Манас эл аралык аэропорту ААКтын төрагасы болуп жаңы дайындалган Бактыбек Сыдыков

"Манас" аэропортунун жетекчиси: Жапаровдун уруксатын алдым, жумушту улантам

393
(жаңыланган 19:40 22.10.2020)
Бактыбек Сыдыков "Манас" эл аралык аэропортуна жетекчи болуп жаңы эле дайындалган. Ал ага чейин Жогорку Кеңештин алтынчы чакырылышынын депутаты эле. Ошондой эле белгилүү саясатчы Үсөн Сыдыковдун уулу.

БИШКЕК, 22-окт. — Sputnik. Президенттин милдетин аткаруучу жана премьер-министр Садыр Жапаров менин бул кызматта калып, андан ары иштей беришиме макулдугун берди. Бул тууралуу "Манас" эл аралык аэропорту" ААКтын төрагасы болуп жаңы дайындалган Бактыбек Сыдыков билдирди.

Аталган компаниянын маалымат кызматы кабарлагандай, Сыдыков анын кызматтан кетишин талап кылган митинг боюнча оюн билдирген.

Жаңы төраганын айтымында, 40-50 киши аэропорттун жана анын тагдырын чече албайт. Белгилей кетсек, бүгүн, 22-октябрда, аэропорттун айрым кызматкерлери Сыдыковдун жетекчи болуп келишине нааразы болуп митинг уюштурушкан.

Андан кийин премьер-министр Садыр Жапаров КТРКга маек берип жатып, Сыдыков менен сүйлөшкөнүн, ал жумуштан кете турганын айткан.

Ал эми Сыдыков митингге чыккандардын айрымдары гана аэропорттун кызматкерлери экенин билдирип, калгандары штаттык режимде иштеп жатканын айтты.

Ал бүгүн Садыр Жапаров менен жолукканын, өкмөт башчы андан ары иштөөгө уруксат бергенин белгиледи.

"Бардык ЖМКларда жана социалдык тармактарда менин бул кызматка келишим жана Бакиевдер менен байланышым боюнча жагымсыз маалыматтар тарап жатат. Андан бери 10 жыл өттү. Мен 2015-жылга чейин ишкерлик менен алектендим. Ар кандай кысымдан улам премьер бүгүн мени жумуштан кетүү боюнча арыз жазат деп айтып койсо керек. Мен ага жолугуп, кырдаалды түшүндүрдүм. Жыйынтыгында уруксатын алдым. Мындан ары ишти уланта берем", — деди Сыдыков.

Ал премьер-министрге аэропортто бир дагы коррупциялык схемага жол бербей турганын убадалаган.

Нариман Түлеев кызматтан кетип, мэрдин милдетин Алмаз Бакетаев аткара баштады

Бактыбек Сыдыков "Манас" эл аралык аэропортуна жетекчи болуп жаңы эле дайындалган. Ал ага чейин Жогорку Кеңештин алтынчы чакырылышынын депутаты болгон. Ошондой эле белгилүү саясатчы Үсөн Сыдыковдун уулу.

Сыдыков 2005-2010-жылдары "Манас" эл аралык аэропорту" ААКтын коммерциялык иштер боюнча вице-президенти, башкаруучулугунун тѳрагасы болуп иштеген.

393
Белгилер:
Митинг, кызмат, аэропорт, Бактыбек Сыдыков
Тема боюнча
Мурдагы тышкы иштер министри Айдарбеков президенттин кеңешчиси болду
Кадр кызматынын башчылыгына мурдагы вице-премьер барды
Мамлекеттик кызматкерлер жыйын учурунда. Архив

Конституциялык кеңешменин курамы өзгөрдү. Жаңы кошулган 10 адамдын тизмеси

368
(жаңыланган 23:31 25.11.2020)
Кеңешменин курамына жаңы киргендердин арасында Жогорку Кеңештин мурдагы депутаттары, коомдук ишмер, юрист жана укук коргоочулар бар. Ал эми кеңешмедеги ЖК депутаты Канат Керезбеков үй-бүлөлүк шартына байланыштуу чыгарылган.

