Жогорку Кеңештин имараты. Архив

ЖК оюн эрежесин өзгөрттү. Венеция комиссиясы шайлоонун жылдырылышына кабатыр

2106
(жаңыланган 10:04 19.11.2020)
Комиссиядагылар пророгация маалында, башкача айтканда, ыйгарым укуктары азайганда парламент өзгөчө чараларды, анын ичинде конституциялык реформаларды жүргүзө албастыгын белгилешти.

Венеция комиссиясы (Европа кеңешиндеги консультативдик орган) Кыргызстанда парламенттик шайлоонун жылдырылышы боюнча чукул корутундусун чыгарды. Кыргызстандын Жогорку сотунун Конституциялык палатасы аталган комиссияга төрт маселе боюнча кайрылган.

Венеция комиссиясы алардын ар бирине салыштырмалуу конституциялык укукка таянып кеңири жооп берген.

Суроо: Жалпы демократиялык принциптерден алып караганда КР Конституциясында так чектөөлөр болбосо, парламенттин ыйгарым укуктары анын мөөнөтү аяктагандан жаңыдан шайланган чакырылыштын алгачкы жыйынына чейинки убакта канчалык кеңири болушу мүмкүн?

Атап айтканда, шайлоонун жыйынтыгы жокко чыгарылгандан кийин кайра өткөрүлчү/жаңы парламенттик шайлоого чейинки мезгилде конституциялык реформа өткөрүү канчалык деңгээлде жалпы демократиялык принциптерге шайкеш келет?

Жооп: Кетип жаткан парламенттин мандатынын конституциялык узактыгы менен аныктала турган мөөнөткө парламенттик шайлоону жылдыруу, демек, анын ыйгарым укуктарынын пророгациясы атайын негизделген жана өзгөчө кырдаалдар менен бекемделүүгө тийиш.

22-октябрда парламент тарабынан бекитилген Конституциялык мыйзам конституциялык жоболорду ачык бузбаса да чыныгы демократиялык принциптерди чагылдырбайт: биринчи кезекте жаңы мыйзам чыгаруу органынын 2021-жылдын июнь айына жылдырылышы парламентке алты айдан сегиз айга чейинки ыйгарым укуктарды берет. Бул — шайлоо процессин өткөрүүгө зарыл болгон бир нече аптадан алда канча узак убакыт.

Экинчиден, пророгация маалында, тагыраак, ыйгарым укуктары азайганда парламент айрым гана кадимки функцияларды аткара алат. Ошол эле убакта өзгөчө чараларды, анын ичинде конституциялык реформаны жүргүзө албайт. Анын ордуна иштеп турган парламент конституциялык мыйзамдын күчүн токтотуп, демократиялык оюндун эрежелерин өзгөрттү. Конституциялык реформаны демилгелөө жана өткөрүү процесси мыйзам чыгаруу бийлигинин ичинде да, тышында да ар тараптуу анализди жана коомдук талкууну талап кылат.

Көптөгөн конституциялык салттарда Баш мыйзамды реформалоо процесси өзгөртүүлөрдүн кабыл алынышына дейре конституциялык жыйын же шайлоо өткөрүү үчүн атайын мандатты талап кылат. Бул процесс өткөөл убактагы ыйгарым укуктар чегинен чыгат. Кандай болгон учурда да конституциялык жол-жобону аткаруу жана конституциялык түзөтүүлөрдү киргизүү мөөнөтүн сактоо абзел.

Суроо: Конституциялык реформа жүргүзүү максатында жогорку мыйзам чыгаруучу органды шайлоону токтотуу (шайлоонун жыйынтыгынын жокко чыгарылышы жана кайрадан/жаңы шайлоо өткөрүү аралыгында) демократиялык принциптерге канчалык туура келет?

Жооп: Конституциялык реформаны жүргүзүү элдин эркин тийиштүү түрдө аныктай турган кеңири масштабдуу жана эркин шайлоону камсыздоо үчүн зарылдык катары чечмеленүүгө тийиш.

Керек учурда азыркы институционалдык көйгөйлөрдү чечүүгө багытталган конституциялык реформаны жаңы мыйзам чыгаруучу орган жүргүзө алат.

Шайлоо кандай токтотулса да ал мүмкүн болушунча кыска мөөнөткө гана созулушу керек. Конституциялык реформа белгиленген конституциялык мөөнөттү түшүндүрөт. Адатта ал тыкыр талдоону, саясий күчтөрдүн жана жалпы коомдун кеңири макулдугуна жетишүү мүмкүнчүлүгүн камсыздай ала тургандай узакка созулат.

Жаңы шайлоону өткөрүүгө зарыл пунктуалдуу жана техникалык реформадан сырткары кандай гана конституциялык реформа болбосун, кезектеги шайлоонун жылдырылышынан кийин башталбайт.

Шайлоону токтоткон конституциялык мыйзамдын өзүн кабыл алууда демократиялык стандарттарды бузган жол-жобо конституциялык реформа дал ушундай ишке ашырылат деп кооптондурат.

Конституциялык реформа жүргүзүү үчүн шайлоону токтотуу Конституцияны инструменталдык кабыл алуу гана болгондой таасир калтырат. Тийиштүү демократиялык стандарттар болуп эсептелбейт.

Суроо: шайлоо процессин токтотууга алып келген шайлоо мыйзамдарын өзгөртүү кандайдыр бир даражада демократиялык принцип жана эл аралык стандарттарга ылайыкпы?

Жооп: шайлоону токтотуу электораттын жарандык жана саясий укуктарына таасир этет, демократияны бузушу мүмкүн. "Мыйзамдуу максат" жана шайлоочулардын укуктарын чектөөнүн "пропорционалдуулугун" баалоо өлкөдөгү чыныгы абалды эске алуу менен контексттик тартипте гана жүргүзүлөт.

Кыргыз Республикасында шайлоо гана жылдырылган жок, шайлоо жол-жобосу да токтотулду. Бул тыкыр текшерүүнү талап кылышы ыктымал. Анткени, демократиялык жол-жобону, башталган шайлоо өнөктүгүн кескин үзгүлтүккө учуратып, парламенттин курамын жаңылоого карата шайлоочулардын үмүтүн таш каптырат.

Шайлоо процессин токтотуу зарылдык жана бекем пропорционалдуулук принциптери менен чектелбейт деп эсептейт комиссия. Өзгөчө кырдаал чындап эле шайлоонун жылдырылышын акташы мүмкүн. Бирок талаш конституциялык мыйзам кабыл алганда Кыргызстан өзгөчө абал, өзгөчө кырдаал же форс-мажордук жагдайда эмес эле. Ошондуктан жарандардын саясий укуктарын чектөө мыйзамдуу максатка жетүү үчүн жетишерлик пропорционалдуу болуп саналар-саналбасын Конституциялык палата аныктоого тийиш.

Суроо: кетип жаткан парламент мыйзамдарды кабыл алуу тартибин эсепке албастан мыйзамга оңдоолорду киргизип жатканы демократиялык принциптерге канчалык туура келет?

Жооп: конституциялык жол-жобо жана эрежелерди сактоо, коомчулуктун жана саясий дебаттардын туура катышуусу мыйзам чыгаруу процессиндеги негизги мааниге ээ. Конституция менен бекитилген жол-жоболордон тыш шайлоо мыйзамдарына маанилүү өзгөртүүлөрдү кабыл алуу парламенттик демократиянын принциптерин бузат.

Парламент "туура мыйзам чыгаруу процесси" деп аталчу же Конституцияда белгиленген аракеттердин формасы жана тартибине коюлган талаптарды аткарууга тийиш. Бардык парламенттик демократияга пайдаланыла турган бул принциптен алып караганда парламенттик жол-жобо дайым номиналдуу гана сакталбастан, коомдук дебат, саясий катышуу жана дискуссия форуму катары парламенттин ролу корголууга тийиш.

Сөз соңунда комиссиядагылар КР Жогорку сотунун Конституциялык палатасына мындан ары да көмөктөшүүгө даяр экенин белгилешкен.

Эске салсак, 21-октябрда Борбордук шайлоо комиссиясы жаңы парламенттик шайлоо мөөнөтүн 20-декабрга койгон. Бирок эртеси эле Жогорку Кеңеш мыйзам кабыл алып, ага ылайык шайлоо күнү конституциялык реформадан кийин, бирок 2021-жылдын 1-июнунан кеч эмес мөөнөткө белгиленген. Ага ошол убактагы президенттин милдетин аткаруучу Садыр Жапаров кол койгон.

