Кыргызстандын экс президенти Роза Отунбаева. Архив

Донорлор бизге сыртын салып коюшу мүмкүн. Отунбаева жаңы Конституция тууралуу

131
(жаңыланган 13:25 20.11.2020)
Экс-президент Венеция комиссиясы жана башка эл аралык уюмдар Кыргызстандагы кырдаалга байкоо салып жатканын айтып өттү.

БИШКЕК, 20-ноя. — Sputnik. Чет элдик донорлор жүз буруп, Кыргызстанга өтө керектүү каражаттарды бербей коюу кооптуулугу бар. Бул туурасында өткөөл мезгилдеги президент Роза Отунбаева жаңы Конституция долбоорун жарандык коомчулук менен талкуулоо учурунда билдирди.

Анын айтымында, Венеция комиссиясы жана башка эл аралык уюмдар Кыргызстандагы кырдаалга байкоо салып жатышат.

"Садыр Жапаровдун өкмөтүнө биздин бюджет ашып барса эки миллиард долларга жетерин эскертип коёюн. Анын 20 пайызга чукулу тышкы гранттык жардамдар менен толукталып жан багып жатпайбызбы. Бюджетибиз эңшерилип турса, бизден баары жүз буруп кете турган кооптуу кадамга барып жатабыз. Бул Кыргызстан үчүн коркунучтуу деп ойлойм", — деди Отунбаева.

Ошондой эле ал донорлордун акчасы жолдорду курууга, энергетиканы өнүктүрүү, инфраструктураны жана саламаттык сактоо, билим берүү тармагына жумшаларын эске салды.

"Мындай суукта, ызы-чуу учурунда жана коронавирус шартында каражатсыз калуу кооптуулугун айтып жатабыз. Биз ушундай ашынган, көкүрөк каккан аракеттерибиз менен жаңы Конституцияны жазып, эл аралык аренадагы позициябызды көрсөтүүдөбүз. Токтоткула, ойлонгула, өз элибизди кайсы жакка түртүп жатабыз. Биринчи кезекте жаңы бийлик үчүн көйнөгүн жыртканга даяр фанаттарга кайрылам", — деди ал.

Отунбаева жакында эле Кыргызстан Бириккен Улуттар Уюму менен өлкөгө 25 миллион доллар тартуу (алдын ала маалымат боюнча, документке азырынча кол коюла элек) боюнча макулдашканын эске салды.

"Ал каражат тартип менен укук жогору турган бийлик бутактарына бөлүштүрүү шарты менен гана берилет. Эми биз кандай жашап турганыбызды жана азыркы бийлик өтө ашынган кооптуулукка барып жатканын таразалап көрөлүчү", — деп белгиледи экс-президент.

Эскерте кетсек, жаңы Конституция долбоору Жогорку Кеңештин сайтына 17-январь күнү кечинде коомдук талкууга коюлду. Референдумду 10-январда президенттик шайлоо менен биргеликте өткөрүү сунушталып жатат.

Жаңы Конституция жана референдум өткөрүү боюнча мыйзам долбоорун 80 депутат демилгелегени көрсөтүлгөн. Бирок анын ичинен айрымдары автор эмес экенин айтып чыгышты, кээ бири кол тамгасын артка чакыртып алууда.

Президенттин укуругун узартууга багытталган Конституциянын жаңы долбоорунун негизги учурларын Sputnik Кыргызстандын материалынан окуй аласыздар.

131
Белгилер:
токтотуу, конституция, донор, Роза Отунбаева
Тема:
Жаңы Конституциянын долбоору жана референдум (42)
Тема боюнча
ИИМ депутаттарды суракка эмнеге чакырып жатканын түшүндүрдү
ЖК оюн эрежесин өзгөрттү. Венеция комиссиясы шайлоонун жылдырылышына кабатыр
Отунбаева: азыркы парламент кыргыз элинин алдында бети жоктук кылып жатат
Президенттин милдетин аткаруучу, Жогорку Кеңештин төрагасы Талант Мамытов өлкөнүн Коопсуздук кеңешинин катчысы Рыскелди Мусаевди жана вице-премьер Максат Мамыткановду кабыл алды

Ак үйдө чек ара маселелери жана президенттик шайлоого даярдыктар талкууланды

113
(жаңыланган 12:30 28.11.2020)
Президенттин милдетин аткаруучу Талант Мамытов мамлекеттик органдар шайлоонун ачык-айкындуулугун камсыздоо керектигин айтты.

БИШКЕК, 28-ноя. — Sputnik. Президенттин милдетин аткаруучу, Жогорку Кеңештин төрагасы Талант Мамытов өлкөнүн Коопсуздук кеңешинин катчысы Рыскелди Мусаевди жана вице-премьер Максат Мамыткановду кабыл алды. Бул тууралуу президенттин маалымат кызматы кабарлады.

Жолугушууда кошуна мамлекеттер менен чек ара жаатында кызматташууну өнүктүрүү жана шайлоо алдында коомдук коопсуздукту камсыз кылуу чаралары талкууланды.

Рыскелди Мусаев республиканын чек ара аймактарында жүргүзүлүп жаткан иштер жана Чек ара кызматын УКМКнын курамына кошуу иш-чаралары боюнча маалымат берип, коңшу мамлекеттер менен чек ара маселелерин чечүү иштери улантылып жатканын билдирди.

Рыскелди Мусаев шайлоо алдында укук коргоо органдарына коомдук коопсуздукту камсыз кылуу боюнча тиешелүү тапшырмалар берилгенин кошумчалады.

Вице-премьер Максат Мамытканов өлкө президентин мөөнөтүнөн мурда шайлоону уюштуруу боюнча Республикалык штабдын учурдагы жасап жаткан иштери жөнүндө маалымат берди.

Ал өлкө аймактарында бир катар көчмө жыйындар өткөрүлгөнүн, жыйынтыгында жергиликтүү бийликтерге жана ишке тартылган мамлекеттик органдарга шайлоонун ачык-айкындуулугун камсыз кылуу, мыйзам бузууларга бөгөт коюу боюнча тапшырмалар берилгенин билдирди.

Президенттин милдетин аткаруучу Талант Мамытов мөөнөтүнөн мурда өтө турган президенттик шайлоону уюштуруу, шайлоо учурунда коомдук-саясий кырдаалды дестабилдештирүү аракеттерин алдын алуу боюнча чараларды көрүү жана мерчемделген бардык иш-чараларды өз убагында жүзөгө ашыруу зарылдыгын белгиледи.

Талант Мамытов мамлекеттик органдар шайлоонун ачык-айкындуулугун камсыздап, шайлоо мыйзамдары бузулган учурларга өз убагында чара көрүү керектигин кошумчалады.

Ошондой эле жумушчу жыйындын жүрүшүндө ишкерлерди жана чет элдик инвесторлорду, жарандарды жумуш орундары менен камсыздаган ири ишканаларды коргоо маселелери көтөрүлдү.

Бизнес-коомчулугу жана инвесторлор менен өз ара байланышты күчөтүп, укук коргоо жана көзөмөл органдары тарабынан жасалган мыйзамсыз иш-аракеттерден аларды коргоо жана деструктивдүү элементтердин кысым көрсөтүүлөрүнө жол бербөө зарылдыгы белгиленди.

113
Белгилер:
чек ара, шайлоо, Талант Мамытов
Тема боюнча
Талант Мамытов Улуттук энергохолдингдин жетекчисин кабыл алды
Президенттин ЖКдагы өкүлү Дыйканбаев иштен алынып, ордуна Калматов дайындалды
Жогорку Кеңештин жыйыны. Архив

Жогорку Кеңеш 11,6 миллион сомго техника сатып алууну көздөп жатат

90
(жаңыланган 12:48 28.11.2020)
Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландоодо.

БИШКЕК, 28-ноя. — Sputnik. Жогорку Кеңеш жаңы ноутбуктарды жана жыйындар залына керектүү жабдууларды сатып алуу үчүн 11,6 миллион сомго тендер жарыялады. Бул маалыматты парламенттин маалымат кызматынын жетекчиси Индира Куралбекова тастыктады.

"5-6-октябрь күнкү окуяларда Жогорку Кеңештин имаратындагы бардык техника, жабдуулар талкаланган. Алып кеткендер дагы болгон. Жыйындар залында депутаттардын алдында турган ноутбуктар, түз эфирди камсыздоочу мониторлор, серверлер жок кылынган. Ошонун баарын кайрадан алуу үчүн тендер жарыяланып, мамлекеттик сатып алуулар порталына илинди", — деди Куралбекова.

Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландап жатат.

Эске салсак, быйылкы парламенттик шайлоонун жыйынтыгына нааразы болгондор 6-октябрга караган түнү "Ала-Тоо" аянтына митингге чыккан. Айрымдары Жогорку Кеңештин имаратына кирип, талкалап, бир топ зыянга учураткан.

90
Белгилер:
ноутбук, тендер, Жогорку Кеңеш, Кыргызстан
Тема боюнча
Орозбаев: Жогорку Кеңеш экинчи функциясын жакшы аткара албай келет
Мушкер. Архив

ММА мушкери атаандашын башка тээп нокаутка түшүргөн видео

17
(жаңыланган 15:42 28.11.2020)
Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

БИШКЕК, 28-ноя. — Sputnik. Польшалык ММА мушкери Камиль Онищук атаандашын сулата тээп бүк түшүрдү. Мындай кызыктуу учурду ACA MMA уюму өзүнүн Instagram баракчасына жарыялады. 

Посмотреть эту публикацию в Instagram

Публикация от ACA MMA (@aca_mma)

Польшанын Лодзе шаарында өткөн ACA 114 мелдешинде Камиль Онищук жердеши Кристиан Бельски менен кез келип, тик турган абалда анын баш тушуна тээп кулаткан.

Беттештин алгачкы мүнөттөрүндөгү Бельскинин үстөмдүгүнө карабастан Онищук үчүнчү раундда сол буту менен катуу тепкен. Бул соккуга даяр эмес болгон Бельски тик турган жеринен канваска кулаган.

Калыс заматта беттешти токтотуп, жеңишти Камиль Онищукка ыйгарган. Промоушен да анын нокаутун баалап, бонус берген.

Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

17
Белгилер:
ММА, нокаут, беттешүү
Тема боюнча
Валентина Шевченко каршылашы Майяны токмоктоп чемпиондук наамын сактап калды. Видео
Ай-буйга келтирбей, үч секундада жыга чапты. АКШдагы беттештин видеосу