Саясатчы Камчыбек Ташиев

Ташиев: азыр Жээнбеков менен Жапаров сүйлөшүүдө, баары эл каалагандай болот

586
(жаңыланган 14:05 15.10.2020)
Буга чейин өкмөт башчынын маалымат катчысы Жапаровдун абалы начарлап, мамлекет башчы менен жолугушууга келе албай калганын айткан эле.

БИШКЕК, 15-окт. — Sputnik. Өкмөт башчы Садыр Жапаровдун үзөңгүлөшү Камчыбек Ташиев митингчилерге кайрылып, учурда президент менен премьер-министр активдүү сүйлөшүп жатканын билдирди.

Буга чейин өкмөт башчынын маалымат катчысы Жапаровдун абалы начарлап, мамлекет башчы менен жолугушуу болбой калганын айткан эле.

"Мамлекетибиздин биримдиги жана тынчтыгы үчүн президент жана премьер-министр активдүү сүйлөшүүлөрдү жүргүзүп жатат. Президенттин отставкасы талкууда, буюрса, баары эл каалагандай болот. Сабыр кылыңыздар, тынчтыкты сактап күтө туруңуздар", — деп жазган Ташиев Facebook баракчасына.

Жолугушуу бүгүн саат 11.00гө пландалган болчу. Кечээ кечинде Жапаров тарапташтарынын алдына чыгып, президенттин отставкасы тууралуу сүйлөшүү аягына чыкпаганын, Жээнбеков менен бүгүн дагы жолугарын билдирген.

586
Белгилер:
Митинг, сүйлөшүүлөр, жолугушуу, Камчыбек Ташиев
Тема:
Жогорку Кеңешти шайлоонун жыйынтыгы (33)
Тема боюнча
Аскерлер тартылган "Ала-Арча" резиденциясынын айланасындагы абал. Видео
Жээнбековдун отставкасын сүйлөшүүгө Жапаровду кимдер коштоп барганы айтылды
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

133
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

133
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

436
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

436
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты