Президент Сооронбай Жээнбеков. Архив

Жээнбековду кайсы өлкөлөр жана эл аралык уюмдар колдоп жатканы жарыяланды

3876
(жаңыланган 23:17 14.10.2020)
Дээрлик бардык эл аралык коомчулук Жээнбековду легитимдүү бийлик катары тааный турганын билдирип жатышат.

БИШКЕК, 14-окт. — Sputnik. Мамлекет башчынын маалымат кызматы президент Сооронбай Жээнбековду колдоп жаткан өлкөлөр менен эл аралык уюмдарды атады.

Алар соңку саясий кырдаалга байланыштуу президенттин туруктуулукту камсыздоо жана бардык маселени укуктук талаада чечүү позициясын жактап жатканы кабарланды.

Жээнбековду колдогон өлкөлөр:

  • Россия;
  • Америка Кошмо Штаттары;
  • Казакстан;
  • Улуу Британия;
  • Түндүк Ирландия;
  • Бириккен Улуттар Уюму;
  • Түрк тилдүү өлкөлөрдүн парламенттик ассамблеясы;
  • Европа биримдиги.
"Сооронбай Жээнбеков менен Владимир Путиндин ортосунда бир нече сүйлөшүүлөр болду. Россия президентинин тапшырмасы менен консультация жүргүзүү үчүн президенттик администрациянын жетекчисинин орун басары Дмитрий Козак Бишкекке жөнөтүлдү. Борбор Азия өлкөлөрүнүн башчылары регионалдык коопсуздук жана туруктуу өнүгүү үчүн Кыргызстандын бакубатчылыгы маанилүү фактор экенин белгилешти. Казакстандын президенти Касым-Жоомарт Токаев Сооронбай Жээнбеков легитимдүү мамлекет башчы экенин билдирип, өлкөдөгү кырдаалды жайгаруу аракетин колдой турганын айтты", — деп жазылат маалыматта.

Дээрлик бардык эл аралык коомчулук Жээнбековду легитимдүү бийлик катары тааный турганын билдиришкен.

Ошондой эле жакынкы күндөрү жаралган кырдаалды тынчтык жолу менен чечүү үчүн кеңеш берүү максатында БУУнун Борбор Азия боюнча башкы катчысынын атайын өкүлү, БУУнун Борбордук Азия үчүн Превентивдүү дипломатия боюнча аймактар аралык борборунун жетекчиси Наталья Герман келери айтылды. 

Жээнбековдун отставкасын сүйлөшүүгө Жапаровду кимдер коштоп барганы айтылды

Соңунда өнөктөш өлкөлөр жана эл аралык уюмдар КРдин мыйзамдуу бийлиги менен кызматташууну жакташарын жана учурдагы кырдаалдан чыгуунун жолдорун издеген саясий процессти жетектөөдө президенттин чечүүчү ролун баса белгилешкен.

3876
Белгилер:
кызматташтык, Сооронбай Жээнбеков, мамлекет, колдоо, президент
Тема:
Парламенттик шайлоодон кийинки окуялар (461)
Тема боюнча
Стамалиева: Жээнбеков үч күндөн кийин отставкага кетем деп айткан эмес
Жапаров: президенттин отставкасы тууралуу сүйлөшүүлөр эртең да уланат
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

221
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

221
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

71
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

71
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды