Президенттикке талапкер Садыр Жапаров. Архив

Садыр Жапаров эмнеге биринчи арызын чакыртып алып, БШКга кайра барганы айтылды

801
(жаңыланган 14:46 15.11.2020)
Жапаров документтерин алгач 14-ноябрда эртең мененки саат 10:00дө тапшырган. Бирок ал президенттик ыйгарым укуктарын тапшырбаганы жана премьерлик укуктарын токтото электиги аныкталган.

БИШКЕК, 15-ноя. — Sputnik. Садыр Жапаровдун ыйгарым укуктуу өкүлү Александр Мощин ал БШКга биринчи берген арызын артка чакыртып алып, кайра башынан тапшырышы боюнча түшүндүрмө берди.

Анын айтымында, Жапаровдун президенттикке талапкерлигин көрсөтүү боюнча 14-ноябрда эртең менен берген документ толук болбой калган.

"Садыр Жапаров президенттин милдетин аткарууну өткөрүп берүү жана премьер-министр кызматынын ыйгарым укуктарын токтотууга байланышкан иштер менен алек болгонуна байланыштуу түштөн кийин ишенимдүү өкүлү кошумча документтерди жеткирген. Мыйзам боюнча, ишенимдүү өкүл талапкер ооруп калганда же тергөө абагында болсо, анын ордуна документин алып барат. Ошондуктан келтирилген мүчүлүштүктөрдү жоюу үчүн арызы кайтарып алынды", — деп билдирди Мощин.

Мындан улам бардык документтерди толуктап Жапаров кечинде БШКга өзү барып кайрадан тапшырганы белгиледи.

Белгилей кетсек, Жапаров документтерин алгач 14-ноябрда эртең мененки саат 10:00дө тапшырган. Бирок кийинчерээк ал президенттик ыйгарым укуктарын тапшырбаганы жана премьерлик укуктарын токтото электиги аныкталган.

Маалымат катчы Галина Байтерек Жапаров ыйгарым укуктарын тапшыргандан кийин кыргызстандыктарга кайрылуу жасай турганын кабарлаган. Жапаровдун элге кайрылуусу саат 21:00дө жарыяланган.

Кийинчерээк Жапаров БШКга шайлоого катышуу боюнча арызын чакыртып алып, кайра тапшырганы маалым болду. Учурда ал эң акыркы, 63-тизмеде турат.

801
Белгилер:
тапшыруу, документ, БШК, Садыр Жапаров
Тема:
Кыргызстандагы президенттик шайлоо – 2021 (55)
Тема боюнча
Президенттик шайлоо. Саясий кампания кандай жүргүзүлөрүн календарь менен баяндайбыз
Конституциялык реформалар даярдалып жатат! Жапаровдун элге видеокайрылуусу
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

58
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

58
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021 (55)
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме
Тышкы иштер министри Руслан Казакбаев менен АКШнын элчиси Дональд Лунун видеоконференциясы

Министр Казакбаев АКШ элчиси менен сүйлөштү. Ортодо эмне кеп болду

33
(жаңыланган 23:43 03.12.2020)
Кыргызстандын тышкы иштер министри АКШ элчиси менен сүйлөштү. ТИМдин маалымат кызматы дипломаттар эмнелерди талкуулаганын айтып берди.

БИШКЕК, 3-дек. — Sputnik. Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи. Бул тууралуу министрликтин маалымат кызматы кабарлады.

  • Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи
    Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи
    © Фото / пресс-служба МИД КР
  • Жолугушуу видео байланыш аркылуу өттү
    Жолугушуу видео байланыш аркылуу өттү
    © Фото / пресс-служба МИД КР
1 / 2
© Фото / пресс-служба МИД КР
Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи

Жолугушуу видеобайланыш аркылуу өттү.

Дипломаттар өз ара пикир алышып, экономикалык кызматташтык, эки тараптуу соода жүгүртүүнүн көлөмүн жогорулатуу маселелерин талкуулашты.

"Жолугушуунун жүрүшүндө тараптар коррупцияга каршы аракеттенүү, ошондой эле кылмыштуулук менен күрөшүү жаатында кызматташуу маселелерине токтолду. Өлкөдө саясий системанын инклюзивдүүлүгүн андан ары өнүктүрүүгө, демократиялык институттарды жана мыйзамдуулукту чыңдоого багытталган радикалдуу реформаларды жүргүзүү боюнча биргелешип аракеттенүү зарылдыгы тууралуу макулдашылды", — деп айтылат билдирмеде.

АКШ элчилиги Кыргызстандагы окуялар боюнча байма-бай комментарий берип турат. Жакында дипломатиялык өкүлчүлүк АКШ президенттикке талапкерлердин конституциялык реформа боюнча референдумду жазга же андан кийинкиге жылдыруу сунушун колдой тургандыгы жөнүндө билдирүү тараткан. Ошол эле учурда АКШ конституциялык реформа кандайча жүрүшү керектигин көрсөткөн.

33
Белгилер:
АКШнын Кыргызстандагы элчилиги, Дональд Лу, видеоконференция, жолугушуу, элчи, Руслан Казакбаев, ТИМ, АКШ, Кыргызстан
Тема боюнча
Министр Казакбаев КРдеги кытайлык ишкерлер менен жолукту. Эмне талкууланды