Тышкы иштер министри Руслан Казакбаев Россиянын Кыргызстандагы элчиси Николай Удовиченко менен жолугушу

ТИМ башчысы Руслан Казакбаев Россиянын элчисин кабыл алды. Эмне талкууланды

338
(жаңыланган 18:55 15.10.2020)
Министр Казакбаев элчиге өлкөдөгү абал тууралуу маалымат берип, кырдаал акырындык менен турукташып келе жатканын айткан.

БИШКЕК, 15-окт. — Sputnik. Тышкы иштер министри Руслан Казакбаев Россиянын Кыргызстандагы элчиси Николай Удовиченко менен жолугушту. Бул туурасында ведомствонун маалымат кызматы билдирди.

  • Посол России в КР Николай Удовиченко во время встречи с министром иностранных дел Кыргызстана Русланом Казакбаевым
    Тышкы иштер министри Руслан Казакбаев Россиянын Кыргызстандагы элчиси Николай Удовиченко менен жолугушту. Бул туурасында ведомствонун маалымат кызматы билдирди
    © Фото / пресс-служба МИД КР
  • Министр иностранных дел Кыргызстана Руслан Казакбаев во время встречи с послом России в КР Николаем Удовиченко
    Алгач элчи Россиянын тышкы иштер министри Сергей Лавров Казакбаевди жаңы кызматка дайындалышы менен куттуктоосун жеткиргени айтылат
    © Фото / пресс-служба МИД КР
1 / 2
© Фото / пресс-служба МИД КР
Тышкы иштер министри Руслан Казакбаев Россиянын Кыргызстандагы элчиси Николай Удовиченко менен жолугушту. Бул туурасында ведомствонун маалымат кызматы билдирди

Алгач элчи Россиянын тышкы иштер министри Сергей Лавровдун Казакбаевди жаңы кызматка дайындалышы менен куттуктоосун жеткиргени айтылат.

Андан соң ТИМ башчысы өлкөдөгү абал тууралуу маалымат берип, кырдаал акырындык менен турукташып келе жатканын, аткаруу бийлиги толугу менен түзүлүп өз ишин баштаганын билдирген.  

Мындан сырткары, ал кыргыз тарап Россия менен стратегиялык өнөктөштүктү жана союздаш мамилелерди бекемдөөгө өзгөчө маани берерин белгилеген. Ошондой эле ал Кыргызстанга болгон колдоосу үчүн ыраазычылык билдирген.

"Кыргыз-орус кызматташтык мамилеси боюнча пикир алышып, буга чейин эки өлкө ортосунда жетишилген макулдашууларды ишке ашыруу талкууланды. Анын ичинде Кыргызстан менен Россиянын эриш-аркак жылынын алкагындагы иш-чараларды жүзөгө ашыруу маселеси ортого коюлду", — деп айтылат маалыматта.

Мындан сырткары, тараптар эки өлкөнүн ортосундагы стратегиялык өнөктөш жана союздаш катары конструктивдүү диалогдор уланары айтылган

338
Белгилер:
Россия, жолугушуу, элчи, министр, Руслан Казакбаев
Тема боюнча
Кремль Жээнбековдун кызматтан кетиши боюнча үн катты
Россия Кыргызстанга каржылык колдоо көрсөтүүнү токтотту
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

30
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

30
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды

Жапаров премьерге кеңешчи болгонун айтса, Бакиров какшыктап күлкүгө салды. Видео

207
Жогорку Кеңештин депутаты Акылбек Жапаров өкмөт башчыга кеңешчи болгонун уккан вице-спикер Мирлан Бакиров аны какшыктап, депутаттарды күлкүгө салды.

Парламенттик шайлоонун мөөнөтүн жылдырууну демилгелеген депутат Акылбек Жапаров мыйзам долбоорун тааныштырып жатып, премьер-министр, президенттин милдетин аткаруучу Садыр Жапаровго кеңешчи болгонун айтты.

Андан соң Мирлан Бакиров аны бул кызматка барышы менен куттуктады.

Депутаттар кийинки парламенттик шайлоого чейин маяна албай иштей турган болушту

Буга Жапаров коомдук башталыштагы кеңешчи экенин, ал жактан акча албай турганын белгиледи.

Бакиров андан ары сөзүн улап, ал мурдагы премьер-министр Мухаммедкалый Абылгазиевге дагы кеңешчи болгонун эскертти.

“Абылгазиев менин кеңешимди укканда отставкага кетмек эмес жана президент үч жылда ыйгарым укуктарын тапшырмак эмес. Азыркы премьер угам деп жатат, ошол үчүн бардым”, — деп жооп кайтарды Жапаров.

Белгилей кетсек, бүгүн Жогорку Кеңеште парламенттик шайлоонун мөөнөтүн жылдыруу мыйзамы кабыл алынды. Ага ылайык, кийинки шайлоо 2021-жылдын 1-июнуна чейин уюштурулушу керек.

207
Белгилер:
күлкү, депутат, Акылбек Жапаров, Мирлан Бакиров
Тема боюнча
Сулайманов: толкуган жаштар 120 депутатты да кошуп кууса болмок экен
Тилинен көп жаңылган "элита". Азыркы депутаттарды унуттурбай турган 10 факты
"Тукумдан кыр издебегиле". Бакиров кызыл чеке болгон депутаттарды күлкүгө салды