жыйынга күч түзүмдөрүнүн бардык жетекчилери катышып, өлкөдөгү коомдук-саясий кырдаалды турукташтыруу маселелерин талкуулашкан.

БИШКЕК, 8-окт. — Sputnik. УКМК коллегиясынын залында Коопсуздук кеңешинин катчысынын милдетин аткаруучу, күч түзүмдөрүнүн жана укук коргоо органдарынын координатору Өмүрбек Суваналиевдин төрагалыгы астында жыйын өттү. Бул тууралуу атайын кызмат кабарлады.

Иш-чарага Коопсуздук кеңешинин катчылыгы, Улуттук коопсуздук боюнча мамлекеттик комитеттин, Башкы штабдын, Коргонуу иштери боюнча комитеттин, Ички иштер министрлигинин, Мамлекеттик чек ара кызматынын, Жаза аткаруу мамлекеттик кызматынын, Финполициянын, Финансылык чалгындоо мамлекеттик кызматынын жана Өзгөчө кырдаалдар министрлигинин жетекчилери катышкан.

УКМК ким тарапта. Өмүрбек Суваналиевдин позициясы

Жыйында "2020-жылдын 5-октябрындагы окуяларга байланыштуу Кыргыз Республикасында коопсуздукту жана укуктук тартипти камсыз кылуу боюнча чаралар жөнүндө" протокол кабыл алынган. Ал 12 пункттан турат.

1. Кыргызстандагы бардык күч түзүмдөрү өлкөнүн туруктуулугун камсыз кылуу үчүн бир бүтүн болушу керек;

2. Жеке курамдын моралдык-психологиялык абалын жакшыртуу боюнча зарыл чараларды көрүү. Кызматкерлердин өмүрүнүн жана ден соолугунун, ошондой эле курал-жарак, ок-дары, аскердик, атайын жана башка шаймандардын жана мүлкүнүн коопсуздугун камсыз кылуу;

3. Бардык деңгээлде, анын ичинде ыктыярдуу элдик кошуундарды тартуу менен так жана ар тараптуу өз ара аракеттенүүнү камсыз кылуу;

4. Өлкөдө криминогендик кырдаалдын курчуп кетишине жол бербөө, криминалитеттин саясий күчтөргө басым жасоосуна каршы туруу. Криминалдык элементтерди жана уюшкан кылмыштуу топтун ишмердүүлүгүнө бөгөт коюу боюнча чараларды көрүү. Пенитенциардык система мекемелеринде абалды туруксуздаштырууга жол бербөө;

5. Стратегиялык жана башка маанилүү объектилерди күчөтүлгөн кайтарууга алуу, ошондой эле коомдук жана жеке менчик объектилердин корголушун камсыз кылуу;

Суваналиев Россиянын Федералдык коопсуздук кызматынын башчысы менен сүйлөштү

6. Өлкөдөгү коомдук-саясий кырдаалды дестабилдештирүү аракеттерине ыкчам бөгөт коюу;

7. Жалпыга маалымдоо каражаттарында жана интернетте чагымчылдык, талап-тоноочулук жана улут аралык мамилени козутууга чакырган маалыматтарга тезинен чара көрүү;

8. Чек аранын айрым жерлеринде коопсуздукту күчөтүү, өткөрүү пункттарында көзөмөлдү камсыз кылуу. Ошондой эле куралчан топтордун жана зыяндуу заттардын, курал-жарактардын киргизилбеши үчүн чараларды көрүү;

9. Мыйзамсыз иш-аракеттерди жасоого катышкан кызмат адамдарынын өлкөдөн чыгып кетишине уруксат бербөө;

10. Ички иштер министрлигине коомдук тартипти сактоо боюнча координациялык роль жүктөлсүн;

11. Куралдуу күчтөр, атайын кызматтар жана укук коргоо органдары саясаттан тыш жүрөт. Алар саясий партиялардын жана башка кызыкдар топтун куралы эмес;

12. КРдин укук коргоо органдары, атайын кызматтары жана Куралдуу күчтөрү бардык саясий күчтөрдөн сүйлөшүү жолу менен өлкөнү мыйзамдуулуктун жана коомдук туруктуулуктун талаасына кайтарууну талап кылат.