2106
Белгилер:
норма, укук, реформа, конституция, Парламент, шайлоо, комиссия
Тема:
Жаңы Конституциянын долбоору жана референдум (47)
Тема боюнча
Баш мыйзамдын долбоору: бир эле президент өлкөнү 11 жыл башкарышы мүмкүн
Бакиевдин дооруна кайтып баратабыз! Жаңы Конституцияны сынга алган соцтармак
Корабли НАТО, вошедшие в Черное море для учений

НАТО Кара деңизге чыгууда. Альянс Крымда Россияны кысымга алмакчыбы?

51
(жаңыланган 11:55 04.12.2020)
Жо Байдендин Ак үйгө көчүп келишин утурлай түндүк атлантикалык альянс реформа баштап туру. Жакында эле аяктаган саммитте тышкы иштер министрлери аталган уюмга негиз салуучу принциптерин кайра карап, иш багытын (тартибин) кайтадан түзүп чыгышты.

Эң башкы көйгөйлөрү мурдагыдай эле Россия жана Кытай бойдон калды. НАТО "россиялык коркунучту" кантип ооздуктай турганын РИА Новости агенттигиндеги кесиптешибиз Галия Ибрагимова териштирген.

НАТОну кризиске ыңгайлаштыруу

Аталган альянстын башкы катчысы Йенс Столтенберг мүчө-өлкөлөрдүн тышкы саясий мекемелеринин башчылары менен видеожыйынга өзгөчө кылдаттык менен даярданган. Министрлер деңгээлиндеги жолугушуу — келерки жыл башына пландалган саммиттин алдындагы соңку чогулуш. Күн тартибин алдын ала иштеп чыгуу жана топтолгон маселелерди талкуулоо, демек, катышуучулардын ойго келбеген аракеттеринен сактануу аракети. Себеби буга чейин да ушундай учурлар болгон эмеспи. Мисалы, былтыркы жолугушуунун алдында Эммануэль Макрон "НАТОнун мээси кыйраган" деп билдирген. Бул талкуулоого түс берип, пландардын баарын аралаштырып салган. Альянстын мүчөлөрү Франция лидерине жана өз ара блоктун ичинде баары жайында экенин далилдөөгө биринен бири озунуп ашыккан.

Трансатлантикалык шериктештикке шек менен карагандардын сап башында Дональд Трамп болуп келген. Россия, Кытай жана Иранды ооздуктоодо альянстын мааниси жөнүндөгү дооматтарга жооп катары АКШ президенти адегенде коргоо боюнча взносту жогорулатууну талап кылган. Тышкы коркунучтарга каршы күрөш негизинен Американын аскердик дараметинин эсебинен болушун ыксыз көрүнүш катары баалаган.

Алдыдагы саммитте АКШнын атынан Жо Байден катышат. НАТОнун башкы катчысы альянстын мурдагы "нормалдуулугуна" кайтарына үмүттөнөт. Бул менен Столтенберг америкалыктар блоктун мүчөлөрү менен аскердик-саясий союздаштыктын маанисин тастыктайт деп болжойт.

Ынанымдуулук үчүн башкы катчы саммиттин алдында талдоочуларга кайрылып, уюмдун ичиндеги көйгөйлөрдү иштеп чыгып, аларды чечүүнүн ыкмаларын сунуштап, жакынкы он жылга милдеттерди белгилөөнү өтүнгөн. Изилденген эмгекти докладга "НАТО-2030" деген аталыш менен камтышкан.

ТИМ башчылары эксперттик эсептөөлөрдү изилдөө жана аларды түзөтүүгө киришти. Жолугушуунун бардык катышуучулары, анын ичинде Франция альянстын "мээси кыйрабай турганын" моюнга алышты, бирок реформа ашыкча болбойт.

"Эл аралык жаңы жагдайга карата коргонуу союзун ыңгайлаштыруу чоң мааниге ээ. Кризистик кырдаалдарда негизги принциптерди бузуу менен коштолсо да, НАТО ыкчам жана биргеликте аракет этүүгө тийиш", — деп айтылат документте.

Докладдын авторлору, эң башкысы, вето укугун карап чыгууну сунуштайт. Аны азыр НАТОнун бардык мүчөлөрү бирдей пайдаланып келет. "Эгер бирдиктүү добуш берүү чектелсе, анда альянстын ичиндеги чыңалуу азаят", — деп боолголойт изилдөөчүлөр. Министрлердин баары тегиз алардын бүтүмдөрүнө макул эмес, бирок демилгелерди новатордук деп табышты.

