Бишкек шаарынын биринчи вице-мэри Нариман Түлеев

Түлеев: чынын айтсам, мэрияга баргым келген эмес

344
20-октябрда Нариман Түлеев Бишкек шаарынын биринчи вице-мэри болуп дайындалды. Көп өтпөй Азиз Суракматов кызматтан кетип жатканын жар салып, аны милдети Түлеевге жүктөлдү.

БИШКЕК, 20-окт. — Sputnik. Бишкек шаарынын биринчи вице-мэри Нариман Түлеев журналисттерге маалымат жыйын өткөрүп жатып, аталган кызматка баргысы келбегенин айтты.

Эске салсак, бүгүн, 20-октябрда, Нариман Түлеев Бишкек шаарынын биринчи вице-мэри болуп дайындалды. Көп өтпөй Азиз Суракматов кызматтан кетип жатканын жар салып, аны милдети Түлеевге жүктөлдү.

Суракматов Түлеевди биринчи вице-мэрлик кызматка кыйынчылык менен көндүргөнүн айткан. Ал эми Нариман Түлеев кайрадан муниципалитетте иштегиси келбей турганын билдирген.

"Чынын айтсам, бул кызматка баргым келген эмес. Азиз Эмилбекович көндүрдү. Азыр пандемия, экономикалык каатчылык, оор мезгил… Бул учурда ал шаарга кризис-менеджер керек деди. Маселени түнкү 12де карап, чечтик. Андан кийин макул болуп, ушул жерде отуруп калдым", — деди Түлеев.

Абакта "авторитет" болгон. Бишкек мэрлигине кайра келген Түлеев жөнүндө 7 факты

Белгилей кетсек, ал мэрияны 2008-жылдан 2010-жылга чейин да жетектеген.

344
Белгилер:
милдет, мэр, кызмат, Азиз Суракматов, Нариман Түлеев
Тема боюнча
Азиз Суракматов мэрлик кызматтан эмнеге кеткенин түшүндүрдү
Нариман Түлеев Бишкек мэриясын жетектемей болду
Бишкек шаарынын мээринин милдетин аткаруучу Балбак Түлөбаев. Архив

ЖК депутаттары Балбак Түлөбаевди иштен алууну президентке сунуштамай болду

35
(жаңыланган 15:16 19.01.2021)
Калаа башчысы Транспорт, архитектура жана курулуш комитетинин жыйынына тоготпостук мамиле кылып, келбей койгону айтылды.

БИШКЕК, 19-янв. – Sputnik. Жогорку Кеңештин депутаттары Бишкек шаарынын мэринин милдетин аткаруучу Балбак Түлөбаевди жана шаар бийлигинин башка тийиштүү өкүлдөрүн кызматтан алуу тууралуу сунушун президентке жолдомой болду. Бул тууралуу парламенттин маалымат кызматы билдирди.

Буга Бишкек мэринин милдетин аткаруучу Балбак Түлөбаевдин бүгүн, 19-январдагы, Жогорку Кеңештин Транспорт, архитектура жана курулуш комитетинин жыйынына тоготпостук мамиле кылып, келбей койгону себеп болгону айтылды.

Маалыматка ылайык, бүгүн комитетте курулуштагы көйгөйлөр жана курулуш үчүн документтерди берүү процедураларын оптималдаштыруу боюнча маселе каралмак жана суроолордун көпчүлүгү шаар бийлигинин өкүлдөрүнө берилмек. Жыйынга мэриянын бир да өкүлү келбегени депутаттарды нааразы кылган.

“Ушуну менен мэрия Жогорку Кеңештин жыйынын этибарга албай, экинчи жолу келген жок. Эгер мындай болсо мэрия боюнча биз да чечим чыгарып берели. Бишкек архитектурасын мамлекеттик курулуш агенттигине өткөрүп берүү тууралуу Өкмөттүн токтому чыккан. Токтомду да мэрия аткарбай кечеңдетип жатат”, — деди депутат Тынчтыкбек Конушбаев. 

