Манас эл аралык аэропорту ААКтын төрагасы болуп дайындалган Бактыбек Сыдыков. Архив

Садыр Жапаров: "Манас" аэропортунун жаңы жетекчиси кызматынан кетмей болду

281
(жаңыланган 16:41 22.10.2020)
Сыдыков "Манас" эл аралык аэропортуна жетекчи болуп жаңы эле дайындалган. Ал ага чейин Жогорку Кеңештин алтынчы чакырылышынын депутаты эле.

БИШКЕК, 22-окт. — Sputnik. "Манас" эл аралык аэропорту" ААКтын төрагасы болуп дайындалган Бактыбек Сыдыков кетмей болду. Бул тууралуу президенттин милдетин аткаруучу жана премьер-министр Садыр Жапаров КТРК телеканалына маек берип жатып айткан.

Түз эфир учурунда журналист Жапаровго "Манас" эл аралык аэропортуна Бактыбек Сыдыков келди. Бул киши аталган кызматта мурда да иштеп кеткен. Анын атасы көпчүлүккө таанымал саясатчы Үсөн Сыдыков. Бул дайындоого сиздин катыштыгыңыз барбы?" деген суроо узаткан.

"Манас" аэропортунун жетекчисин Мамлекеттик мүлктү башкаруу фонду дайындайт. Мен койбойм. Алар бул кызматка Бакыт Сыдыковду дайындаган экен.  Сыдыков менен да сүйлөштүм. "Биз жаштарды алып келели, мурдагылар кеткиле" деп сүйлөштүм. Келиштик. Ал дагы эртең кете турган болду. Кыскасы, эл нааразы болгон талапкерлерди кызматка койгон жокпуз. Мен дайындап жаткан айрым кадрларга да нааразы болгондор чыкса керек. Бирок кээ бир жетекчилерди шашылыш алмаштырууга туура келүүдө. Айрым жерлерде элди кагылышка чейин алып келген учурлар болууда. Мындай жайларда жетекчилердин ордун которуп жатабыз", — деди Жапаров.

Бактыбек Сыдыков "Манас" эл аралык аэропортуна жетекчи болуп жаңы эле дайындалган. Ал ага чейин Жогорку Кеңештин алтынчы чакырылышынын депутаты эле. Ошондой эле белгилүү саясатчы Үсөн Сыдыковдун уулу.

Сыдыков 2005-2010-жылдары "Манас" эл аралык аэропорту" ААКтын коммерциялык иштер боюнча вице-президенти, башкаруучулугунун тѳрагасы болуп иштеген.

ЖКга жаңы депутат келди, мурдагысы "Манас" аэропортуна жетекчи болуп кетти

Бүгүн аэропорттун айрым кызматкерлери Сыдыковдун жетекчи болуп келишине нааразы болуп митинг уюштурушкан.

281
Белгилер:
кызмат, аэропорт, Садыр Жапаров, Бактыбек Сыдыков
Тема боюнча
"Кыргызфильм" киностудиясына жаңы жетекчи дайындалды
Жапаров Зулушевди Башкы прокуратура жамаатына өзү барып тааныштырды
Мамлекеттик кызматкерлер жыйын учурунда. Архив

Конституциялык кеңешменин курамы өзгөрдү. Жаңы кошулган 10 адамдын тизмеси

84
(жаңыланган 21:48 25.11.2020)
Кеңешменин курамына жаңы киргендердин арасында Жогорку Кеңештин мурдагы депутаттары, коомдук ишмер, юрист жана укук коргоочулар бар. Ал эми кеңешмедеги ЖК депутаты Канат Керезбеков үй-бүлөлүк шартына байланыштуу чыгарылган.

БИШКЕК, 25-ноя. — Sputnik. Конституциялык кеңешменин курамына өзгөртүүлөр киргизилип, дагы 10 адам кошулду. Бул тууралуу президенттин маалымат кызматы кабарлады.

Билдирмеге караганда, кеңешменин курамы мамлекет башчынын милдетин аткаруучу, Жогорку Кеңештин төрагасы Талант Мамытов кол койгон жарлыкка ылайык өзгөргөн.

"Конституциялык кеңешменин ишине активдүү катышууну каалагандардын саны көбөйгөндүгү эске алынды. Ошондой эле конституциялык реформа боюнча ишке жарандарды, коомдук уюмдарды жана көз карандысыз эксперттерди тартып, ар кандай пикирлерди толук эске алууну камсыз кылуу максатында, Конституциянын 65 жана 68-беренелери жетекчиликке алынды", — деп жазылат маалыматта.

Ага ылайык, кеңешмеден үй-бүлөлүк шартына байланыштуу ЖК депутаты Канат Керезбеков чыгарылган.

Кеңешме курамына 10 киши кошулду. Алар:

  • Чолпонбек Абыкеев — коомдук ишмер;
  • Мурат Укушев — көз карандысыз эксперт, конституционалист;
  • Алмамбет Шыкмаматов — Жогорку Кеңештин мурдагы депутаты;
  • Төлөйкан Исмаилова — "Бир дүйнө – Кыргызстан" укук коргоо уюмунун директору;
  • Мурат Карыпов — тобокелдиктерди жана кырсыктарды алдын алуу боюнча эксперт, "Плюрализм" гезитинин редактору;
  • Айдарбек Мамбеткадыров — көз карандысыз эксперт-юрист;
  • Асел Абакирова — юридика илимдеринин кандидаты, Жусуп Баласагын атындагы Кыргыз улуттук университетинин конституциялык жана административдик укук кафедрасынын доценти;
  • Кантемир Мурзабеков — Жогорку Кеңештин мурдагы депутаты;
  • Муратбек Иманкулов — Кыргыз билим берүү академиясынын билим берүү жаатында социалдык-гуманитардык көйгөйлөр лабораториясынын башчысы;
  • Таалайбек Шамурзаев — Кыргыз-орус славян университетинин Жазык процесси жана криминалистика кафедрасынын башчысы, профессор, юридика илимдеринин доктору.
84
Тема:
Жаңы Конституциянын долбоору жана референдум
Тема боюнча
Конституция жөнүндө мыйзам долбооруна лингвистикалык экспертиза жүргүзүлөт
Эмгек жана социалдык өнүктүрүү министри Ализа Солтонбекова

Ализа Солтонбекова министрлик ишине расмий киришти

122
(жаңыланган 20:09 25.11.2020)
Кызматка дайындалган аткаминер 2018-жылдын ноябрь айынан ушул күнгө чейин министрдин орун басары болуп иштеп келген.

БИШКЕК, 25-ноя. — Sputnik. Ализа Солтонбекова эмгек жана социалдык өнүктүрүү министри кызматына расмий түрдө киришти. 

Аны дайындоо жөнүндө жарлыкка президенттин милдетин аткаруучу Талант Мамытов кол койгонун мамлекет башчынын маалымат кызматы билдирди.

Султанбекованын талапкерлиги премьер-министр тарабынан сунушталып, бүгүн парламенттен колдоо тапкан.

Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген.

Белгилей кетсек, эмгек жана социалдык өнүктүрүү министри Улукбек Кочкоров 27-октябрда жумуштан бошотулгандан кийин анын ордуна жаңы эле кызматын тапшырган вице-премьер Аида Исмаилова сунушталган. Бирок анын талапкерлигин ЖК депутаттары колдобой койгон.

122
Белгилер:
Ализа Солтонбекова, жарлык, дайындоо, министр
Тема боюнча
"Алмашкыс" орун басар ордуна кайтканда. Байгончоков Финансы министрлигине барды