Кайрадан "Москванын колун" издөө

Анткен менен бардык катышуучулардын сырткы коркунучтар боюнча көз караштары бир: трансатлантикалык коопсуздуктун олуттуу коркунучу Россия жана Кытай бойдон калды.

"Москва өзөктүк арсеналын заманбапташтырып, Ыраакы Түндүктөн Сирия менен Ливияга чейин жаңы ракеталарды жайгаштырат. Россиянын катышы Беларусь жана Тоолуу Карабахтагы каатчылыктын натыйжасында дагы күч алды", — деп сүйлөндү Столтенберг.

"Кремль мурдагы советтик республикаларга үстөмдүк кылууга умтулуп, алардын суверенитетин бузат. НАТОнун качан болбосун агрессивдүү Россия менен атаандаштыкка кайткан жаңы чөйрөгө ыңгайлашканы маанилүү", — деп туурашат башкы катчыны докладдын авторлору.

"Россиялык кооптуулукту нейтралдаштыруу" боюнча иш жүрүүдө. Столтенберг НАТОнун Грузия жана Украина менен кызматташуу тажрыйбасын буга тастыктоо катары келтирди. Азыр бул эки мамлекет тең – альянстын кеңейтилген мүмкүнчүлүктөрү бар өнөктөштөрү. Бул Батыштын технологиялары жана чалгындоочу маалыматтарына жол ачар, бирок блоктогу толук кандуу мүчөлүккө караандатпайт.

Россияны ооздуктоо үчүн альянс Кара деңиздеги ордун кеңейтүүгө ниеткер. Бул – "Крымда Россиянын аскердик катышын күчтөндүрүшүнө" жооп. Чоо-жайы азырынча ачык айтылбайт.

Россиялык аткаминерлер буга мындайча жооп кайтарды. "НАТОнун аракеттери, анын ичинде Кара деңиз аймагындагы кадамдары ЕККУнун маани-принцибин талкалайт. Коопсуздуктун бөлүнбөстүк принцибине жатпайт", — деп билдирди Федерация кеңешинин эл аралык иштер боюнча комитетинин төрагасы Константин Косачев.

Кара деңиз артыкчылыктары

"НАТОнун негизги маселеси — АКШ президентинин алмашуусуна даярдануу. Блоктогулар Байден чыңдоого жана Трамптын тушунда пайда болгон көйгөйлөрдүн жоюлушуна жардамдашат деп үмүттөнүшөт. Бирок Американын жаңы лидери өзүнөн мурдагы президенттин мурастарынын баарынан баш тарта коеру арсар. Альянстын бардык катышуучулары ИДПнын эки пайызын блоктун коргоо жаатына салууга тийиш деген демилгени улантары да шексиз", — деп боолголойт Эл аралык иштер боюнча россиялык кеңештин башкы директору Андрей Кортунов.

Саясат таануучу Байдендин келиши НАТО менен Россиянын чыңалган мамилесин өзгөртпөйт деп эсептейт. Бирок Москванын эл аралык көйгөйлөрдүн кеңири айлампасына катышуусун эске алганда альянс диалогду, куру дегенде аскердик деңгээлдегилерин көз жаздымда калтыра албайт.

НАТОнун күн тартибиндеги Кара деңиз көйгөйүн Кортунов Закавказьедеги Россиянын күч алып бараткан Россиянын таасири менен түшүндүрөт: "Тоолуу Карабахтагы согуш жана россиялык тынчтык орнотуучулардын киргизилиши да альянстын көңүл тышында калбады. НАТО өз кызыкчылыктарынын аймагы деп санаган Кара деңизден анчалык ыраак эмес бул территориялар. Ал жакта Москванын ордунун бекемделишин алар потенциалдуу коркунуч катары баалоодо. Кара деңиз аймагынын артыкчылыгы жөнүндөгү билдирүү да ушундан улам чыкты".

Бирок Россия — НАТО үчүн Кара деңиз акваториясындагы тобокелдиктин жалгыз фактору эместигин айтат серепчи.

"Алардын Кара деңиз аймагында ордун бекемдөө пландары Москвага гана тургай, Анкарага да багытталган, — деп боолголойт ал. — Блокко мүчөлүгүнө карабастан Түркиянын позициясы бир катар маселелерде жалпы пикирден айырмаланат. Режеп Тайип Эрдогандын Греция, Франция, ал түгүл Германия жана АКШ менен пикир келишпестиктери бар. Бирок НАТО Түркияны альянска кайтарууга кызыкдар. Дагы бир максаты — Түркия жана Россиянын мындан аркы жакындашуусун азайтуу".

НАТОнун Кара деңиз күн тартибине Украина да басым жасоону улантат. Ошону менен бирге эле альянс менен болгон мамиледе башкы тема Крымда Россиянын аскердик орун алышынын күчөшү болорун белгилейт серепчи.

"Жарым аралда жаңы объектилердин курлулушун Киев трансатлантикалык коопсуздукка кезектеги коркунуч катары көрсөтүүдө. Украина бийлиги Крымда россиялык аскердик тутумдардын жайгашуусун чоң көңүл бура турган көйгөй деген оюнан кайтпайт", — дейт Кортунов.

Кыялдарга кош айтып...

НАТОнун Кара деңиз аймагына көңүл бөлүшүн Тбилиси да кубаттайт. Мындай оюн Грузия Коомдук иштер университетинин профессору Торнике Шарашенидзе ортого салат. Муну ал Түштүк Осетияда россиялык аскерлердин жайгашышы менен түшүндүрөт.

"Грузия орто мөөнөттүү келечекте НАТОнун курамына кирүү кыялы менен эбак коштошкон. Бирок блок менен кызматташууну кеңейтүүгө тырышат", — деп белгилейт Шарашенидзе.

Тоолуу Карабахтагы согуш Закавказьеде Россиянын ордун бекемдеп койгонун моюнга алат. "Армениянын союздашы бар, ал — Россия. Азербайжандыкы Түркия. Бул мамлекеттер арасында иш жүзүндө аскердик альянс түзүлүп калды. Грузиянын андай союздашы жок, тек гана НАТОго таяна алат", - деп кошумчалайт окумуштуу.

Мындай кептерге карабай Грузия да, Кара деңиз аймагы да жалпысынан артыкчылыктуу көйгөй эместигин айтат серепчи. НАТОчулар үчүн ушул тапта Байден менен тил табышуу негизги маселе болуп турат. Келерки жылдын башындагы саммит буга алгачкы сыноо болмокчу.

51
Белгилер:
Аскер, Кара деңиз, коопсуздук, Крым, Россия, альянс, НАТО
Тема боюнча
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
"От менен ойногондой". НАТО эмнеге Россиянын чек арасында машыгат?
Мэрдин жаңы орун басары Азамат Сагындык уулу. Архивдик сүрөт

Бишкек мэринин орун басары алмашты

58
(жаңыланган 11:45 04.12.2020)
Мэрдин жаңы орун басары Азамат Сагындык уулу буга чейин мэриянын алдындагы Жер ресурстары башкармалыгын жетектеп келген.

БИШКЕК, 4-дек. — Sputnik. Бишкек мэринин жер, архитектура жана курулуш маселелери боюнча орун басары алмашты. Бул тууралуу муниципалитеттен билдиришти.

Мурда бул кызматты аркалаган Уланбек Азыгалиев өз арызынын негизинде жумуштан бошотулуп, анын ордуна Азамат Сагындык уулу дайындалды.

Бул тууралуу буйрукка мэрдин милдетин аткаруучу Балбак Түлөбаев кол койду.

Азамат Сагындык уулу буга чейин мэриянын алдындагы Жер ресурстары башкармалыгын жетектеп келген.

58
Белгилер:
дайындоо, кызмат, орун басар, Бишкек мэриясы
Тема боюнча
Дастан Дүйшекеев президенттик аппараттын тышкы саясат бөлүмүнө жетекчи болду
Кыргыз-казак мамлекеттик чек арасындагы Ак-Жол – Автожол көзөмөл-өткөрмөсү

"Ак-Жол" өткөрмө бекетинин курулуш иши 68 пайызга аяктады. Сүрөттөр

0
(жаңыланган 13:17 04.12.2020)
Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгиледи.

БИШКЕК, 4-дек. — Sputnik. Вице-премьер Равшанбек Сабиров кыргыз-казак мамлекеттик чек арасындагы "Ак-Жол – Автожол" көзөмөл-өткөрмө жайын реконструкциялоонун жана курулуш иштеринин жүрүшү менен таанышты. Бул тууралуу өкмөттүн маалымат кызматы билдирди.

  • Вице-премьер Равшанбек Сабиров кыргыз-казак мамлекеттик чек арасындагы Ак-Жол – Автожол көзөмөл-өткөрмө жайын реконструкциялоонун жана курулуш иштеринин жүрүшү менен таанышты
    Вице-премьер Равшанбек Сабиров кыргыз-казак мамлекеттик чек арасындагы "Ак-Жол – Автожол" көзөмөл-өткөрмө жайын реконструкциялоонун жана курулуш иштеринин жүрүшү менен таанышты
    © Пресс-служба правительства / Алишер Алиев
  • Чек ара кызматынын маалыматы боюнча, Ак-Жол көзөмөл-өткөрмө жайын реконструкциялоо иши 68 пайызга бүткөрүлгөн
    Чек ара кызматынын маалыматы боюнча, "Ак-Жол" көзөмөл-өткөрмө жайын реконструкциялоо иши 68 пайызга бүткөрүлгөн
    © Пресс-служба правительства / Алишер Алиев
  • Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгилеген
    Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгилеген
    © Пресс-служба правительства / Алишер Алиев
  • Ошондой эле мамлекеттин имиджи көзөмөл-өткөрмө жайларынын сырткы көрүнүшүнө көз каранды экенин айтып, модернизациялоо иштери сапаттуу жүргүзүлүүгө тийиш экенин кошумчалаган
    Ошондой эле мамлекеттин имиджи көзөмөл-өткөрмө жайларынын сырткы көрүнүшүнө көз каранды экенин айтып, модернизациялоо иштери сапаттуу жүргүзүлүүгө тийиш экенин кошумчалаган
    © Пресс-служба правительства / Алишер Алиев
  • Вице-премьер Ак-Жол – Автожол пунктун модернизациялоо ишин белгиленген мөөнөттө аяктоо тапшырмасын берди
    Вице-премьер "Ак-Жол – Автожол" пунктун модернизациялоо ишин белгиленген мөөнөттө аяктоо тапшырмасын берди
    © Пресс-служба правительства / Алишер Алиев
1 / 5
© Пресс-служба правительства / Алишер Алиев
Вице-премьер Равшанбек Сабиров кыргыз-казак мамлекеттик чек арасындагы "Ак-Жол – Автожол" көзөмөл-өткөрмө жайын реконструкциялоонун жана курулуш иштеринин жүрүшү менен таанышты

Чек ара кызматынын маалыматы боюнча, "Ак-Жол" көзөмөл-өткөрмө жайын реконструкциялоо иши 68 пайызга бүткөрүлгөн.

Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгилеген. Ошондой эле мамлекеттин имиджи көзөмөл-өткөрмө жайларынын сырткы көрүнүшүнө көз каранды экенин айтып, модернизациялоо иштери сапаттуу жүргүзүлүүгө тийиш экенин кошумчалаган.

"Кыргызстанга келип жаткан туристтердин жана ишкерлердин биздин өлкө тууралуу таасирлери чек арадан өтүүдө калыптанат. Ошондуктан аткарылып жаткан иштер эл аралык стандарттарга жооп берип, андагы имараттар жана курулмалар заман талабына жараша жасалгаланышы шарт", — деди Сабиров.

Вице-премьер "Ак-Жол – Автожол" пунктун модернизациялоо ишин белгиленген мөөнөттө аяктоо тапшырмасын берди.

Белгилей кетчү жагдай, өткөрмө жайды реконструкциялоодо комплекстин курулушу, инфраструктурасын жакшыртуу, заманбап техника жана жабдуу менен камсыздоо каралган. Бул аракет аталган жерден жарандардын өтүүсүнө ыңгайлуу шарттарды түзөт. Өткөрмө жайды модернизациялоо иши республикалык бюджеттин эсебинен каржыланууда.

0
Белгилер:
Ак-Жол көзөмөл өткөрүү пункту, кыргыз-казак чек арасы, Равшанбек Сабиров
Тема боюнча
Өзбекстан эреже бузган жок! Өкмөт Дейрес айылына жакын жердеги кырдаал тууралуу