Кыргызстандын конституциясы. Архив

Жаңы Конституцияны деги ким жазды? Өзгөртүүнү демилгелеген депутаттардын жообу

1968
(жаңыланган 22:35 18.11.2020)
Жаңы Конституция долбоорунун демилгечиси катары 80 депутат көрсөтүлгөнү менен аны жазуу процессине баары эле катыша бербегени маалым болду. Кээ бири документти такыр эле көрбөгөнүн айтууда. Ошол эле учурда жаңы редакциянын автору ким экенин эч ким билбей жатат.

Sputnik Кыргызстан агенттиги баш мыйзамды өзгөртүү долбоорун иштеп чыкты делген депутаттардын пикирин сурады.

Айнура Осмонова:

Бул жөн гана долбоор, ал коомдук талкуудан, парламенттен өтүшү керек. Бирок мен демилгечи эмесмин, коомдук талкууга чыгарууга гана кол коюп бергем. Ошону азыр териштирип жатабыз.

Ал эми "долбоордун өзүн окудуңуз беле?" деп сураганда депутат телефонун өчүрүп койду.

Бактыбек Райымкулов:

Жаңы редакцияда депутаттардын санын 90го чейин кыскартуу каралгандыгы үчүн макул болдум. Өзүм жазуу ишине катышкан эмесмин, жөн гана демилгени колдоп бердим.

Эмил Токтошев:

16-ноябрда депутаттар Конституцияны өзгөртүүгө демилгечи топ түзүп жатабыз деп мени ЖКга чакырды. Ушул жерден талкуулап, кеңешебиз деген. Кечээ топтун мүчөлөрүнөн долбоорду сурасам, дароо эле даярын алдыма коюшту. Мен "буга макул эмесмин" деп чыгып кеттим. Бүгүн спикерге кат жолдоп, менин атымды алып салышын өтүндүм. Эч кандай талкуу болгон жок. Эгер демилгечи топтун бир жыйыны болсо негизги авторлор ким экенин билмекмин. Мен парламентаризмди колдойм, биринчи күнү демилгечи топко мүчө болуп кирүүгө гана кол койгом.

Эрмамат Тагаев:

Депутат суроону уккандан кийин "азыр жолдомун, машина айдап бара жатам" деп трубканы коюп салды. Бир сааттан кийин кайра чалганда албай койду.

Максат Сабиров:

Бизге төрага Талант Мамытов жаңы Конституция даярдалганын айтып, демилгечи катары кол коюп берүүнү сунуштады. Мен окуп чыгып колдодум. Албетте, оңдой турган жерлери бар, аны талкуу учурунда эске алабыз. Өзүм дагы бир нече сунуштарды берем.

Гүлкан Молдобекова:

Депутат "азыр оорукананын кабылдамасында турам. Кийинчерээк байланышалы" деп жооп берүүдөн баш тартты. Деген менен эки сааттан соң кайра чалганда алган жок.

Искендер Гайпкулов:

Мен колдоп бердим. Кандай шартта болгонун айтууга убактым жок, Жогорку Кеңешке келгиле, түшүндүрүп берем.

Сагындык Келдибаев:

Алгач трубкасын көтөрбөй, бир саамдан кийин кайра өзү чалды. Бирок суроону угаары менен "мен бир аз бошогондон кийин жооп берейинчи, азыр көпчүлүктүн арасындамын" деп өчүрүп койду.

Пархат Тулендыбаев:

Азыр коомдук талкууга коюлду, эл эмне десе ошондой болот. Талкуу учурунда эң биринчи элдин талабын эске алып, кайра иштеп чыгабыз.

Айгерим Бешимбаева:

Бул боюнча комментарий бергим келбей турат. Жаңы Конституция долбооруна мен демилгечи болгон эмесмин. Азыркы жазылган өзгөртүүлөргө каршымын, кол койгон да эмесмин.

Улугбек Ормонов:

Ооба, мен колдоп жатам. Бизде качан парламенттик башкаруу болду эле? Биринчи ушуга жооп береличи. Жазуусу бир, аткарылышы башка болуп келди да. Чындыкты ачык айтып иштейли, өкмөттүн жоопкерчилигин дагы толугу менен мойнума алам деп жатпайбы президент. Андыктан биз өзүбүздү өзүбүз алдабай, бир башкарууга өтүшүбүз керек.

Иса Өмүркулов:

Мен референдум өткөрүүгө гана кол койдум. Автор катары катышкан эмесмин. Конституция долбоорун көргөн да, окуган да жокмун.

Ал эми Тынчтык Конушбаев, Нурбек Алимбеков, Улан Примов, Бактыбек Райымкулов жана Мирлан Бакиров телефонун алган жок.

Бир нече депутаттардын телефону өчүк болду. Мисалы, Байгазы Кенжебаевдин телефону башында өчүк болгондуктан WhatsApp аркылуу жазып көрдүк. Билдирүүнү окуп, бирок жооп берген жок. Андан соң кабарчы кайра чалганда, бирөө алып депутат өзү жок экенин айтты.

Натыйжада жаңы Конституцияны ким жазганын бир дагы депутат айта алган жок.

Демилге жүзөгө ашпай калышы мүмкүн

Баш мыйзамдын 114-беренесинин 3-абзацына ылайык, Жогорку Кеңештин депутаттарынын жалпы санынын үчтөн экисинен (80 депутат) кем болбогон эл өкүлдөрүнүн демилгеси менен Конституцияга өзгөртүүлөрдү киргизүү жөнүндө мыйзам референдумга чыгарылышы мүмкүн.

Алгач долбоордун демилгечиси катары 80 депутат жазылган, бирок кээ бири буга кол койбогонун айтып жатат. Мындан улам сунушталып жаткан демилге кайра артка чакырылышы ыктымал.

1968
Белгилер:
автор, демилгечил топ, жооп, депутат, мыйзам, өзгөртүүлөр, конституция
Тема:
Жаңы Конституциянын долбоору жана референдум (47)
Тема боюнча
Баш мыйзамдын долбоору: бир эле президент өлкөнү 11 жыл башкарышы мүмкүн
Демилгечи депутат Ормонов: бизде качан парламенттик башкаруу болду эле?
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

25
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

25
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме
Тышкы иштер министри Руслан Казакбаев менен АКШнын элчиси Дональд Лунун видеоконференциясы

Министр Казакбаев АКШ элчиси менен сүйлөштү. Ортодо эмне кеп болду

28
(жаңыланган 23:43 03.12.2020)
Кыргызстандын тышкы иштер министри АКШ элчиси менен сүйлөштү. ТИМдин маалымат кызматы дипломаттар эмнелерди талкуулаганын айтып берди.

БИШКЕК, 3-дек. — Sputnik. Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи. Бул тууралуу министрликтин маалымат кызматы кабарлады.

  • Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи
    Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи
    © Фото / пресс-служба МИД КР
  • Жолугушуу видео байланыш аркылуу өттү
    Жолугушуу видео байланыш аркылуу өттү
    © Фото / пресс-служба МИД КР
1 / 2
© Фото / пресс-служба МИД КР
Тышкы иштер министри Руслан Казакбаев менен АКШнын элчиси Дональд Лунун сүйлөшүүсүндө кыргыз тарап Америка элчилигинин өлкөдөгү окуяларга байланыштуу билдирүүлөрүнүн маанисин белгиледи

Жолугушуу видеобайланыш аркылуу өттү.

Дипломаттар өз ара пикир алышып, экономикалык кызматташтык, эки тараптуу соода жүгүртүүнүн көлөмүн жогорулатуу маселелерин талкуулашты.

"Жолугушуунун жүрүшүндө тараптар коррупцияга каршы аракеттенүү, ошондой эле кылмыштуулук менен күрөшүү жаатында кызматташуу маселелерине токтолду. Өлкөдө саясий системанын инклюзивдүүлүгүн андан ары өнүктүрүүгө, демократиялык институттарды жана мыйзамдуулукту чыңдоого багытталган радикалдуу реформаларды жүргүзүү боюнча биргелешип аракеттенүү зарылдыгы тууралуу макулдашылды", — деп айтылат билдирмеде.

АКШ элчилиги Кыргызстандагы окуялар боюнча байма-бай комментарий берип турат. Жакында дипломатиялык өкүлчүлүк АКШ президенттикке талапкерлердин конституциялык реформа боюнча референдумду жазга же андан кийинкиге жылдыруу сунушун колдой тургандыгы жөнүндө билдирүү тараткан. Ошол эле учурда АКШ конституциялык реформа кандайча жүрүшү керектигин көрсөткөн.

28
Белгилер:
АКШнын Кыргызстандагы элчилиги, Дональд Лу, видеоконференция, жолугушуу, элчи, Руслан Казакбаев, ТИМ, АКШ, Кыргызстан
Тема боюнча
Министр Казакбаев КРдеги кытайлык ишкерлер менен жолукту. Эмне талкууланды