БИШКЕК, 20-окт. — Sputnik. Нариман Түлеев Бишкек шаарынын мэринин милдетин аткаруучу болуп дайындалат. Бул туурасында Sputnik Кыргызстанга маалымат булагынан билдиришти.
Андан мурда шаар мэри Азиз Суракматовдун кызматтан кетери белгилүү болгон.
Бүгүн Бишкек мэриясында вице-мэрлер алмашып, биринчи орун басарлыкка Нариман Түлеев келген эле.
Эске салсак, мэрди шаардык кеңеш дайындайт. Талапкерди фракциялар, Бишкек шаардык кеңешинин көпчүлүк коалициясы жана премьер-министр сунуштай алат.
Ал эми мэр кызматтан кеткенде, биринчи-вице мэр анын милдетин аткаруучу болуп калат.
Түлеев 2008-2010-жылдары шаар башчысы болуп иштеген.
