Коопсуздук кеңешинин катчысы Рыскелди Мусаев катышкан ЖККУнун Коопсуздук кеңешинин катчыларынын комитет жыйынында

Кооптуулуктун таасири талкууланды. Мусаев ЖККУ жыйынына катышты

67
(жаңыланган 22:16 17.11.2020)
ЖККУнун Коопсуздук кеңешинин катчыларынын комитети тарабынан бир нече чечимдин долбоорлору каралып жактырылган.

БИШКЕК, 17-ноя. — Sputnik. Коопсуздук кеңешинин катчысы Рыскелди Мусаев катышкан ЖККУнун Коопсуздук кеңешинин катчыларынын комитет жыйынында аталган уюмга мүчө-мамлекеттердин коопсуздугуна учурдагы коркунучтардын тийгизген таасири  талкууланды. Бул туурасында президенттин маалымат кызматынан кабарлашты.

  • Коопсуздук кеңешинин катчысы Рыскелди Мусаев катышкан ЖККУнун Коопсуздук кеңешинин катчыларынын комитет жыйынында аталган уюмга мүчө-мамлекеттердин коопсуздугуна учурдагы коркунучтардын тийгизген таасири  талкууланды
    Коопсуздук кеңешинин катчысы Рыскелди Мусаев катышкан ЖККУнун Коопсуздук кеңешинин катчыларынын комитет жыйынында аталган уюмга мүчө-мамлекеттердин коопсуздугуна учурдагы коркунучтардын тийгизген таасири  талкууланды
    © Пресс-служба президента КР / Султан Досалиев tuv
  • Мусаев согуш аракеттери токтобой, курч кризистик кырдаал жаралган жерлердеги террорчулуктун, радикализмдин башка жактарга жайылуусу ЖККУ жоопкерчилигин алган аймакта коопсуздук үчүн олуттуу көйгөйлөр болорун белгилеген
    Мусаев согуш аракеттери токтобой, курч кризистик кырдаал жаралган жерлердеги террорчулуктун, радикализмдин башка жактарга жайылуусу ЖККУ жоопкерчилигин алган аймакта коопсуздук үчүн олуттуу көйгөйлөр болорун белгилеген
    © Пресс-служба президента КР / Султан Досалиев tuv
1 / 2
© Пресс-служба президента КР / Султан Досалиев tuv
Коопсуздук кеңешинин катчысы Рыскелди Мусаев катышкан ЖККУнун Коопсуздук кеңешинин катчыларынын комитет жыйынында аталган уюмга мүчө-мамлекеттердин коопсуздугуна учурдагы коркунучтардын тийгизген таасири  талкууланды

Мусаев согуш аракеттери токтобой, курч кризистик кырдаал жаралган жерлердеги террорчулуктун, радикализмдин башка жактарга жайылуусу ЖККУ жоопкерчилигин алган аймакта коопсуздук үчүн олуттуу көйгөйлөр болорун белгилеген.

Жамааттык коопсуздуктун алкагында баңгизаттарды мыйзамсыз жүгүртүүгө каршы күрөшүүдө өз ара кызматташууну күчөтүү, аскердик, аскердик-техникалык кызматташууну кеңейтүү боюнча чаралар иштелип чыккан. Эл аралык террорчулукка, террордук жана аны менен байланышкан экстремисттик идеологиянын жайылышына каршы аракеттерди координациялоо боюнча да маселелер көз жаздымда калган эмес.

ЖККУнун Коопсуздук кеңешинин катчыларынын комитети тарабынан бир нече чечимдин долбоорлору каралып жактырылган.

Алар — аскер жана аскердик-техникалык кызматташуу, ЖККУнун тынчтык орнотуу күчтөрүн, Ыкчам жооп кайтаруунун жамааттык күчтөрүн (ЫЖЖК) жабдуу, ЖККУнун баңгизаттарга каршы стратегиясы жана мамлекеттик бийлик органдары үчүн кадрларды даярдоо.

Эске салсак, быйыл ЖККУга Россия төрагалык кылууда.

67
Белгилер:
Кыргызстан, Рыскелди Мусаев, ЖККУ, Коопсуздук кеңеши
Тема боюнча
Путин Кыргызстандын ички иштерине сырттан кийлигишүүлөргө каршы экенин билдирди
Руслан Казакбаев Москвада ЖККУнун башкы катчысы менен жолукту
Депутат Асылбек Жээнбеков. Архив

Абакта отурган Жээнбеков менен Зулпукаровдун кандай байлыгы бар

21
(жаңыланган 11:21 07.12.2021)
Жээнбековдун турак жайынын аянты 1,5 миң чарчы метр, ал эми Зулпукаров 5 миллион сомдук автоунаага ээлик кылат.

