Мамлекеттик кызматкер документке кол коют жатат. Архив

ЖК: өзгөчө абал тууралуу жарлык үч күндө бекибесе, күчүн жоготот

243
(жаңыланган 18:34 10.10.2020)
Бүгүн мамлекеттик "Ала-Арча" резиденциясында Жогорку Кеңештин депутаттары кезексиз сессияга чогулушту.

БИШКЕК, 10-окт. — Sputnik. Эгер парламент үч күндүн ичинде кворум чогултуп, өзгөчө абал киргизүү тууралуу жарлыкты бекитип бербесе ал автоматтык түрдө күчүн жоготот. Бул тууралуу мамлекеттик резиденциядан кезексиз жыйынга келген ЖК төрагасы Мыктыбек Абдылдаев билдирди.

Учурда эл өкүлдөрү жыйын куруп жатышат. Алар президенттин өзгөчө кырдаал киргизүү боюнча жарлыгын, өкмөттүн курамын жана структурасын карамакчы.

Эске салсак, Бишкек шаарында 5-октябрда Жогорку Кеңешке болгон парламенттик шайлоонун жыйынтыгына нааразы болгон эл толкуп, "Ала-Тоо" аянтында митинг башталган. Ал эми кечинде аларды күч органдары кууп таратууга аракет кылган. Көп өтпөй эл кайрадан "Ала-Тоо" аянтына келип, андан соң Ак үйдү басып алган. Кийин экс-президент Алмазбек Атамбаевди, Садыр Жапаровду жана бир катар саясатчыларды абактан бошотуп алган.

6-октябрда БШК шайлоонун жыйынтыгын жокко чыгарып, кечинде парламент премьер-министрликке Садыр Жапаровдун талапкерлигин жактырган.

7-октябрда ар кайсы ишканалар аларды басып алууга аракеттер болгонун айткан. Акциялар уланып, митингчилердин бир бөлүгү Садыр Жапаровду колдосо, экинчиси люстрация мыйзамын талап кылган болчу.

8-октябрь күнү президент Сооронбай Жээнбековго айрым депутаттар импичмент процедурасын баштаганын кабарлашты.

9-октябрда төрт партия башын кошуп, премьерликке Өмүрбек Бабановдун талапкерлигин сунуштады. Алмазбек Атамбаев менен Өмүрбек Бабановдун колдоочулары "Ала-Тоо" аянтындагы митингге кошулуп, Садыр Жапаровдун тарапташтарынын ортосунда кагылышуу болгон. Атамбаевдин автоунаасына ок атылган.

Бүгүн УКМК Алмазбек Атамбаевди эки жан сакчысы менен Кой-Таш айылынан, үзөңгүлөшү Фарид Ниязовду Бишкек шаарынан кармап кетти.

243
Белгилер:
Мыктыбек Абдылдаев, Парламент, кворум
Тема:
Парламенттик шайлоодон кийинки окуялар (464)
Тема боюнча
Жогорку Кеңештин резиденциядагы отуруму. Видео
Кишилер жаштардын аллеясында бара жатат. Архив

Жамалбек Ырсалиев Бишкектин вице-мэри болуп дайындалды

38
(жаңыланган 17:50 29.10.2020)
Жаңы дайындалган вице-мэр борбор калаанын турак жай жана коммуналдык чарба боюнча маселелерин тескейт.

БИШКЕК, 29-окт. — Sputnik. Бишкек шаарынын вице-мэри болуп Жамалбек Ырсалиев дайындалды. Бул туурасында калаа мэриясынын маалымат кызматы билдирди.

Тиешелүү буйрукка мэрдин милдетин аткаруучу Балбак Түлөбаев кол койгон. Жаңы дайындалган вице-мэр борбор калаанын турак жай жана коммуналдык чарба боюнча маселелерин тескейт.

Кайрадан орун алмашуу. Балбак Түлөбаев жаңы вицелерди дайындады

Жамалбек Ырсалиев буга чейин Бишкек шаардык кеңешинин депутаты болуп иштеген.

38
Белгилер:
Жамалбек Ырсалиев, Бишкек, дайындоо, вице-мэр
Тема боюнча
Бишкекте эки райондун акими кызматтан кетүүгө арыз жазды
Россиянын Вашингтондогу элчиси Анатолий Антонов. Архив

РФ элчиси Европанын гиперүндүү ракеталар боюнча билдирүүсүнө жооп берди

47
(жаңыланган 15:43 29.10.2020)
Аталган келишим глобалдуу стратегиялык коопсуздукту камсыздоо максатында түзүлгөн. 2019-жылдын августунда АКШ "Россиянын эреже бузган кадамдарынан улам" макулдашуудан чыгып кеткен.

