Президенттин милдетин аткаруучу Садыр Жапаров

Садыр Жапаров кымбат кийимдерди ага ким сатып бергенин айтты

423
(жаңыланган 11:52 04.11.2020)
Буга чейин социалдык тармактарда президенттин милдетин аткаруучунун кийген кийими бир канча доллар турары айтылып, көп талкууга жем таштаган.

БИШКЕК, 4-ноя. — Sputnik. Президенттин милдетин аткаруучу Садыр Жапаров Region телеканалына маек берип жатып, өзү кийген кымбат баадагы кийимдер тууралуу суроолорго жооп берди.

Жапаровдун кийген кийими социалдык тармактарда айтылгандай чынында эле өтө кымбат турарын, аны президенттин милдетин аткаруучу кантип кийип калганын журналист сураган.

"Мен өзү кийим тандабайм. Эң башкысы, мага чак келсе болду. Кийимди жубайым сатып келет. Сүрөтүмдү коюп, аткарылган иштер тууралуу социалдык тармактан маалымат тараткам. Көрсө, анда кийген кийимим кызуу талкууга алыныптыр. Кийимдерди досторум, туугандарым белекке беришти. Баасын сурабайм, канча турарын азыр да билбейм. Мен ал белектерден баш тарта албадым. Маселен, досум Камчы (ред. — Камчыбек Ташиев) мага сырт кийим белек кылды, баасын сураган жокмун. Эртең кийип чыксам, аны да сындашы мүмкүн. Москва, Санкт-Петербург жана Казань шаарларындагы мекендештер каражат чогултушуп, мага кийим-кечек берип жиберишкен. Бир туугандарым жана досторум ар кыл кийимдерди кийгизишти. Мен элдей эле кийинем", — деген Жапаров.

Эске сала кетсек, буга чейин социалдык тармактарда президенттин милдетин аткаруучунун кийген сырт кийими бир канча доллар турары айтылып, көп талкууга жем таштаган.

423
Белгилер:
кымбат, баа, кийим, Садыр Жапаров
Тема боюнча
Өкмөт Садыр Жапаровдун унаасындагы жасалма делген номерге комментарий берди
Өнөр жай, энергентика жана жер казынасын пайдалануу мамлекеттик комитетинин төрагасынын орун басары болуп дайындалган Вероника Исаева. Архив

Вероника Исаева Өнөр жай мамлекеттик комитетинин төрага орун басары болду

65
(жаңыланган 09:31 27.11.2020)
Тиешелүү буйрукка премьер-министрдин милдетин аткаруучу Артем Новиков кол койгон. Жаңы жетекчинин өнөр жай тармагында 15 жылдык тажрыйбасы бар.

БИШКЕК, 27-ноя. — Sputnik. Вероника Исаева Өнөр жай, энергетика жана жер казынасын пайдалануу мамлекеттик комитетинин төрагасынын орун басары болуп дайындалды. Бул тууралуу мекеменин маалымат кызматы кабарлады.

Тиешелүү буйрукка премьер-министрдин милдетин аткаруучу Артем Новиков кол койгон. Кечээ аны комитеттин төрагасы Жыргалбек Сагынбаев эмгек жамаатка тааныштырган.

Вероника Исаева акыркы үч жылда жеке бизнесте өнөр жай долбоорлорун ишке ашырып келген. Жалпысынан бул тармакта 15 жылдык тажрыйбасы бар.

65
Белгилер:
дайындоо, кызмат, Кыргызстан
Тема боюнча
Ализа Солтонбекова министрлик ишине расмий киришти

Артем Новиков депутаттарга кыргыз тилинде сүйлөп кайрылды. Видео

430
Премьер-министрдин милдетин аткаруучу Артем Новиков депутаттардын алдында кыргыз тилинде билдирүү жасады.

Ал кечээ парламентке эмгек жана социалдык өнүктүрүү министри кызматына Ализа Солтонбекованын талапкерлигин тааныштырган. Новиков аны бул кызматка Садыр Жапаров премьер-министр болуп турган учурда сунуштаганын кыргыз тилинде айтты. Ошондой эле тийиштүү эки комитеттен жактырылганын белгилеген. Андан соң Солтонбекованын таржымалын орус тилинде баяндоого өттү.

Эске салсак, Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген. Кечээ парламентте министрлик кызматка талапкерлиги каралып, колдоо тапкан.

430
Белгилер:
Ализа Солтонбекова, кыргыз тили, Артем Новиков
Тема боюнча
Новиков Кыргызстан чет жактан канча карыз алып, кайда жумшаганын айтты
Парламент 2021-жылдын Республикалык бюджетин биринчи окуудан колдоду
Өкмөт 2021-жылы салык менен бажыдан канча акча чогултат? Долбоор
Абак. Архив

Велосипедчен адамдын өлүмү. Таластын экс-башчысынын кеңешчиси үч жылга кесилди

0
(жаңыланган 12:24 27.11.2020)
Быйыл июлдун этегинде Талас облусунун башчысынын кеңешчиси делген Марслатбек Шералиев автоунаасы менен велосипедчен адамды коюп кетип, ал каза болуп калган.

БИШКЕК, 27-ноя. — Sputnik. Талас облусунун мурдагы жетекчиси Марат Мураталиевдин кеңешчиси делген Марслатбек Шералиев велосипедчен баланы сүзүп өлтүрүп алганы үчүн үч жылга кесилди. Бул тууралуу Жогорку соттун маалымат кызматы кабарлады.

Талас райондук сотунун өкүмү 23-ноябрда чыккан. Анда Шералиев Жазык кодексинин 297-беренесинде жана 135-беренесинин 1-бөлүгүндө көрсөтүлгөн кылмыштарды жасоодо күнөөлүү деп табылган. Натыйжада эки жылдык мөөнөткө айдоочулук укугунан ажыратуу менен 2 жыл 6 айга эркиндигинен ажыратылган.

"Жазык кодексинин 78-беренесине ылайык, белгиленген жазаларды жарым-жартылай кошуу жолу аркылуу биротоло эки жылдык мөөнөткө айдоочулук укугунан ажыратуу менен 3 жылдык мөөнөткө эркиндигинен ажыратуу түрүндөгү жаза дайындалды", — деп айтылат маалыматта.

Эске сала кетсек, быйыл 30-июлда Талас облусунун башчысынын кеңешчиси делген Марслатбек Шералиев автоунаасы менен велосипедчен адамды коюп кетип, ал каза болуп калган.

Милициянын билдиришинче, Toyota 4Runner айдаган 53 жаштагы Шералиев жолдун четинде велосипед менен келе жаткан 23 жаштагы А.А. аттуу жигитти коюп кетип, андан ары токтоп турган Mercedes үлгүсүндөгү жүк ташуучу автоунааны сүзгөн. Экспертизанын жыйынтыгы унаанын айдоочусу мас экенин аныктаган.

Өкмөттүн Талас облусундагы ошол кездеги өкүлү Марат Мураталиев ал айдоочу расмий түрдө өкүлчүлүктүн штаттык кызматында иштебегенин айтып, бирок кээде кеп-кеңешин берип турганын билдирген. Ошондой эле ал "афганчы" жана Улуттук коопсуздук кызматынын (азыркы УКМК) запастагы полковниги экенин кошумчалаган.

0
Белгилер:
өкүм, сот, кырсык, кеңешчи, Талас облусу
Тема боюнча
Талас башчысынын "кеңешчиси" сүзгөн велосипедчи көз жумду. Мураталиев үн катты