Бул пикирди колдогон эл өкүлү Кубанычбек Жумалиев мэрди жана маселеге тийиштүү жетекчилерди кызматынан алуу тууралуу кат жазып, президентке жөнөтүү сунушун берди. 

Ал эми Рыскелди Момбеков курулуш тармагындагы бардык коррупциялык схемалар мэрияда орун алып жатканын сынга алды.

“Мыйзам боюнча мэрди чакырганга биздин укугубуз бар. Мынакей буга чейин Бишкектин төрт мэри отуруп чыкты. Анткени курулуш тармагы боюнча коррупция беренеси менен көпчүлүгү абакта жатат. Бишкектин мурунку башкы архитектору коррупция менен кармалып, жакында чыкты. Ар бир үчүнчү кылмыш мэрияда болот. Комитет ушундай коррупцияны демонтаж кылайын деп жатса, мэр өзү келбегени чыныгы саботаж. Ал аз келгенсип, бир да өкүлүн жөнөткөн жок”, — деди Момбеков.

Жыйын соңунда тармактык комитеттин депутаттары курулуш боюнча маселени сессияга алып чыгып кеңири кароо жана шаар бийлигине чара көрүү чечимин кабыл алды.

 

35
Белгилер:
кызматтан алуу, сунуш, депутаттар, Балбак Түлөбаев
Тема боюнча
Маршрутка көйгөйү: Милиция аялдамадагы аялдарды, балдарды үйүнө ташыды. Видео
Самара Каримова кызматынан кол жуушу мүмкүн. Маданият министрлиги сотко даттанды
Кербендеги башаламандык: Аксынын акими иштен алынды
КМК Ветеринария жана фитосанитардык коопсуздук боюнча мамлекеттик инспекциясынын мурдагы башчысы Калысбек Жумаканов. Архив

УКМК Ветинспекциянын мурдагы башчысы Жумакановду экинчи ирет кармады

65
(жаңыланган 14:25 19.01.2021)
Мекеме башчысы Калысбек Жумаканов УКМК тарабынан былтыр октябрда кармалган. Бирок ден соолугуна байланыштуу үй камагына чыгарылган болчу.

БИШКЕК, 19-янв. — Sputnik. УКМК Ветеринария жана фитосанитардык коопсуздук боюнча мамлекеттик инспекциясынын мурдагы башчысы Калысбек Жумакановду кайрадан кармап, тергөө абагына киргизди. Бул тууралуу атайын кызмат кабарлады.

Алгачкы жолу Жумаканов УКМК тарабынан былтыр октябрда кармалган. Анда ири мүйүздүү жана майда малга вакцина, биопрепараттарды сатып алууда бюджеттик каражат мыйзамсыз чыгарылып кеткени белгилүү болгон. Мамлекетке болсо 31 миллион сом чыгым келтирилгени аныкталган. Бирок Жумаканов ден соолугуна байланыштуу үй камагына чыгарылган.

УКМКнын маалыматы боюнча, мамлекеттик инспекцияда биопрепараттарды жана вакциналарды жогорулатылган баада сатып алууда дагы бир коррупциялык схема аныкталды. Ошондой эле кызматкерлерден акча талап кылуу фактыларынын бети ачылды.

Тергөөнүн версиясы боюнча, Жумаканов жетекчи болуп турганда 2017-жылдан 2020-жылга чейин 90 миллион сомго ветеринардык дары-дармектерди алуу боюнча пайдасыз келишимдер түзүлгөн.

Мындан тышкары, квалификациялык талаптарга жооп бербеген жана милдеттүү сынактан өтпөгөн кишилерди жумушка алган. Ошондой эле кызматкерлер сый акы алганда опузалап акча талап кылып турганы аныкталган. 

Тергөө уланууда.

65
Белгилер:
Калысбек Жумаканов, кармоо, УКМК, Ветеринария жана фитосанитардык коопсуздук боюнча мамлекеттик инспекциясы, Кыргызстан
Тема боюнча
Сот Кылыч Саркарбаев үй камагына чыгарылганын тастыктады
Күч органдары абактагылар мыйзамсыз жүгүрткөн 1 млн. сомго чукул акчаны таап алды