БИШКЕК, 7-дек. — Sputnik. Мамлекеттик салык кызматы Жогорку Кеңештин депутаттарынын киреше-чыгашасы тууралуу тапшырган былтыркы декларациясын жарыялады. Анын ичинде Асылбек Жээнбеков менен Төрөбай Зулпукаров дагы бар.

Аталган эл өкүлдөрү үстүбүздөгү жылдын июнь айында "Кумтөр" долбоорун ишке ашырууда коррупцияга барган деген шек менен кармалып, учурда УКМКнын тергөө абагында.

Асылбек Жээнбеков

Экс-президенттин бир тууган иниси жана ЖКнын мурдагы төрагасы өткөн жылы 2 миллион 119,7 миң сом иштеп тапкан.

Ал төмөнкүдөй мал-мүлккө ээлик кылат:

  • Аянты 1,5 миң чарчы метрлик турак жай;
  • Аянты 3,5 чарчы метрди түзгөн толук бүтө элек курулуш объектиси;
  • Аянты 9,7 миң чарчы метрлик жогоруда белгиленгенден башка конструкция;
  • Ишенимдүү башкарууга өткөрүп берилген төрт чарба субъектиси: "Алтын-Көл" акционердик коому, Айдарова Г.К. жеке ишкердиги, "Бий-Мырза" деп аталган эки ЖЧК;
  • Жылкылары 1,25 миллион сомго бааланат;
  • Бодо малы — 1,1 миллион сом;
  • Майда жандыктары (кой, эчки) — 750 миң сом;
  • Акциясы — 210 миң сом;
  • Эмерек — 410 миң сом;
  • Тиричилик техникасы — 135 миң сом;
  • Сүрөт, аудио жана видеотехника — 170 миң сом;
  • Жогоруда белгиленгенден башка кыймылдуу мүлкү — 295 миң сом.

Асылбек Жээнбековдун жакын туугандары 2020-жылы 550 миң сом иштеп тапкан. Турак жай, айыл чарба багытындагы эмес жер тилке, башка конструкциялары бар экени жазылган, бирок аянты "0" деп турат. Ошондой эле аларга таандык Toyota Land Cruiser унаасы, 480 миң сомдук баалуу металлдар, 180 миң сомдук эмерек, 110 миң сомдук фото, аудио-видеотехника жана башка кыймылдуу мүлкү 120 миң сомго бааланган.

Төрөбай Зулпукаров

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Депутат Торобай Зулпукаров

Жогорку Кеңештин V чакырылышынын вице-спикери, учурдагы депутат былтыр 1,5 миллион сомдон ашыгыраак киреше чогулткан. Анын турак жайынын аянты 489,6 чарчы метрди түзөт. Үй алдындагы бакчасы жарым гектар, автоунаасы 5 миллион сом. Ал эми жакын туугандарынын автоунаасы 3,1 миллион сомго бааланат.

Кумтөр алтын кенин ишке киргизүүдө коррупцияга барган деген айып тагылып, бир нече учурдагы жана мурдагы чиновник, депутаттар кармалган. Кээ бирлери тергөө менен кызматташууга макул болгону үчүн сот тарабынан жүз миңдеген айып пул салынып абактан бошотулган. Ал эми экс-премьер-министрлер Жоомарт Оторбаев жана Темир Сариевдин баш коргоо чарасы сыртка чыкпоо шарты менен өзгөртүлдү. Жакында эле Жээнбеков менен Зулпукаровдун жана башка саясатчылардын абактагы мөөнөтү 30-январга чейин узартылды.

21
Белгилер:
Төрөбай Зулпукаров, Асылбек Жээнбеков, декларация, байлык, мүлк
Тема боюнча
Мал кармайт, үйү да, автоунаасы да жок. Талант Мамытовдун декларациясы
Жер тилкеси 20дан ашып... Жээнбеков президент болгондон кийин канчалык байыган
Акылбек Жапаров үй-бүлөсү менен батирде жашап, 7 унаа айдайт. Декларация
Президентке караштуу Антикоррупциялык ишкердик кеңешинин эксперти Айдар Мамбеткадыров

Мамбеткадыров: коррупция менен күрөшүү концепциясы ачык жазылды

9
(жаңыланган 10:59 07.12.2021)
Президентке караштуу Антикоррупциялык ишкердик кеңешинин эксперти Айдар Мамбеткадыров 2021-2024-жылдар аралыгында коррупция менен күрөшүү боюнча жаңы стратегияда элдин аң-сезимине таасир этүүгө көңүл буруларын айтты.

