Жогорку Кеңештин вице-спикери Аида Касымалиева. Архивдик сүрөт

Касымалиева өзү спикер, Баатырбеков премьер катары иштеши керектигин айтты

1317
(жаңыланган 21:28 11.10.2020)
Вице-спикер өкмөт башчыны дайындоо боюнча депутаттардын чечими юридикалык жактан мыйзамсыз жана легитимсиз экенин белгилейт.

БИШКЕК, 11-окт. — Sputnik. Садыр Жапаровдун премьер-министрлик кызматка дайындалышы юридикалык күчкө ээ эмес. Бул туурасында Жогорку Кеңештин вице-спикери Аида Касымалиева Facebook баракчасына жазды. 

 

Анын айтымында, кечээ мамлекеттик резиденциядагы отурум ЖКнын расмий жыйыны катары таанылбайт. Себеби кворум болгон эмес. Ага ылайык, кечээ депутаттардын кабыл алган чечими юридикалык жактан мыйзамсыз жана легитимсиз экенин белгилейт.

“Эгер кимдир бирөө бул документти Жогорку Кеңештин расмий токтому катары кабылдап кол койсо, ал аракети бийликти басып алуу менен барабар болот. Деген менен азыркы тапта Садыр Жапаровду дайындоо жөнүндө Жогорку Кеңештин токтому жок. Анын шайланышы ЖКнын расмий документи менен бекитилген эмес. Демек, жарлык чыгарыш үчүн президентке да жөнөтүлө элек. Садыр Жапаровду премьер-министр катары кабыл алынган чечимдер юридикалык күчкө ээ эмес”, — деп жазган Касымалиева.

Вице-спикер мындай учурда өкмөт башчынын милдетин аткаруучу болуп биринчи вице-премьер Алмазбек Баатырбеков кала бериши керектигин билдирди.

Кворум болгон эмес! Айрым депутаттар Садыр Жапаровдун дайындалышынан шек саноодо

“Мен өкмөттүн бардык мүчөлөрүнө кайрылам, жаңы өкмөттүн курамы бекитилгенге чейин өз милдетиңерди аткарууну уланта бериңиздер. Учурда ЖКнын жайынын өткөрө турган жерди жана датасын дайындоо боюнча сүйлөшүп жатабыз. Төрага Дастан Жумабеков отставкага кеткен, демек анын укуктары мен биринчи вице-спикер болгондуктан мага өтөт”, — деп жазган Касымалиева.

Ошондой эле ал бардык саясий күчтөрдү жана жарандарды коомдук тартипти сактоого чакырып, митинг жана башка чогулуштарды өткөрбөй турууну суранды.

Эске салсак, кечээ, 10-октябрда, мамлекеттик резиденцияда ЖК депутаттары кезексиз жыйынга чогулуп, жаңы өкмөттү шайлашкан. Башында төрага Мыктыбек Абдылдаев залда 51 депутат отурганын, 10у ишеним кат жибергенин жарыялаган. Андан соң ал спикерликтен кетүү чечимин кабыл алганын айткан. Мындан улам жыйынды вице-спикер Мирлан Бакиров алып барган.

1317
Белгилер:
Садыр Жапаров, премьер-министр, Жогорку Кеңеш, төрага, Аида Касымалиева
Тема:
Парламенттик шайлоодон кийинки окуялар (461)
Тема боюнча
Мыктыбек Абдылдаев отставкага кетти
Жапаров министрдин милдетин аткарган Ниязбековду ИИМдин курамына тааныштырды
Садыр Жапаров эмнеге оппозициялык күчтөр менен бирикпей калганын айтты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

135
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

135
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

439
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

439
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты