Депутат Акылбек Жапаров. Архив

Депутат Жапаров: жигиттер, эсиңер ордунда болсо, азыркыдай абал болбойт эле

426
(жаңыланган 12:27 16.10.2020)
Акылбек Жапаров саясий абалдын азыркыдай кризиске туш болушуна фракция лидерлеринин түздөн-түз тиешеси бар деп эсептейт.

БИШКЕК, 16-окт. — Sputnik. Депутат Акылбек Жапаров парламент төрагасы Канат Исаевге алдыдагы шайлоолор тууралуу маселелерди фракция жетекчилери менен гана эмес, 120 депутаттын бардыгы менен талкуулоону сунуш кылды.

Бүгүн "Ала-Арча" мамлекеттик резиденциясында Жогорку Кеңештин жыйыны өттү. Анда Сооронбай Жээнбековдун кызматтан кетүү чечими каралды. Жыйындын жүрүшүндө спикер шайлоолорду өткөрүү процесси тууралуу айрым маселелерди фракция лидерлери менен сүйлөшөрүн айткан.

Депутат Жапаров "президенттин үч жылдан кийин отставкага кетишине дал ушул фракция лидерлери өбөлгө түзгөнүн" айтып, бардык маселени жалпы парламент менен чечишүүгө чакырды.

"Жигиттер, бийликтин баары ушул алты фракциянын лидерлеринде. Президентке кирип, проблеманы чечкиле десек чечпей жүрүп, эми башыбызды дагы кайсыл жакка айлантканы жатасынар? Канат Кедейканович, акылдашам десеңиз, 120 депутат менен акылдашыңыз. Эгер акылыңар тунук, эсиңер ордунда болсо, азыркыдай революция болбойт болчу. Баарыбыз менен сүйлөшүп, ачык иштегиле", — деди Жапаров.

Парламент жакынкы күндөрү алдыдагы президенттик жана депутаттык шайлоонун датасын аныкташы керек.

426
Белгилер:
Акылбек Жапаров, Жогорку Кеңеш, фракция, лидер
Тема:
Парламенттик шайлоодон кийинки окуялар (471)
Тема боюнча
Төрага: фракция лидерлери Садыр Жапаров менен шайлоону талкуулайт
Талибан согушкери Кабулда. Архивдик сүрөт

Афганистандагы абал Борбор Азиянын келечегине кандай таасир этет? Пикир

89
(жаңыланган 19:50 16.09.2021)
Эксперт бүгүнкү күнү биринчи орунга коопсуздук маселеси чыкканын айтып, эми чек араларды бекемдеп, коопсуздукту камсыз кылууга ири көлөмдө ресурстар керектелип, сарпталарына токтолгон.

БИШКЕК, 16-сен. — Sputnik. Афганистандагы окуялар Борбор Азия мамлекеттерине жаңы геосаясий реалдуулукту жаратты. Бул тууралуу саясий серепчи Эдил Осмонбетов билдирди. 

Политолог Эдил Осмонбетов во время видеомоста в мультимедийном пресс-центре Sputnik Кыргызстан
© Sputnik / Жоомарт Ураимов
Саясий серепчи Эдил Осмонбетов

Ал Sputnik Кыргызстан агенттигинин мультимедиалык маалымат борборунда өткөн "Афганистандагы кырдаалдын Борбор Азия өлкөлөрүнүн коопсуздугуна таасири" аттуу видео көпүрөгө катышкан.

Осмонбетовдун айтымында, аймактын коопсуздугу бүгүнкү күндүн орчундуу темасы.

"20 жыл аралыгында Борбор Азия өлкөлөрүнүн социалдык жана экономикалык маселелерди, керек болсо тышкы саясий маселелерди чечүү менен алектенүүгө геосаясий мүмкүнчүлүгү бар болчу. Бирок бүгүнкү күнү биринчи орунга коопсуздук маселеси чыкты. Эми чек араларды бекемдеп, коопсуздукту камсыз кылууга ири көлөмдө ресурстар керектелип, сарпталат", — деген серепчи.

Анын айтымында, азыр "Талибан"* кыймылы башка мамлекеттердин алардын бийлигин таануусун талап кылып жатат. Бирок процесске таасир этчү бир дагы мамлекет талибдердин бийлигинин легитимдүүлүгүн таанууга даяр экенин айта элек. Эксперт жаңы геосаясий реалдуулуктун шартында бир топ маселе дүйнөлүк жана аймактык оюнчулар аркылуу чечиле турганын кошумчалаган.

