Президент Сооронбай Жээнбеков. Архив

61 жаш. Кыргызстандын президенттери кантип кеткен?

960
(жаңыланган 14:46 16.10.2020)
Кыргызстан көз карандысыздыкты алгандан бери беш президент алмашты, эң кызыгы, бардыгы 61 жашында кызматтан кетти. Бүгүн президент Сооронбай Жээнбеков да өз арызынын негизинде 61 жаш курагында отставкага кетерин жар салды.

Sputnik Кыргызстан агенттиги КРдин президенттеринин кызматтан кеткен учурларына көз салып көрдү.

Аскар Акаев

Кыргызстандын биринчи президенти Аскар Акаев 2005-жылдын 24-мартындагы "жоогазын революциясынын" жыйынтыгы менен бийликтен кеткен. Дагы бир себеп, Жогорку Кеңешке шайлоодо уулу менен кызынын ат салышкандыгы болгон. Экс-президент ыңкылаптан кийин дароо эле Россияга кетип калганы менен ал расмий түрдө ошол жылдын 5-апрелине чейин Кыргызстандын президенти болуп турган. Тактап айтканда, Акаев 4-апрелде Кыргызстандын Москвадагы элчилигинде 5-апрелден баштап кызматтан кетүү тууралуу арызын жазган.

Аскар Акаев азыр Россияда жашайт. Тактыдан кулаганда туура 61 жашта болчу.

Доктор экономических наук, профессор, иностранный член РАН, главный научный сотрудник Института математических исследований сложных систем, МГУ имени М. В. Ломоносова Потенциал экономического пояса, возникающего с развитием и модернизацией Транссиба и БАМа Аскар Акаев
© Sputnik / Александр Натрускин
Мурдагы президент Аскар Акаев

Курманбек Бакиев

"Жоогазын революциясынан" кийин мурда эки жолу өкмөт башчы болуп иштеген Курманбек Бакиев президент болуп келди. Ал 2009-жылы экинчи мөөнөткө шайланып, 2010-жылдын апрель айына чейин президенттик тактыда отурган. Бакиевдин убагындагы коммуналдык тейлөөлөргө тарифтердин өсүшү жана туугандарынын адаттан тыш жоруктары акыры 2010-жылдагы Апрель окуясына алып келген. Митингге чыккандар Ак үйдү басып, 7-апрелде Бакиевди ээрден алып түшүшкөн. Бийлик алмашуу кан төгүү менен коштолуп, натыйжада 87 жаран окко учкан.

Алгач Бакиев өлкөнүн түштүгүнө качса, 15-апрелде Казакстанга учуп, кийин Беларусь мамлекетине барган. Ал 21-апрелде 61 жаш курагында Минск шаарында кызматтан кетүү тууралуу арызын жазган.

Атамбаев эмнеге Кой-Таштан кармалган эмес. Адвокат окуянын чоо-жайын айтты

Отстраненный от власти президент Киргизии Курманбек Бакиев во время интервью представителям СМИ в селе Тейит (под Джалал-Абадом).
© Sputnik / Андрей Стенин
Мурдагы президент Курманбек Бакиев

Роза Отунбаева

Курманбек Бакиев кызматтан кеткенден кийин Роза Отунбаева Кыргызстандын тышкы иштер министри болуп турган. Апрель революциясынан кийин ошол кезде түзүлгөн Убактылуу өкмөттү жетектеп, жаңы Конституция кабыл алынган соң өткөөл мезгилдин президенти болуп калган. Ал бир жылдай бийликте отуруп, 2011-жылы жаңы шайланган президент Алмазбек Атамбаевге президенттик тактыны өткөрүп берген. Ал убакта Роза Отунбаева да 61 жашта болчу.

Экс-президент КР Роза Отунбаева во время выступления на Астанинском экономическом форуме
© Фото / Абзал Калиев
Мурдагы президент Роза Отунбаева

Алмазбек Атамбаев

2011-жылы Алмазбек Атамбаев президенттик шайлоодон жеңип, 2017-жылга чейин КРдин президенти болуп турган. Андан кийин бийликти шайлоо жолу менен 61 жашында мураскери Сооронбай Жээнбековго өткөрүп берген. Бирок экөөнүн ортосунда бат эле пикир келишпестиктер жаралып, кескин сындар айтылган.