БИШКЕК, 25-ноя. — Sputnik. Конституциялык кеңешменин курамына өзгөртүүлөр киргизилип, дагы 10 адам кошулду. Бул тууралуу президенттин маалымат кызматы кабарлады.

Билдирмеге караганда, кеңешменин курамы мамлекет башчынын милдетин аткаруучу, Жогорку Кеңештин төрагасы Талант Мамытов кол койгон жарлыкка ылайык өзгөргөн.

"Конституциялык кеңешменин ишине активдүү катышууну каалагандардын саны көбөйгөндүгү эске алынды. Ошондой эле конституциялык реформа боюнча ишке жарандарды, коомдук уюмдарды жана көз карандысыз эксперттерди тартып, ар кандай пикирлерди толук эске алууну камсыз кылуу максатында, Конституциянын 65 жана 68-беренелери жетекчиликке алынды", — деп жазылат маалыматта.

Ага ылайык, кеңешмеден үй-бүлөлүк шартына байланыштуу ЖК депутаты Канат Керезбеков чыгарылган.

Кеңешме курамына 10 киши кошулду. Алар:

  • Чолпонбек Абыкеев — коомдук ишмер;
  • Мурат Укушев — көз карандысыз эксперт, конституционалист;
  • Алмамбет Шыкмаматов — Жогорку Кеңештин мурдагы депутаты;
  • Төлөйкан Исмаилова — "Бир дүйнө – Кыргызстан" укук коргоо уюмунун директору;
  • Мурат Карыпов — тобокелдиктерди жана кырсыктарды алдын алуу боюнча эксперт, "Плюрализм" гезитинин редактору;
  • Айдарбек Мамбеткадыров — көз карандысыз эксперт-юрист;
  • Асел Абакирова — юридика илимдеринин кандидаты, Жусуп Баласагын атындагы Кыргыз улуттук университетинин конституциялык жана административдик укук кафедрасынын доценти;
  • Кантемир Мурзабеков — Жогорку Кеңештин мурдагы депутаты;
  • Муратбек Иманкулов — Кыргыз билим берүү академиясынын билим берүү жаатында социалдык-гуманитардык көйгөйлөр лабораториясынын башчысы;
  • Таалайбек Шамурзаев — Кыргыз-орус славян университетинин Жазык процесси жана криминалистика кафедрасынын башчысы, профессор, юридика илимдеринин доктору.
368
Белгилер:
юрист, тизме, жарлык, өкмөт курамы, Конституциялык кеңеш
Тема:
Жаңы Конституциянын долбоору жана референдум
Тема боюнча
Конституция жөнүндө мыйзам долбооруна лингвистикалык экспертиза жүргүзүлөт
Эмгек жана социалдык өнүктүрүү министри Ализа Солтонбекова

Ализа Солтонбекова министрлик ишине расмий киришти

189
(жаңыланган 22:21 25.11.2020)
Кызматка дайындалган аткаминер 2018-жылдын ноябрь айынан ушул күнгө чейин министрдин орун басары болуп иштеп келген.

БИШКЕК, 25-ноя. — Sputnik. Ализа Солтонбекова эмгек жана социалдык өнүктүрүү министри кызматына расмий түрдө киришти. 

Аны дайындоо жөнүндө жарлыкка президенттин милдетин аткаруучу Талант Мамытов кол койгонун мамлекет башчынын маалымат кызматы билдирди.

Султанбекованын талапкерлиги премьер-министр тарабынан сунушталып, бүгүн парламенттен колдоо тапкан.

Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген.

Белгилей кетсек, эмгек жана социалдык өнүктүрүү министри Улукбек Кочкоров 27-октябрда жумуштан бошотулгандан кийин анын ордуна жаңы эле кызматын тапшырган вице-премьер Аида Исмаилова сунушталган. Бирок анын талапкерлигин ЖК депутаттары колдобой койгон.

189
Белгилер:
Ализа Солтонбекова, жарлык, дайындоо, министр
Тема боюнча
"Алмашкыс" орун басар ордуна кайтканда. Байгончоков Финансы министрлигине барды
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты