Жогорку Кеңештин вице-спикери, депутат Аида Касымалиева. Архив

Касымалиева: Садыр Жапаровдун ордуна башка талапкерди кароону сунуштайм

4113
(жаңыланган 10:01 10.10.2020)
Вице-спикер анын дайындалышы коомчулукта мындан ары да бөлүнүп-жарылууну, ар кыл карама-каршылыктарды пайда кылат деген пикирин айткан.

БИШКЕК, 10-окт. — Sputnik. Премьер-министрликке Садыр Жапаровду эмес, башка адамдын талапкерлигин сунуштоого чакырам. Мындай кайрылууну Жогорку Кеңештин вице-спикери, депутат Аида Касымалиева парламентке жасады.

Ал буга коомдогу нааразычылык себеп болуп жаткандыгын билдирген.

"Элдин ишенимин жараткан өкмөттүн ордуна, тескерисинче, кыжыр кайнаткан маанайды түзүп, анын премьер-министрликке дайындалышы коомдо мындан аркы да силкинүүнү пайда кылат. Биз мындай тобокелге бара албайбыз. Андыктан, урматтуу депутаттар, Жогорку Кеңештин көпчүлүк коалициясына мурдагы чечимин кайра карап чыгып, Кыргызстандын премьер-министрлигине жаңы талапкерди сунуштоого чакырам", — деп айтылган кайрылууда.

Вице-спикер анын дайындалышы коомчулукта бөлүнүп-жарылууну, ар кыл карама-каршылыктарды пайда кылат деген чочулоосун айткан.

Аянттагы чуу кантип башталды. 9-октябрдагы окуялардын видеохронологиясы

"Биз анын талапкерлигин жактырганда мамлекетте туруктуулукту, өлкөдө тынчтык менен тартипти камсыз кылалы деп умтулганбыз. Садыр Жапаров парламенттин ичинде да ар кыл саясий күчтөрдү бириктирип, бийлик менен оппозициянын ортосунда көпүрө болот деп ишенгенбиз, карама-каршылыктарды жоюп, парламенттик жаңы шайлоону тынч өткөрүүгө шарт түзөт дегенбиз. Тилекке каршы, акыркы окуялар анын жеке сапаттарынан сырткары коомчулуктун бир топ бөлүгү аны кабыл алуудан баш тартаарын көрсөттү. Өлкөнү бириктирүүнүн ордуна, тескерисинче, бөлүнүп-жарылууну, ар кыл карама-каршылыктарды күчөтүп ала турганыбыз сезилди", — деген Касымалиева.

Эске салсак, өлкөдө толкундоо башталып, ЖКнын депутаттары Жапаровду өкмөт башчылыкка сунуштагандан бери нааразылык күчөп, ири толкундоолорду жаратты. Бир катар партиялар биригип, алгач, "Ата Мекен" партиясынын талапкери Тилек Токтогазиевди, кийин саясатчы Өмүрбек Бабановду сунуштаган.

Бишкекте 9-октябрда кандай окуялар болду. Күн жыйынтыгы

Кечээ, 9-октябрдагы ири митингде, Садыров менен экс-президент Алмазбек Атамбаев, Бабанов баштаган митингчилер кагышып, биринчи тарап аларды борбордук аянттан сүрүп чыгарган.

Ал эми бүгүн ЖК депутаттары бир нече маселе, анын ичинде өкмөт башчынын талапкерлигин бекитүү боюнча жыйынга чогулмак.

4113
Белгилер:
талапкер, өкмөт башчы, Садыр Жапаров, Аида Касымалиева, Кыргызстан
Тема:
Парламенттик шайлоодон кийинки окуялар (461)
Тема боюнча
"Ала-Тоо" аянтындагы кагылышууда 5 киши жаракат алды
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

88
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

88
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

46
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

46
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды