Россия президентинин администрация башчысынын орун басары Дмитрий Козак. Архив

Жээнбеков РФ президентинин өкүлү менен жолукту. Ага Жапаров да катышты

927
(жаңыланган 16:20 13.10.2020)
Билдирмеге ылайык, Козак Кыргызстанга Россиянын лидери Владимир Путиндин тапшырмасы менен келген.

БИШКЕК, 13-окт. — Sputnik. Өлкө башчы Сооронбай Жээнбеков Россия президентинин администрация башчысынын орун басары Дмитрий Козак менен жолукту. Бул тууралуу президенттин маалымат кызматы кабарлады.

Билдирмеге ылайык, Козак Кыргызстанга РФ лидери Владимир Путиндин тапшырмасы менен келген. Жолугушууга Садыр Жапаров дагы катышкан.

"Өлкөдөгү коомдук-саясий кырдаалдан жаралган кризистин биринчи күндөрүнөн тартып Сооронбай Жээнбеков Россия президенти Владимир Путин менен бир нече жолу телефон аркылуу сүйлөшкөн. Россия тарап өлкөдөгү кырдаалга тынчсызданып жатканын айтып, абалды жөнгө салуу үчүн жардам берүүнү сунуштаган", — деп айтылат билдирүүдө.

Путин: Кыргызстандагы конфликтинин бардык тараптары менен байланыштамын

Президенттин маалымат кызматы Кыргызстан менен Россия союздаш жана стратегиялык өнөктөш экенин айтып, ЖККУ, ЕАЭБ, КМШ жана ШКУ уюмдарына мүчө экенин белгилеп кеткен.

927
Белгилер:
өкүл, Россия, жолугушуу, Садыр Жапаров, Сооронбай Жээнбеков, Кыргызстан
Тема:
Парламенттик шайлоодон кийинки окуялар (461)
Тема боюнча
Бүгүн Жогорку Кеңеш кайрадан кезексиз жыйынга чогулмай болду
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

129
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

129
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

433
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

433
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты