Президент Сооронбай Жээнбеков Куралдуу күчтөрдүн Генералдык штабынын жаңы дайындалган начальниги Таалайбек Өмүралиев менен өлкөдөгү абалды турукташтыруу маселесин талкуулады

Жээнбеков Генералдык штабга келип абалды турукташтырууну талкуулоодо

648
(жаңыланган 19:14 09.10.2020)
Мамлекет башчысы азыркы учурда эң башкы милдет Бишкек шаарынын тургундарынын коопсуздугун камсыздоо жана коомдук тартипти калыбына келтирүү экенин белгиледи.

БИШКЕК, 9-окт. — Sputnik. Президент Сооронбай Жээнбеков Куралдуу күчтөрдүн Генералдык штабынын жаңы дайындалган начальниги Таалайбек Өмүралиев менен өлкөдөгү абалды турукташтыруу маселесин талкуулады. Бул тууралуу өлкө башчынын маалымат кызматы билдирди.

Новоназначенный начальник Генерального штаба Вооруженных Сил КР Таалайбек Омуралиев во время встречи с президентом Сооронбаем Жээнбековым
© Пресс-служба президента КР / Султан Досалиев
Президент Сооронбай Жээнбеков Куралдуу күчтөрдүн Генералдык штабынын жаңы дайындалган начальниги Таалайбек Өмүралиев менен өлкөдөгү абалды турукташтыруу маселесин талкуулады

Ага ылайык, президент Жээнбеков Куралдуу күчтөрдүн Башкы штабына барган.

Мамлекет башчысы азыркы учурда эң башкы милдет Бишкек шаарынын тургундарынын коопсуздугун камсыздоо жана коомдук тартипти калыбына келтирүү экенин белгиледи.

"Бүгүн Бишкек шаарына өзгөчө абал киргизүү боюнча жарлыкка кол койдум. Абалдан чыгуунун чарасы катары биз кечиктирилгис түрдө кырдаалды көзөмөлгө алып, тынчтыкты орнотуубуз зарыл", — деди президент.

"Ала-Тоо" аянтында ок атуу болду. Видео

Жээнбеков ошондой эле саясий чакырыктар менен кошо мамлекетти бөлүп-жарууга багытталган чакырыктар айтылып жатканын кошумчалады.

"Шаардыктар жана биздин мекендештер жоопкерчилиги жок саясатчылардын курмандыгы болуп калбашы керек. Ошондуктан мен мамлекет башчысы катары конституциялык укугумдан пайдаланып, элдин тынч жашоосу, мамлекеттин бүтүндүгүн камсыздоо үчүн болгон күчүмдү жумшайм. Өлкөдөгү акыл-эстүү күчтөрдүн баары мени колдойт деп ишенем", — деди мамлекет башчысы.

Бүгүн Бишкекте Алмазбек Атамбаев, Өмүрбек Бабанов баштаган саясий лидерлер өзүнчө, Садыр Жапаровдун колдоочулары өзүнчө митинг өткөрүштү. Алар борбордук аянтка чогулушуп, кагылышуу болуп, ок атылды.

Ушу тапта өкмөт үйүнүн алдында Садыр Жапаровдун тарапташтарынын митинги өтүп жатат.

648
Белгилер:
митинг, Бишкек, Сооронбай Жээнбеков
Тема:
Парламенттик шайлоодон кийинки окуялар (461)
Тема боюнча
Тилек Токтогазиев "Ала-Тоо" аянтындагы митингден жаракат алды. Видео
Жолдубаева: экс-президент Алмазбек Атамбаевге кол салуу болду
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

126
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

126
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

431
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

431
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты