ИИМ кызматкери. Архив

Милиция БШК мүчөлөрүн эмнеге суракка чакырды? ИИМдин жообу

222
(жаңыланган 18:12 21.10.2020)
Учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат.

БИШКЕК, 21-окт. — Sputnik. Ички иштер министрлигинин маалымат кызматы Борбордук шайлоо комиссиясындагы абал тууралуу билдирүү таратып, сотко чейинки өндүрүштүн алкагында милиция күбөлөрдү суракка алып келүүгө милдеттүү экенин маалымдады.

Ага ылайык, учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат. Бул иш Жазык кодексинин 264-беренесинин 1-бөлүмү ("Массалык башаламандык") боюнча Кылмыш жана жоруктардын бирдиктүү реестрине катталган.

"Массалык башаламандыкка түрткү болгон себептерди аныктоо максатында ИИМдин криминалдык милиция кызматы Борбордук шайлоо комиссиясынын бардык мүчөлөрүн күбө катары суракка алуу үчүн кабарлама берүүнү тапшырган", — деп айтылат маалыматта.

Бийлик кантип алмашты? Соңку окуялардагы урунттуу учурлар

Буга чейин ИИМдин кызматкерлери Борбордук шайлоо комиссиясынын мүчөлөрүн суракка алып кетүүгө аракет кылып жатканы кабарланган.

222
Белгилер:
күбө, митинг, сурак, БШК, ИИМ
Тема боюнча
БШК бул жолку шайлоого канча каражат кетерин кабарлады
БШК: милиция биздин мүчөлөрдү суракка алып кеткени жатат
БШКнын төрайымы Нуржан Шайлдабекова Ошко барып, шаардык кеңешке депутаттарды шайлоого даярдык көрүү жана өткөрүү боюнча штабдын жыйынына катышты

БШК төрайымы Ошко барып эреже бузуу боюнча шаар бийлигине эскертүү берди

128
(жаңыланган 15:14 14.06.2021)
Мурунку шайлоодо Ош шаарынан БШКга 89 арыз түшкөн, анын ичинен тогузу добуш сатып алуу боюнча даттанган.

БИШКЕК, 14-июн. — Sputnik. БШКнын төрайымы Нуржан Шайлдабекова Ошко барып, шаардык кеңешке депутаттарды шайлоого даярдык көрүү жана өткөрүү боюнча штабдын жыйынына катышты.

  • Глава ЦИК Нуржан Шайлдабекова и мэр Оша Айтмамат Кадырбаев на заседании Штаба по подготовке к выборам депутатов городского кенеша в городе Ош
    БШКнын төрайымы Нуржан Шайлдабекова Ошко барып, шаардык кеңешке депутаттарды шайлоого даярдык көрүү жана өткөрүү боюнча штабдын жыйынына катышты
    © Фото / пресс-служба мэрии города Ош
  • Мэр Оша Айтмамат Кадырбаев на заседании Штаба по подготовке к выборам депутатов городского кенеша в городе Ош
    Отурумга калаа мэри Таалайбек Сарыбашов, шаардык кызматтардын, ведомство жана ишканалардын жетекчилери чогулган
    © Фото / пресс-служба мэрии города Ош
  • Заседание Штаба по подготовке к выборам депутатов городского кенеша в Оше
    Анда БШКнын башчысы 11-апрелде өткөн шайлоодогу мыйзам бузуулар тууралуу айтып берген.
    © Фото / пресс-служба мэрии города Ош
1 / 3
© Фото / пресс-служба мэрии города Ош
БШКнын төрайымы Нуржан Шайлдабекова Ошко барып, шаардык кеңешке депутаттарды шайлоого даярдык көрүү жана өткөрүү боюнча штабдын жыйынына катышты

Отурумга калаа мэри Таалайбек Сарыбашов, шаардык кызматтардын, ведомство жана ишканалардын жетекчилери чогулган.

Анда БШКнын башчысы 11-апрелде өткөн шайлоодогу мыйзам бузуулар тууралуу айтып берген.

"Ош шаарынан БШКга жалпысынан 89 арыз түштү, анын ичинен тогузу добуш сатып алуу боюнча даттанган. Бул мурунку шайлоолорго салыштырмалуу алда канча аз", — деди Шайлдабекова.

Ошондой эле ал тийиштүү мамлекеттик органдардын жана кызматтардын жетекчилерине административдик ресурс колдонууга, добуш берүү күнү жана анын алдында мыйзам бузууларга жол бербөө иштерин күчөтүү зарылчылыгын эскертти. Аны менен катар санитардык-эпидемиологиялык көзөмөлгө дыкат көңүл буруу керектигин белгиледи.

Ал эми мэр "резина" батирлер маселесин көтөрүп, жарандардын бир эле дарекке массалык түрдө каттоого турушуна бөгөт коюу боюнча катуу тапшырма бергени айтылат.

Эске салсак, буга чейин БШК 11-апрелде өткөн Токмок, Ош жана Бишкек шаардык кеңештерине шайлоонун жыйынтыгын жокко чыгарган. Буга массалык мыйзам бузуулар себеп болгон.

Кайра шайлоо 11-июлга белгиленди.