787
Белгилер:
протокол, абал, саясат, бөтөлкө, Өмүрбек Суваналиев, ИИМ, УКМК
Тема:
Парламенттик шайлоодон кийинки окуялар (461)
Тема боюнча
ЖК төрагасы Абдылдаев бийликке жаштар келишин каалайт
Курсан Асанов: Кашкар Жунушалиев митингде таш ыргытыла баштаганда качып кеткен

Жапаров премьерге кеңешчи болгонун айтса, Бакиров какшыктап күлкүгө салды. Видео

113
Жогорку Кеңештин депутаты Акылбек Жапаров өкмөт башчыга кеңешчи болгонун уккан вице-спикер Мирлан Бакиров аны какшыктап, депутаттарды күлкүгө салды.

Парламенттик шайлоонун мөөнөтүн жылдырууну демилгелеген депутат Акылбек Жапаров мыйзам долбоорун тааныштырып жатып, премьер-министр, президенттин милдетин аткаруучу Садыр Жапаровго кеңешчи болгонун айтты.

Андан соң Мирлан Бакиров аны бул кызматка барышы менен куттуктады.

Депутаттар кийинки парламенттик шайлоого чейин маяна албай иштей турган болушту

Буга Жапаров коомдук башталыштагы кеңешчи экенин, ал жактан акча албай турганын белгиледи.

Бакиров андан ары сөзүн улап, ал мурдагы премьер-министр Мухаммедкалый Абылгазиевге дагы кеңешчи болгонун эскертти.

“Абылгазиев менин кеңешимди укканда отставкага кетмек эмес жана президент үч жылда ыйгарым укуктарын тапшырмак эмес. Азыркы премьер угам деп жатат, ошол үчүн бардым”, — деп жооп кайтарды Жапаров.

Белгилей кетсек, бүгүн Жогорку Кеңеште парламенттик шайлоонун мөөнөтүн жылдыруу мыйзамы кабыл алынды. Ага ылайык, кийинки шайлоо 2021-жылдын 1-июнуна чейин уюштурулушу керек.

113
Белгилер:
күлкү, депутат, Акылбек Жапаров, Мирлан Бакиров
Тема боюнча
Сулайманов: толкуган жаштар 120 депутатты да кошуп кууса болмок экен
Тилинен көп жаңылган "элита". Азыркы депутаттарды унуттурбай турган 10 факты
"Тукумдан кыр издебегиле". Бакиров кызыл чеке болгон депутаттарды күлкүгө салды
Тергөө абагы. Архив

Кримтөбөл Камчы Көлбаев УКМКнын тергөө абагына киргизилди

63
(жаңыланган 21:58 22.10.2020)
Бүгүн Камчы Асанбектин (Камчы Көлбаев) кайда экени маалым болуп, тергөө иштерин жүргүзүү үчүн УКМКга алып келинген.

БИШКЕК, 22-окт. — Sputnik. Кримтөбөл Камчы Көлбаев УКМКнын тергөө абагынын убактылуу кармоо жайына 48 саатка киргизилди. Бул тууралуу комитеттин маалымат кызматы кабарлады.

Эске салсак, бүгүн, 22-октябрда, Бишкектеги спорт клубдардын биринен Камчы Көлбаев кармалып, УКМКга алып келинген.

Ага карата Жазык кодексинин 249-беренеси ("Кылмыштуу уюмду түзүү же ага катышуу") боюнча кылмыш иши козголуп, Кылмыш жана жоруктардын бирдиктүү реестрине катталган. Учурда сотко чейинки өндүрүш иштери башталды.

63
Белгилер:
абак, Камчы Көлбаев, УКМК, Кыргызстан
Тема боюнча
УКМК Камчы Көлбаев кайсы кылмышы үчүн кармалганын айтты