Соттолгон киши. Архивдик сүрөт

Садыр Жапаров соттолгондордун арасынан кимдерге ырайым берилерин айтты

616
(жаңыланган 15:58 12.11.2020)
Президенттин милдетин аткаруучунун айтымында, учурда ырайым сурап арыз менен кайрылгандардын документтерин Мамлекеттик жаза аткаруу кызматы жана башка тиешелүү органдар карап жатат.

БИШКЕК, 12-ноя. — Sputnik. Президенттин милдетин аткаруучу Садыр Жапаров абакта жеңил кылмыш кылып же адилетсиз жаткан адамдарга жакында ырайым берерин жана ал топко кимдер кирерин санап берди.

Эске салсак, бүгүн Жапаровдун маалымат жыйыны өттү. Журналисттер ага "сиз президенттин милдетин аткаруучу катары соттолгон жарандарга ырайым берүүгө укугуңуз жок экени айтылууда" деген суроо беришти.

"Президенттин милдетин аткаруучу катары ырайым берүүгө, албетте, укугум бар. Бул процедураны ишке ашырууда бардык документтери даяр жарандар эркиндикке чыгат. Учурда берилген арыздардын үстүндө Мамлекеттик жаза аткаруу кызматы жана башка тиешелүү органдар иштеп жатат", — деди Жапаров.

Жапаров Райым Матраимов кармалганда эмнени өтүнгөнүн айтып берди

Ошондой эле ал кимдер ырайым аларын жана кимдер албасын санап берди.

"Уюшкан кылмыштуу топтун мүчөлөрү, киши өлтүргөндөр жана бир нече ирет кайталап кылмыш кылгандар, албетте, жазасын өтөшү керек. Бирок майда кылмыш кылып же адилетсиз отурган жарандарыбыз бар. Ошондой эле балалуу аялдар отурат", — деди Жапаров.

Анын айтымында, бул нерсе бир четинен абакта отургандар үчүн кетип жаткан мамлекеттин акчасын үнөмдөөгө, экинчи жагынан ажырап калган үй-бүлөлөрдү бириктирүүгө жардам берет.

616
Белгилер:
сот, Садыр Жапаров
Тема боюнча
Премьер-министр эжесине козголгон кылмыш иши боюнча оюн билдирди
Сот Атамбаевдин баш коргоо чарасын караган жок. Себеби
Социалдык фонддун жетекчиси Медер Ирсалиев. Архив

Соцфонддун төрагасы Медер Ирсалиев эки айга тергөө абагына камалды

10
(жаңыланган 13:51 24.11.2020)
Ирсалиев кол алдындагы кызматкерлерден мыйзамсыз акча талап кылган деп шектелип, 19-ноябрда кармалган.

БИШКЕК, 24-ноя. — Sputnik. Биринчи май райондук соту Социалдык фонддун жетекчиси Медер Ирсалиевдин баш коргоо чарасын тандады.

Маалыматка ылайык, Ирсалиев УКМКнын тергөө абагына 17-январга чейин камалды. Соттун мындай чечими 20-ноябрда кабыл алынган.

Белгилей кетсек, Соцфонддун төрагасын УКМКнын Коррупцияга каршы кызматы 19-ноябрда кармаган. Ирсалиев кол алдындагылардан мыйзамсыз акча талап кылган деп шектелүүдө. Анын алдында ушундай эле айыптоо менен Социалдык фонддун аппарат жетекчиси Акылбек Байдылдаев да кармалган.

10
Белгилер:
тергөө, камоо, Медер Ирсалиев, Социалдык фонд
Тема боюнча
УКМК: ИИМдин кызматкери пара алып жаткан жеринен кармалды
Жаңы дайындалган Октябрь районунун акими коррупцияга шектелип кармалды
Мурдагы президенттин милдетин аткаруучу Садыр Жапаров. Архивдик сүрөт

Жапаров референдумга Конституция эмес, башка маселени алып чыгууну сунуштады

650
(жаңыланган 10:38 24.11.2020)
Жапаров Жогорку Кеңештин депутаттарын шайлоо дагы кандай система менен өтүшү керектигин элдин тандоосуна коюу тууралуу пикирин айтты.

