Ташиев: Райым Матраимовду кармап келүүгө бүгүн тапшырма берем

© Sputnik / Тимур БатыршинРешеткадагы кишен. Иллюстративдик сүрөт
Решеткадагы кишен. Иллюстративдик сүрөт - Sputnik Кыргызстан
Жазылуу
Ташиев Матраимов менен соңку бир жылдан бери жолуга электигин, бир эле жолу телефон аркылуу сүйлөшкөнүн кошумчалады.

БИШКЕК, 16-окт. — Sputnik. Бажы кызматынын төрагасынын мурдагы орун басары Райым Матраимовду таап, кармап келүүгө бүгүн тапшырма берем. Бул тууралуу УКМКнын төрагалыгына дайындалган Камчыбек Ташиев билдирди.

Ал учурда Матраимов Кыргызстанда же башка өлкөдө экенинен кабары жоктугун айтып, өлкө аймагында болсо кармаларын белгиледи.

Камчыбек Ташиев УКМКга эмне максат менен жетекчи болгонун айтты

"Кыргызстанда жемкордукка аралашкан бардык адамдарды кармап, коррупциядан тазалайбыз. Менин бул кызматка келгенимдин негизги максаты да ушул. Райымбек Матраимовду табууга бүгүн тапшырма берем, аны кармап келип эл алдына алып чыгышыбыз керек. Мындан ары эч кимге аёо болбойт", — деди Ташиев.

Ошондой эле ал Матраимов менен соңку бир жылдан бери жолуга электигин, бир эле жолу телефон аркылуу сүйлөшкөнүн кошумчалады.

Жаңылыктар түрмөгү
0