Белгисиз адам Тихановскаямын деп Дания парламентинде 40 мүнөт сүйлөгөн

© Фото / Пресс-служба правительства ФРГ / Медиабанкка өтүүБеларустун президенттигине мурдагы талапкер Светлана Тихановская
Беларустун президенттигине мурдагы талапкер Светлана Тихановская - Sputnik Кыргызстан
Жазылуу
Иш-чара Беларустун азыркы саясий абалын талкуулоого арналган. Анын катышуучулары 40 мүнөт өткөндөн кийин гана шекший баштаган.

БИШКЕК, 10-окт. — Sputnik. Белгисиз адам өзүн Беларустун президенттигине мурдагы талапкер Светлана Тихановскаямын деп тааныштырып, Дания парламентинин чет элдик иштер боюнча комитетинин жабык отурумуна катышкан. Бул тууралуу Sputnik Беларусь агенттиги билдирди. 

Отурум 6-октябрда, шейшемби күнү, өткөн. Иш-чара Беларустагы азыркы саясий кырдаалды талкуулоого арналган.

Бийликти өткөрүп берүү. Тихановская АКШнын мамкатчысынын өкүлү менен жолукту

Анын алдында Тихановскаямын деген адам веб-камерасы эмнегедир күйбөй жаткандыгын айткан. Парламенттин өкүлдөрү 40 мүнөт өткөндөн кийин гана шекший башташкан. Жыйынды чукул токтотууга туура келген.

"Бул өтө оройлук менен жасалган тамаша деп ойлойм. Мени тынчсыздандырганы — жыйындын регламенти бузулганы. Бул ойлонууга түртөт", — деди парламенттин тышкы саясат боюнча комитетинин жетекчиси Мартин Лидегаард.

Парламенттин отчётунда отурум учурунда өлкөнүн тышкы саясат боюнча багытына зыян келтире турган эч нерсе айтылбагандыгы жазылган. Муну менен катар комитеттен онлайн-сүйлөшүүлөрдө сырттан катыша тургандардын камералары сөзсүз иштеп турушу керек деген талап коюлары айтылды.

Беларустагы президенттик шайлоодо БШКнын маалыматы боюнча, шайлоочулардын 10 пайыз добушун алган Тихановская учурда Евробиримдикте жүрөт. Аталган аймакта ал жогорку деңгээлдеги бир топ жолугушууларды өткөргөн.

Жаңылыктар түрмөгү
0