Премьер-министр Садыр Жапаров

Жапаровду президенттин милдетин аткаруучу деп атаса болобу? Текебаевдин жообу

593
(жаңыланган 14:06 16.10.2020)
Депутат Өмүрбек Текебаевдин айтканына караганда, Садыр Жапаров президенттин милдетин аткара башташы үчүн атайын процедуралардын зарылдыгы жок.

БИШКЕК, 16-окт. — Sputnik. Жогорку Кеңештин бүгүнкү жыйынын Садыр Жапаровдун президенттик инаугурациясы деп билсек болот. Бул тууралуу Sputnik Кыргызстан агенттигинин кабарчысына Жогорку Кеңештин депутаты Өмүрбек Текебаев билдирди.

Журналист эл өкүлүнө "премьер-министр Садыр Жапаров өлкө башчынын милдетин арткарууга расмий түрдө киришүүсү үчүн дагы кандай процедуралар керек?" деген суроо берди.

"Мындай учурда кошумча процедуралар каралган эмес экен, бул мыйзамдын кемчилиги. Демек президенттин отставкага расмий түрдө кетиши, парламент төрагасынын өз укугунан баш тартышы Садыр Жапаровду автоматтык түрдө президенттин милдетин аткаруучу кылат. Бүгүнкү парламент жыйынын анын инаугурациясы деп билсек болот", — деди Текебаев.

Белгилей кетсек, Сооронбай Жээнбеков бүгүн парламентке келип кайрылуу жасап, расмий түрдө президенттик кызматынан кетти.

Эске салсак, Жогорку Кеңештин депутаттары Садыр Жапаровду Кыргызстандын премьер-министри кылып 14-октябрь күнү бекиткен. Бирок Жапаров азырынча өкмөт башчы катары дагы ант бере элек.

593
Белгилер:
процедура, президент, мыйзам, Садыр Жапаров, Өмүрбек Текебаев
Тема:
Парламенттик шайлоодон кийинки окуялар (461)
Тема боюнча
Шайлдабекова: президенттик жана парламенттик шайлоону бир күндө өткөрсө болот
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

221
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

221
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

73
(жаңыланган 23:37 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңештин депутаттарын шайлоо жөнүндө” мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңештин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

73
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды