Бишкек мэринин милдетин аткаруучу жаңы дайындалган Балбак Түлөбаев

Нариман Түлеев Бишкек мэриясын Балбак Түлөбаев жетектей турганын айтты

89
(жаңыланган 10:00 27.10.2020)
Балбак Түлөбаев Азиз Суракматов мэр болуп турган кезде Бишкек муниципалитетинин аппаратын жетектеген. Июль айында ал Ысык-Көл облусуна өкмөттүн өкүлү болуп дайындалган болчу.

БИШКЕК, 27-окт. — Sputnik. Бишкек мэринин милдетин аткаруучу болуп Балбак Түлөбаев келди. Бул тууралуу өзүнүн Facebook тармагындагы баракчасына биринчи вице-мэр Нариман Түлеев жазды.

"Достор, азыр эле Бишкек мэринин милдетин аткаруучу Балбак Түлөбаев менен сүйлөштүм. Чындап эле бул чечим азыркы абал үчүн эң туура вариант болду деп эсептейм. Ал өзүн канчалык көрсөтө алат, силердин колуңарда. Шаардыктар унчукпай кала тургандардан эмес", — деп жазды Түлеев.

Нариман Түлеев Бишкек мэринин милдетин аткаруучулукка кайтып келди

Ошондой эле ал дүйшөмбү күнү шаарга келип, отставкага кетерин кошучалады.

"Башынан эле ушундай пландалган. Биз ушуга чейин кылып келген аракеттин баары мыйзамдуу жыйынтыгын берди. Биз мэрияны коргоп кала алдык. Эми сарсанаа болбой кете берсем болот. Дүйшөмбү күнү шаарга келип, арызымды жазам", — деди биринчи вице-мэр.

Эске салсак, Балбак Түлөбаев Азиз Суракматов мэр болуп турган кезде Бишкек муниципалитетинин аппаратын жетектеген. Июль айында ал өкмөттүн  Ысык-Көл облусундагы өкүлү болуп дайындалган эле.

89
Белгилер:
Бишкек мэриясы, Балбак Түлөбаев
Тема боюнча
Жанар Акаев Бишкек мэри болот деген маалыматты өзү төгүндөдү
Кишилер Пекиндеги Кышкы Олимпиада оюндарынын логотибинен жанында

АКШ бийлиги Кытайда өтө турган Олимпиада оюндарына бойкот жарыялады

4
(жаңыланган 11:45 07.12.2021)
Жо Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөй турган болду.

БИШКЕК, 7-дек. — Sputnik. АКШ бийлиги 2022-жылы Кытайда өтө турган кышкы Олимпиада оюндарына бойкот жарыялагандыктан, иш-чарага Американын бийлик өкүлдөрү катышпайт. Бул тууралуу Ак үйдүн маалымат катчысы Жен Псаки брифинг учурунда билдирди.

"Кытайдагы адам укугунун бузулушу жана Синьцзяндагы геноцидди эске алуу менен Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөйт", — деди ал брифингде.

Ошол эле учурда бул бойкоттун АКШлык спортчуларга тиешеси жок экени айтылды.

"Ал эми Олимпиада оюндарына катышкан спортчуларыбызды 100 пайыз колдойбуз", — деди Псаки.

Эске салсак, Синьцзяндагы окуяларга байланыштуу АКШ, Улуу Британия жана Европа биримдиги Кытайга каршы санкция жарыялашкан. Алар Кытай бийлиги уйгурлар жана алар сыяктуу башка этникалык азчылыктардын укугун бузуп, эркине каршы эмгегин пайдаланып жатат деп айыптоодо. Пекин бул айыптоолордо айтылгандардын бардыгын төгүндөп келет. Кытай бийлиги Синьцзянга байланыштуу окуялар адам укугуна эмес, террорчулук жана сепаратизмге тиешелүү экенин билдирет.

4
Белгилер:
АКШ, Кытай, олимпиада, адам укугу, спорт, саясат, бойкот
Тема боюнча
Сүйүнүчтүү кабар! Лыжачы Максим Гордеев кышкы Олимпиадага катышууга лицензия алды
Кеңешбеков: кыргызстандыктар марафондук жарышта Олимпиадада медаль ала алат
Депутат Асылбек Жээнбеков. Архив

Абакта отурган Жээнбеков менен Зулпукаровдун кандай байлыгы бар

26
(жаңыланган 11:21 07.12.2021)
Жээнбековдун турак жайынын аянты 1,5 миң чарчы метр, ал эми Зулпукаров 5 миллион сомдук автоунаага ээлик кылат.