2021-жылдын июнь айынан бери "Талибан"* кыймылы активдешип, августта Афганистанды толук каратып алган. Кийин Афганистанда 20 жылга созулган согуш аяктаганын билдирген. Убактылуу өкмөт куралып, ушу тапта Өзбекстан, Казакстан жана Кытай кызматташууга даяр экенин расмий жар салды.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

89
Белгилер:
Афганистан, серепчи, пикир, кырдаал, Борбордук Азия, коопсуздук
Тема:
Афган бийлиги менен талибдердин тиреши
Тема боюнча
Президент Садыр Жапаров Кыргызстандын Афганистан боюнча позициясын билдирди
Душанбедеги ЖККУ жыйынында Афганистандагы абал талкууланды
Сот балкасы. Архив

Жогорку сот Улуттук банктын экс-төрагасынын өкүмүн жокко чыгарды

132
Курманбек Бакиев президент болуп турган тушта өмүрүнө кол салуу болгон журналист Сыргак Абдылдаев өзүнүн Facebook баракчасына "сыр" деген гриф менен Бакиевдердин реабилитациясы жүрүп жатканын жазды.

БИШКЕК, 16-сен. — Sputnik. Улуттук банктын мурдагы төрагасы Марат Алапаевге карата чыккан соттун өкүмү жокко чыгарылды. Иш кайра каралат. Бул тууралуу Жогорку соттун маалымат кызматы билдирди.

Курманбек Бакиев президент болуп турган тушта өмүрүнө кол салуу болгон журналист Сыргак Абдылдаев өзүнүн Facebook баракчасына "сыр" деген гриф менен Бакиевдердин реабилитациясы жүрүп жатканын жазды. Ал ошондой эле Жогорку сот Алапаевге карата чыккан соттун чечимин (15 жылга кесилген) кайра кароону тапшырганын маалымдады. Алапаев "Ысык-Көл" банкын рейдерлик менен басып алууга айыпталган. Абдылдаев ушул эле иш боюнча Максим Бакиев менен Жаныш Бакиев сыртынан камалганын да белгилеген.

"2021-жылдын 18-августунда Жогорку соттун кылмыш иши жана жоруктар боюнча коллегиясынын ачык соттук жыйынында адвокат Мощиндин өтүнүчү жана Башкы прокуратуранын прокурорунун жаңы ачылган жагдайлардан улам Марат Алапаевдин ишин кайра кароо боюнча корутундусу талкууланган", — деп айтылат Жогорку соттун маалыматында.

Анын жыйынтыгында Бишкек шаарынын Октябрь райондук сотунун 2015-жылдын 20-октябрында чыгарган чечими менен Бишкек шаардык сотунун кылмыш иштер жана административдик эреже бузуулар жөнүндөгү соттук коллегиясынын 2016-жылдын 8-февралындагы чечими жокко чыгарылды. Алапаевге карата козголгон кылмыш ишинин материалдары сотко чейинки өндүрүшкө алуу үчүн прокурорго берилди.

"Белгилей кетсек, бул кылмыш иши ачык соттук жыйында каралып, "сыр" деген грифке тиешеси жок. Ошондой эле бул иш боюнча айыпталган башка фигуранттардын иши кайра каралган жок", — дешти Жогорку соттон.

Максим Бакиев — Курманбек Бакиевдин уулу, ал эми Жаныш — анын бир тууганы. Үчөө тең түрдүү иштер боюнча сыртынан соттолгон.

 

132
Белгилер:
Кыргызстан, Курманбек Бакиев, Башкы прокуратура
Тема боюнча
Соттордун чечими жокко чыгып, Келдибековдун иши кайра каралмай болду
Ош шаардык соту Кылыч Саркарбаевди актады. Прокуратура облустук сотко даттанат
Шиш така кийген кыздар. Архив

Медик: коронавирустан ооруп айыккандарга шиш така кийүү кооптуу

0
(жаңыланган 10:51 17.09.2021)
Коронавирустан кийинки синдром учурунда тромб пайда болуу тобокелчилиги 30 пайызга өсөт. Ал эми шиш така кийүү бул ооруну күчөтөт.

БИШКЕК, 17-сен. — Sputnik. Коронавирус менен ооруп айыккандарга шиш така кийүүгө болбойт. Бул тууралуу медицина илимдеринин доктору Сергей Токаревдин айтымына таянып URA.RU басылмасы жазды.

Медик белгилегендей, коронавирустан жаңы айыккан учурда шиш така кийүү кан айлануу функциясынын бузулуусун бир нече эсеге күчөтүп жибериши ыктымал.

"Коронавирустан кийинки синдром учурунда тромб пайда болуу тобокелчилиги 30 пайызга өсөт. Бул буттагы веналарга да тиешелүү. Шиш така бул ооруларды ого бетер күчөтөт", — деген Токарев.

Ал коронавирустан жаңы сакайган аялдарга шиш такадан баш тарта турууну сунуштаган. Себеби ал бутка жана венага кошумча күч келтирет. Ошол себептен адис жалпак бут кийим кийүүнү эскерткен.

0
Белгилер:
бут кийим, коронавирус, шиш така, медик, кеңеш
Тема:
Дүйнөгө жайылган коронавирус
Тема боюнча
Жаңы штаммдарга вакцина таасир эте албай калышы мүмкүн. Сурамжылоо
COVID-19дун кезектеги толкунунан сактаныш үчүн эмне кылуу керек. Адистин кеңеши