БИШКЕК, 24-ноя. — Sputnik. Мурдагы президенттин милдетин аткаруучу Садыр Жапаров жаңы Конституцияны кабыл алуу кийинкиге жылдырылганын айтып, алгач эл кандай башкарууну каалап жатканын билип алууну сунуштады.

Анын айтымында, мындай суроо менен президенттик шайлоодо референдум өткөрүлүшү керек.

"Былтыр депутат Курманкул Зулушев "Парламенттик же президенттик башкарууну каалайсыңбы?" деп референдум өткөрүүнү Жогорку Кеңештин кароосуна киргизген. Мен ошол суроону президенттик шайлоого кошуп референдумга койсо деп суранып кетет элем. Көчөгө чыгып эки тарап болуп кыйкырышып жатышат, жалпы элдин пикирин угалы. Андан кийин ошого карап бүгүн талкууланып жаткан Конституцияны кабыл алалы", — деди Жапаров.

Ошондой эле ал экинчи графа менен "ЖК депутаттарын шайлоо бир мандаттуу жана партиялык тизме мененби же мурдагыдай эле партиялык тизме боюнча болсунбу?" деген суроону да элдин тандоосуна коюуну сунуштады. Аралаш шайлоодо 35и бир мандаттуу, 55и партиялык тизме менен парламентке келет.

650
Белгилер:
башкаруу, тандоо, эл, шайлоо, референдум, Садыр Жапаров
Тема:
Жаңы Конституциянын долбоору жана референдум
Тема боюнча
Конституциялык кеңешмеде Кыргызстандын аталышын өзгөртүү сунушталды
Курултайды элдин 51 пайызы колдойт. Конституциялык кеңешме эмнени талкуулады
Бишкекте Конституциянын жаңы долбооруна каршы тынчтык митинги өтүүдө
Ала-Тоо аянтына асмандан көрүнүш. Архивдик сүрөт

Бишкекке абанын сапатын текшерген датчиктер орнотулат

0
(жаңыланган 14:31 24.11.2020)
Датчиктерди орнотуу бекер болгондуктан шаардык бюджеттен каражат кетпейт. Долбоор шаардыктар үчүн да жеткиликтүү.

БИШКЕК, 24-ноя. – Sputnik. Бишкекке абанын сапатын текшерген датчиктер орнотулат. Бул тууралуу мэриядан кабарлашты.

Муниципалитет жарандар кандай аба менен дем алып жатканын билүү үчүн "Таза аба" долбоорун "Экологиялык чечимдер институту" менен биргеликте ишке киргизди.

Мэриядан билдиришкендей, бүгүнкү күндө абанын булганышы былтыркы мезгилге салыштырмалуу 35-50 пайызга жогорулаган. Долбоордун алкагында 39 шайман сатып алынды. Бардык маалыматтар экологиялык ачык базага топтолуп, жарандар үчүн жеткиликтүү болот.

Датчиктерди орнотуу бекер болгондуктан шаардык бюджеттен каражат кетпейт.

"Картада жашыл менен белгиленген аймакта жашаган жарандар дагы үйүнө датчикти орното алышат", — дешти мэриядан.

Картаны шилтемеден көчүрүп алууга болот.

Датчиктин иши үчүн Wi-Fi жеткиликтүү болушу шарт. Шайман алууну каалагандар (0505)03-77-00 WhatsApp номерине же info@ecology.kg почтасына кат жазса болот.

Мэрия датчиктерди жамгыр менен күн нурун тоскон, тамеки жана ашканадан алыс жерге коюу керектигин эскертти.

Эң жакшы жер – бул короонун алды, ачык балкон жана башкалар. Жабдык айына 10 сомдук электр энергиясын жана 50 мегабайт интернет керектейт. Бул чыгымдарды долбоор төлөп бербейт.

0
Белгилер:
аба, датчик, Бишкек мэриясы
Тема боюнча
Төлөгөнов: авиадиспетчерлердин иши оор, үч күн иштеп, үч күн эс алат