128
Белгилер:
эскертүү, эреже, Нуржан Шайлдабекова, Ош шаары
Тема:
Бишкек, Ош жана Токмок шаарларында кайрадан өтө турчу шайлоо
Тема боюнча
Бишкек шаардык кеңештин шайлоосуна 17 партия аттанды. Тизме
Жогорку Кеңештин депутатынын иштеген жери. Архив

УКМК: жасалма диплом колдонуп жүргөн Жогорку Кеңештин депутаты аныкталды

351
(жаңыланган 11:48 14.06.2021)
Депутат 1998-жылы Жусуп Баласагын атындагы Кыргыз улуттук университетинин тарых факультетинин үчүнчү курсунан чыгарылган. Ал билим алуу акысын төлөбөй койгону үчүн четтетилген.

БИШКЕК, 14-июн. — Sputnik. Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди.

  • Поддельный диплом депутата Жогорку Кенеша с инициалами З. Т. З.
    Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди
    © Фото / пресс-служба ГКНБ КР
  • Поддельный диплом депутата Жогорку Кенеша с инициалами З. Т. З.
    Маалыматка караганда, УКМК сотко чейинки өндүрүштүн алкагында жүргүзүлгөн иш-чаралардын жыйынтыгында Жогорку Кеңештин КСДП фракциясынын депутаты, мурдагы вице-спикер З.Т.З. жасалма диплом колдонуп жүргөнү аныкталган
    © Фото / пресс-служба ГКНБ КР
  • Поддельный диплом депутата Жогорку Кенеша с инициалами З. Т. З.
    Мындан ташкары, Жусуп Баласагын атындагы КУУдан УКМКга З.Т.З университеттин бүтүрүүчүлөрүнүн катарында жок экенин жана анын дипломунда көрсөтүлгөн номер башка жаранга берилгенин билдиришкен
    © Фото / пресс-служба ГКНБ КР
1 / 3
© Фото / пресс-служба ГКНБ КР
Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди

Маалыматка караганда, УКМК сотко чейинки өндүрүштүн алкагында жүргүзүлгөн иш-чаралардын жыйынтыгында Жогорку Кеңештин КСДП фракциясынын депутаты, мурдагы вице-спикер З.Т.З. жасалма диплом колдонуп жүргөнү аныкталган.

"Ал 1998-жылы Жусуп Баласагын атындагы Кыргыз улуттук университетинин тарых факультетинин үчүнчү курсунан чыгарылган. Окуудан чыгарылышынын себеби — билим алуу үчүн акыны төлөгөн эмес. ЖКнын депутаты жасалма дипломду экинчи жогорку билим алуу үчүн, активдүү саясий ишмердүүлүк мезгилде дагы колдонгон", — деп айтылат УКМКнын билдирүүсүндө.

Мындан ташкары, Жусуп Баласагын атындагы КУУдан УКМКга З.Т.З университеттин бүтүрүүчүлөрүнүн катарында жок экенин жана анын дипломунда көрсөтүлгөн номер башка жаранга берилгенин билдиришкен.

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Жогорку Кеңештин депутаты Төрөбай Зулпукаров

Белгилей кетсек, бул инициалдар ЖК депутаты, учурда УКМКнын тергөө абагында кармалып турган Төрөбай Зулпукаровго туура келүүдө. Ал Кумтөр иши боюнча Жазык кодексинин 319-беренесинин ("Коррупция") негизинде шектелип жатат.

351
Белгилер:
кылмыш иши, диплом, Жогорку Кеңеш, УКМК, Төрөбай Зулпукаров
Тема боюнча
УКМК: Динара Молдошева Кумтөр иши боюнча шектелүүдө
Пачка-пачка доллар, алтын буюмдар. Бажычынын үйүн, кабинетин тинткен видео
Бишкек шаары. Архив

Эртең Бишкектин айрым жерлеринде жарык өчөт. График

0
(жаңыланган 20:01 14.06.2021)
"Түндүк электр" ишканасынын кызматкерлери электр жабдууларын оңдоп, көмөк чордондорду тейлейт. Мындан улам шаардын айрым көчөлөрүндө жана жаңы конуштарда жарык убактылуу өчүрүлөт.

БИШКЕК, 14-июн. — Sputnik. Шейшемби, 15-июнь күнү, Бишкектин айрым жерлеринде жарык өчөт. Бул тууралуу "Түндүк электр" ишканасынан кабарлашты.

Жарык берүү үзгүлтүккө учурай турган аймактар:

  • 9:00-18:00 — Стадионный, Адыгене, Улан, Эркин-Тоо, Азия, Төрт-Көл, Жетиген көчөлөрүнүн бир бөлүгүндө, Ынтымак жана Арча-Бешик конуштарында;
  • 9:30-11:00 — Совмин дачаларында;
  • 9:30-17:00 — 10-кичи райондогу №10 үйдө, 11-кичи районунда (№ 1-5, № 63 мектеп);
  • 9:40-16:00 — Учкун (Үч-Тулга, Ауэзов, Казан-Булак жана Учкун көчөлөрү) жаңы конушунда;
  • 9:40-18:30 — Хмельницкий, Хвойный, Тульский, Широкий, Андижан, Наманган, Адыр көчөлөрүнүн бир бөлүгүндө, Коллекторный, Адыр, Цветочный, Чирчикский туюк көчөлөрү;
  • 10:00-17:00 — Көк-Жар (Босого, Арстанбап, Сайма-Таш, Көк-Жар, Тон, Ой-Терскен, Жеңижок, Шабдан баатыр, Конорчок, Куйручук көчөлөрү) жана Кара-Жыгач конуштарында;
  • 10:30-17:00 — № 1 мамлекеттик резиденцияда.
0
Белгилер:
Бишкек, жарык берүү, "Түндүк Электр" ишканасы
Тема боюнча
Жамгыр жаайбы? Бир жумага карата аба ырайы