Коррупция менен күрөшүү боюнча бир топ стратегия иштелип чыгып, документтер кабыл алынган. Бирок биз иштеп чыккан концепциянын алардан айырмасы — республикалык масштабда жана бардык тармактарды өзүнө камтыйт. Бул тууралуу Айдар Мамбеткадыров Sputnik Кыргызстан радиосунда маек куруп жатып билдирди.

Мамбеткадыров: коррупция менен күрөшүү концепциясы ачык жазылды

Анын айтымында, Антикоррупциялык ишкердик кеңештин 39 мүчөсү бар, ага президент Садыр Жапаров төрагалык кылат.

"Коррупцияны жоюу боюнча президенттин алдында түзүлгөн кеңеш 2021-2024-жылдар аралыгында аталган багытта иш алып баруу үчүн стратегия иштеп чыкты. Анын мурдагы документтерден айырмасы — бардык тармактарды камтыйт жана иш республикалык деңгээлде жүргүзүлөт. Аталган кеңештин 39 мүчөсү бар. Көпчүлүк эмнеге мынча көп адамдан турат деп суроо узатып жатышты. Анткени бул жакка бизнес өкүлдөрү, коомдук уюмдардан да кишилер тартылган. Ошондой эле стратегияны жазып чыгуу иштери ачык өткөрүлүп, каалоочулар өз сунуш-пикирлерин билдирип жатышты. Концепциянын дагы бир өзгөчөлүгү коррупциялык иштердин алдын алуу, жоопко тартуу эле эмес, элдин аң-сезимине таасир берүүгө басым жасоо да каралган. Ал эми бул кадамдар кандай тартипте ишке ашары боюнча методдору иштелип чыгууда", — деди Мамбеткадыров.

Ал аталган стратегия күнүмдүк коррупциялык элементтерден тарта аткаминерлер арасындагы ири коррупциялык иштерди да болтурбоо аракетин көрөрүн кошумчалады.

9
Белгилер:
Айдар Мамбеткадыров, коррупция, стратегия, документ
Тема боюнча
Эксперт: коррупция менен күрөшүү боюнча ЕАЭБде бирдиктүү долбоор керек
Футбол боюнча Кыргызстандын улуттук командасынын коргоочусу Айзар Акматов. Архивдик сүрөт

Футболчу Айзар Акматов карьерасын Бангладеште улантмай болду

0
(жаңыланган 11:36 07.12.2021)
Футболчу улуттук команданын сабында ойноп, 2022-жылы өтүүчү дүйнө чемпионатына тандоо этабындагы оюнда дарбазачы болгон.

БИШКЕК, 7-дек. — Sputnik. Футбол боюнча Кыргызстандын улуттук командасынын коргоочусу Айзар Акматов карьерасын Бангладеште улантмай болду. Бул тууралуу оюнчунун мурдагы командасы, Бишкектин "Дордой" клубунун маалымат кызматы билдирди.

23 жаштагы коргоочу Бангладештин "Шейх Руссел" клубуна өтөт.

Акматов "Дордой" клубунун тарбиялануучусу болуп саналат. Ал команда менен 64 расмий беттеште ойноп, эки гол киргизген.

Футболчу Кыргызстандын улуттук командасынын курамында 2022-жылдагы Дүйнө чемпионатына тандоо турунда Монголия менен беттеште дарбазачы болгону менен да белгилүү. Оюн борборлоштурулган форматта Японияда өткөн. Анда команданын үч дарбазачысы тең COVID илдетине шектелип, беттешке чыгуусуна тыюу салынган. Ал матчта Кыргызстан 1:0 эсебинде утулган. Токиодогу үч беттештин жыйынтыгы менен улуттук команда кийинки этапка чыга албай калган. Эми 2023-жылы өтүүчү Азия кубогу мелдешине жолдомо алуу үчүн таймашын улантат.

Айзар Акматов "Шейх Русселде" 34-номерде ойнойт.

Эске салсак, аталган клубда өткөн сезондо улуттук команданын дагы бир футболчусу, жарым коргоочу Бахтияр Дүйшөбеков ойногон.

0
Белгилер:
Кыргызстан, Бангладеш, футбол, трансфер, Айзар Акматов
Тема боюнча
Кыргызстандык футболчу Шукуров "Неманда" ноябрдагы мыкты оюнчу болду
Футболчу Гүлжигит Алыкуловдун "баасы" бир миллион еврого чыкты