БИШКЕК, 7-дек. — Sputnik. Мамлекеттик салык кызматы Жогорку Кеңештин депутаттарынын киреше-чыгашасы тууралуу тапшырган былтыркы декларациясын жарыялады. Анын ичинде Асылбек Жээнбеков менен Төрөбай Зулпукаров дагы бар.

Аталган эл өкүлдөрү үстүбүздөгү жылдын июнь айында "Кумтөр" долбоорун ишке ашырууда коррупцияга барган деген шек менен кармалып, учурда УКМКнын тергөө абагында.

Асылбек Жээнбеков

Экс-президенттин бир тууган иниси жана ЖКнын мурдагы төрагасы өткөн жылы 2 миллион 119,7 миң сом иштеп тапкан.

Ал төмөнкүдөй мал-мүлккө ээлик кылат:

  • Аянты 1,5 миң чарчы метрлик турак жай;
  • Аянты 3,5 чарчы метрди түзгөн толук бүтө элек курулуш объектиси;
  • Аянты 9,7 миң чарчы метрлик жогоруда белгиленгенден башка конструкция;
  • Ишенимдүү башкарууга өткөрүп берилген төрт чарба субъектиси: "Алтын-Көл" акционердик коому, Айдарова Г.К. жеке ишкердиги, "Бий-Мырза" деп аталган эки ЖЧК;
  • Жылкылары 1,25 миллион сомго бааланат;
  • Бодо малы — 1,1 миллион сом;
  • Майда жандыктары (кой, эчки) — 750 миң сом;
  • Акциясы — 210 миң сом;
  • Эмерек — 410 миң сом;
  • Тиричилик техникасы — 135 миң сом;
  • Сүрөт, аудио жана видеотехника — 170 миң сом;
  • Жогоруда белгиленгенден башка кыймылдуу мүлкү — 295 миң сом.

Асылбек Жээнбековдун жакын туугандары 2020-жылы 550 миң сом иштеп тапкан. Турак жай, айыл чарба багытындагы эмес жер тилке, башка конструкциялары бар экени жазылган, бирок аянты "0" деп турат. Ошондой эле аларга таандык Toyota Land Cruiser унаасы, 480 миң сомдук баалуу металлдар, 180 миң сомдук эмерек, 110 миң сомдук фото, аудио-видеотехника жана башка кыймылдуу мүлкү 120 миң сомго бааланган.

Төрөбай Зулпукаров

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Депутат Торобай Зулпукаров

Жогорку Кеңештин V чакырылышынын вице-спикери, учурдагы депутат былтыр 1,5 миллион сомдон ашыгыраак киреше чогулткан. Анын турак жайынын аянты 489,6 чарчы метрди түзөт. Үй алдындагы бакчасы жарым гектар, автоунаасы 5 миллион сом. Ал эми жакын туугандарынын автоунаасы 3,1 миллион сомго бааланат.

Кумтөр алтын кенин ишке киргизүүдө коррупцияга барган деген айып тагылып, бир нече учурдагы жана мурдагы чиновник, депутаттар кармалган. Кээ бирлери тергөө менен кызматташууга макул болгону үчүн сот тарабынан жүз миңдеген айып пул салынып абактан бошотулган. Ал эми экс-премьер-министрлер Жоомарт Оторбаев жана Темир Сариевдин баш коргоо чарасы сыртка чыкпоо шарты менен өзгөртүлдү. Жакында эле Жээнбеков менен Зулпукаровдун жана башка саясатчылардын абактагы мөөнөтү 30-январга чейин узартылды.

26
Белгилер:
Төрөбай Зулпукаров, Асылбек Жээнбеков, декларация, байлык, мүлк
Тема боюнча
Мал кармайт, үйү да, автоунаасы да жок. Талант Мамытовдун декларациясы
Жер тилкеси 20дан ашып... Жээнбеков президент болгондон кийин канчалык байыган
Акылбек Жапаров үй-бүлөсү менен батирде жашап, 7 унаа айдайт. Декларация