БИШКЕК, 29-окт. — Sputnik. Россиянын Вашингтондогу элчиси Анатолий Антонов Европага ракета техникасын жайгаштырууга шашпай туруу керектигин эскертти. Дипломаттын сөзүн РИА Новости жазды.

Эскерте кетсек, АКШ президентинин улуттук коопсуздук боюнча кеңешчиси Роберт О'Брайен шаршемби күнү Вашингтон Россияны тизгиндөө үчүн Европага гиперүндүү куралы менен баллистикалык ракеталарды жайгаштырууга даяр экенин жар салган.

Россияга "кыямат күндүн учагын" кайра жасоонун эмне зарылдыгы бар?

"Мындай билдирүүлөр регионалдык жана глобалдуу коопсуздукту туруксуздаштыруу кооптуулугун шарттайт, каршылашууну күчөтөт. Эгер Вашингтон куралданууга чындап көзөмөл жүргүзүүгө кызыкдар болсо, бул үчүн европа континентине ракеталарды жайгаштыруунун зарылдыгы жок", — деген Антонов.

Ал Владимир Путиндин Орто жана жакынкы ыраактагы ракеталарды жок кылуу боюнча келишимдин (ДРСМД) токтотулган шартында деэслакация сунушун "конструктивдүү альтернатива" деп атады.

Аталган келишим глобалдуу стратегиялык коопсуздукту камсыздоо максатында түзүлгөн. 2019-жылдын августунда АКШ "Россиянын эреже бузган кадамдарынан улам" макулдашуудан чыгып кеткен. Вашингтон Москвага тыюу салынган 9М729 ракетасын иштеп чыгып сынады деп кине койгон. Ал эми Россия бардык ишти уруксат берилген 500 чакырымга чейинки аралыкта жүргүзгөнүн айтып келет.

Суверенитетти коргоо: россиялык С-500 абадан коргонуу тутумун кимдер сатып алат?

Ушул жумада Путин ракета жарышын токтотуу механизмдерин иштеп чыгууну сунуштаган. РФ лидери Москва өлкөнүн европалык бөлүгүнө 9М729 ракетасын жайгаштырбай турганын, бирок НАТО тараптан да ушундай эле жооп күтөрүн билдирген. Ал муну менен бирге альянска Европа жана Калининграддагы объектилерде жайгаштырылып жаткан Мк-41 жана 9М729 техникасын текшерүүнү сунуштаган. Ал эми Германия ТИМинин өкүлү Андреа Зассе бул демилге "ишеним жаратпай турганын" билдирди. 

47
Белгилер:
коопсуздук, келишим, Владимир Путин, АКШ, Россия, ракета
Тема боюнча
Казакстанда ракетадан коргонуу боюнча Россиянын жаңы системасы сыналды. Видео
Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды

Министр Пакистандын элчиси менен кара тизмеге кирген ЖОЖдорду талкуулады

0
(жаңыланган 18:17 29.10.2020)
Буга чейин Пакистан Кыргызстандын медициналык окуу жайларын кара тизмеге киргизгени айтылган. Тараптар дал ушул маселени талкуулашты.

БИШКЕК, 29-окт. — Sputnik. Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды. Бул тууралуу аталган министрликтин маалымат кызматы кабарлады.

Жолугушууда тараптар Пакистан Кыргызстандын медициналык окуу жайларын кара тизмеге киргизгени боюнча сүйлөшкөн.

"Кыргыз тарап өлкөдөгү медициналык окуу жайларды кара тизмеден чыгаруу маселесин чечүү жолдору боюнча Пакистандын КРдеги элчилигине расмий кат жолдоого милдеттенди. Пакистан тарап бул маселенин тез арада чечилишине жана КРде билим алган пакистандык студенттердин көбөйүшүнө кызыкдар экенин билдирди", — деп жазылат маалыматта.

Министр Бейшеналиев мындан ары министрлик тарабынан ЖОЖдорго эл аралык аккредитациялардан өтүү, чет элдик жарандарга көрсөтүлгөн кызматтардын сапатын жогорулатуу жана материалдык-техникалык, лабораториялык-клиникалык базаларды жакшыртуу сыяктуу бир катар талаптар коюла турганын айтты.

Буга чейин Пакистан Кыргызстандын медициналык окуу жайларын кара тизмеге киргизгени айтылган.

Болочок медиктерге 90 бюджеттик орун бөлүндү. Вирустун кесепетин эске алып.

Мындан сырткары, жолугушууда билим берүү жана илим тармагындагы өз ара кызматташуу дагы талкууланган.

0
Белгилер:
окуу жай, жолугушуу, элчи, министр, Пакистан, Кыргызстан
Тема боюнча
Пакистан Кыргызстандын медициналык окуу жайларын кара тизмеге киргизди. Себеби