27-июлда Жогорку Кеңеш Атамбаевди экс-президент макамынан ажыратуу менен кошо кол тийбестигин да алып салган.

Кийин кримтөбөл Азиз Батукаевдин абактан мыйзамсыз бошотулушу боюнча козголгон кылмыш ишинин алкагында 2019-жылдын 8-августунда кармалып, УКМКнын тергөө абагына камакка алынган. Сот Атамбаевди 11 жыл 6 айга эркинен ажыраткан.

Президент Сооронбай Жээнбеков отставкага кетти

Бывший президент Кыргызстана Алмазбек Атамбаев приветствует своих сторонников во время митинга у здания Форум в Бишкеке. 9 октября 2020 года
© REUTERS / Vladimir Pirogov
Мурдагы президент Алмазбек Атамбаев

Сооронбай Жээнбеков

Алмазбек Атамбаевден соң эки тизгин бир чылбыр Сооронбай Жээнбековдун колуна тийген. Ал 2017-жылдын 15-октябрында президент болуп шайланып, 24-ноябрдан тарта кызматка киришкен.

Жээнбеков мамлекет башчысы катары үч жыл иштеди.

2020-жылдын 4-октябрындагы парламенттик шайлоонун жыйынтыгына нааразы болгон эл эртеси "Ала-Тоо" аянтына митингге чыккан. Акцияга оппозициялык маанайдагы саясий лидерлер менен биргеликте он миңге жакын киши чогулган. 6-октябрга караган түнү митингчилер менен милициянын ортосунда кагылышуу болгон. Натыйжада бир адам каза болуп, миңге чукул киши жабыркады. Митингге чыккандар парламенттин имаратын басып алган соң Алмазбек Атамбаев жана башка саясатчылар менен катар абакта жаткан Садыр Жапаровду да бошотушкан.

Президент КР Сооронбай Жээнбеков на празднике Дня независимости Кыргызской Республики. Бишкек, 31 августа 2020 год
© Пресс-служба президента КР / Султан Досалиев
Президент Сооронбай Жээнбеков

6-октябрда БШК шайлоонун жыйынтыгын жокко чыгарды. Кечинде парламент премьер-министрликке Садыр Жапаровдун талапкерлигин жактырган.

10-октябрда Жогорку Кеңештин депутаттары кезексиз жыйынга чогулуп, Садыр Жапаровдун талапкерлигин өкмөт башчылыкка колдоп беришкен. Ушул эле күнү мурдагы президент Алмазбек Атамбаев баш болгон митингчилер тарабынан бошотулган саясатчылар кайрадан камала баштаган.

Бирок айрым депутаттар аталган жыйын легитимсиз болгонун айтып, Жапаровду премьерликке бекиткен чечимди жокко чыгарууну талап кылышкан.

14-октябрда Жогорку Кеңеш кайрадан жыйынга чогулуп, Садыр Жапаров башында турган өкмөттүн курамын, структурасын жана программасын бекитип берген. Ошол эле күнү Сооронбай Жээнбеков өкмөттү дайындоо боюнча жарлыкка кол койгон.

Ал эми 15-октябрда президенттин кызматтан кетишин талап кылган митингчилердин акциясынан улам Сооронбай Жээнбеков отставкага кетерин билдирди. Белгилей кетсек, 16-ноябрда 62 жашка чыгат.

960
Белгилер:
Роза Отунбаева, кызматтан кетүү, президент, Алмазбек Атамбаев, Курманбек Бакиев, Аскар Акаев, Митинг, Сооронбай Жээнбеков
Тема боюнча
Жээнбековдун отставкасын ким кабыл алышы керек? Мыйзам
Өлкө башчынын милдетин аткаруучу президенттик шайлоого катыша албайт
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

234
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

234
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

75
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

75
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды