Премьер-министр жана президенттин милдетин аткаруучу Садыр Жапаров

Садыр Жапаров: 14-ноябрга чейин президенттик ыйгарым укуктарымды өткөрүп берем

279
(жаңыланган 20:11 04.11.2020)
Конституцияда президенттин милдетин аткарып жаткан адам шайлоого бара албайт деп жазылган. Андыктан ал ага чейин ыйгарым укуктарын өткөрүп бериши шарт.

БИШКЕК, 4-ноя. — Sputnik. Президенттик ыйгарым укуктарымды 14-ноябрга чейин өткөрүп берем. Бул тууралуу премьер-министр жана президенттин милдетин аткаруучу Садыр Жапаров "Регион" телеканалына маек берип жатып билдирди.

Журналист Жапаровго "президенттик шайлоого катышасызбы, катышсаңыз кандай жол менен барасыз?" деген суроо узаткан.

"Азыркы Баш мыйзамда президенттин милдетин аткаруучу шайлоого катыша албайт деп жазылган. Бирок мен президенттин милдеттерин ага чейин өткөрүп берип, катыша берсем болот. Буюрса, 14-ноябрга чейин ыйгарым укуктарымды тапшырып, президенттик шайлоого катышам", — деди өкмөт башчы.

Буга чейин ал Кочкорго болгон иш-сапарында ыйгарым укуктарын декабрь айында гана өткөрүп бере турганын билдирген.

Садыр Жапаров президенттик милдетин качан тапшырышы керек? Юристтердин пикири

Конституция боюнча президенттин милдетин аткарып жаткан адам шайлоого бара албайт. Андыктан ал ага чейин ыйгарым укуктарын өткөрүп бериши шарт.

279
Белгилер:
жооп, маек, милдет, президенттик шайлоо, Садыр Жапаров
Тема:
Кыргызстандагы президенттик шайлоо – 2021 (42)
Тема боюнча
Садыр Жапаров президенттик милдетин качан тапшырышы керек? Юристтердин пикири
Жапаров: президенттик шайлоодо эң биринчи админресурс менен күрөшөм
Өнөр жай, энергентика жана жер казынасын пайдалануу мамлекеттик комитетинин төрагасынын орун басары болуп дайындалган Вероника Исаева. Архив

Вероника Исаева Өнөр жай мамлекеттик комитетинин төрага орун басары болду

57
(жаңыланган 09:31 27.11.2020)
Тиешелүү буйрукка премьер-министрдин милдетин аткаруучу Артем Новиков кол койгон. Жаңы жетекчинин өнөр жай тармагында 15 жылдык тажрыйбасы бар.

БИШКЕК, 27-ноя. — Sputnik. Вероника Исаева Өнөр жай, энергетика жана жер казынасын пайдалануу мамлекеттик комитетинин төрагасынын орун басары болуп дайындалды. Бул тууралуу мекеменин маалымат кызматы кабарлады.

Тиешелүү буйрукка премьер-министрдин милдетин аткаруучу Артем Новиков кол койгон. Кечээ аны комитеттин төрагасы Жыргалбек Сагынбаев эмгек жамаатка тааныштырган.

Вероника Исаева акыркы үч жылда жеке бизнесте өнөр жай долбоорлорун ишке ашырып келген. Жалпысынан бул тармакта 15 жылдык тажрыйбасы бар.

57
Белгилер:
дайындоо, кызмат, Кыргызстан
Тема боюнча
Ализа Солтонбекова министрлик ишине расмий киришти

Артем Новиков депутаттарга кыргыз тилинде сүйлөп кайрылды. Видео

410
Премьер-министрдин милдетин аткаруучу Артем Новиков депутаттардын алдында кыргыз тилинде билдирүү жасады.

Ал кечээ парламентке эмгек жана социалдык өнүктүрүү министри кызматына Ализа Солтонбекованын талапкерлигин тааныштырган. Новиков аны бул кызматка Садыр Жапаров премьер-министр болуп турган учурда сунуштаганын кыргыз тилинде айтты. Ошондой эле тийиштүү эки комитеттен жактырылганын белгилеген. Андан соң Солтонбекованын таржымалын орус тилинде баяндоого өттү.

Эске салсак, Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген. Кечээ парламентте министрлик кызматка талапкерлиги каралып, колдоо тапкан.

410
Белгилер:
Ализа Солтонбекова, кыргыз тили, Артем Новиков
Тема боюнча
Новиков Кыргызстан чет жактан канча карыз алып, кайда жумшаганын айтты
Парламент 2021-жылдын Республикалык бюджетин биринчи окуудан колдоду
Өкмөт 2021-жылы салык менен бажыдан канча акча чогултат? Долбоор
Ош шаары. Архив

Эртең менен Ошто жер титиреди

33
Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

БИШКЕК, 27-ноя. — Sputnik. Бүгүн эртең менен Ош облусунда очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлиги КРдин Сейсмология институтуна таянуу менен билдирди.

Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

Жер титирөөдөн жабыркагандар жана кыйроолор катталган жок.

33
Белгилер:
ӨКМ, жер титирөө, Ош облусу, Кыргызстан
Тема боюнча
Кыргызстанда катуу жер титиреди