Кыргызстандын желегин көтөргөн адамдар. Архив

Курултайды элдин 51 пайызы колдойт. Конституциялык кеңешме эмнени талкуулады

313
(жаңыланган 17:59 20.11.2020)
Кеңешменин төрагасы кеңешме ишин жыйынтыктоо үчүн 15 күндүк убакыт жете турганын айтты, мүчөлөр секцияларга бөлүнүп талдап чыгышат.

БИШКЕК, 20-ноя. — Sputnik. Конституциялык кеңешменин ишмердүүлүгүнө 15 күн жетиштүү болот. Бул тууралуу Конституциялык кеңешменин төрагасы Бекбосун Бөрүбашев билдирди.

Бүгүн президенттин милдетин аткаруучу Талант Мамытов Конституциялык кеңешме түзүү боюнча жарлыкка кол койду. Анын курамына илимий чөйрөнүн, жарандык коомдун, бейөкмөт уюмдардын өкүлдөрү, укук таануучулар, депутаттар, эксперттер жана башкалар кирген.

Жаңы түзүлгөн Конституциялык кеңешменин алгачкы отуруму бүгүн эле башталды. Жыйында катышуучулардын бири кеңешме канча күн иштей турганын сурады.

"Убактысы белгиленген эмес, бирок 15 күн жетет деп ойлойм", — деп жооп берди Бөрүбашев.

Ошол эле катышуучу ар ким өзүнүн планын бекитип алышы үчүн баары бир белгилүү мөөнөт коюу керектигин айтты.

"Бул абдан актуалдуу маселе, 15 күн жетет деп ойлойм. Ошол үчүн секцияларга бөлүнүп иштеп жатабыз", — деп кайра жооп берди Бөрүбашев.

Канча адам катышышы керек

Кыргызстан эл аралык университетинин доценти Таалайбек Исманов мурдагы мыйзамдардын баары кынтыксыз болгонун, себеби аны эл талкуулаганын айтты. Буга байланыштуу катышуучулардын санын көбөйтүү сунушу менен кайрылды.

"Биздин эшиктер ачык, ошондой эле ачык эшик күнүн өткөрүү пландарыбыз бар. Эгер керек болсо президенттин милдетин аткаруучудан дагы ондогон адамды кошуп беришин сурайбыз", — деди Бөрүбашев.

Кийин юстиция министри Марат Жаманкулов жыйын өтүп жаткан залга көп адам батпай турганын жана өлкөдө өзгөчө кырдаал режими бар экенин эскертип, сайтка маалыматтарды жайгаштыруу сыяктуу башка альтернативалык жолду сунуштады.

Вице-президент жана курултай

Катышуучулардын бири жаңы Конституция долбоорунда сунушталган элдик курултай институтун мактоого алды.

Анын айтымында, 10 жыл мурун курултайды эч ким колдобой келген, ал эми азыр калктын 51 пайызы колдоп жатат. Бирок мындай тыянакка эмненин негизинде келгенин, сандарды кайсы сурамжылоодон алганын айткан жок.

Дагы бири АКШнын үлгүсүндө вице-президент деген кызматты негиздөөнү сунуштады. Ага ылайык, шайлоодо президент менен вице-президент экөөнү тең шайлайт. Муну менен өкмөт башчынын ролу турукташып, тез-тез алмашууга жол берилбейт.

Белгилей кетсек, бүгүн жаңы Конституция долбоору боюнча жарандык коомдун талкуусу өтүп, сунушталган долбоорду кескин сынга алышты.

Чуу менен башталган баш мыйзамдын долбоору

Жаңы Конституция долбоору Жогорку Кеңештин сайтына 17-январь күнү кечинде коомдук талкууга коюлду. Референдумду 10-январда президенттик шайлоо менен биргеликте өткөрүү сунушталып жатат.

Жаңы Конституция жана референдум өткөрүү боюнча мыйзам долбоорун 80 депутат демилгелегени көрсөтүлгөн. Бирок анын ичинен айрымдары автор эмес экенин айтып чыгышты, кээ бири кол тамгасын артка чакыртып алууда.

Долбоордо президент бардык бийликти бир колго чогултууга шарт түзүлүп, тең салмактуулук сакталбай калары айтылууда. Ал арада юристтер ансыз да легитимсиз иштеп жаткан парламент жаңы Конституцияны алып чыгууга акысы жок экенин билдирүүдө.

Президенттин укуругун узартууга багытталган Конституциянын жаңы долбоорунун негизги учурларын Sputnik Кыргызстандын материалынан окуй аласыздар.

Жаңыдан түзүлгөн кеңешменин төрагасы болуп Бекбосун Бөрүбашев дайындалып, ага эки орун басар бекитилген.

313
Белгилер:
курултай, долбоорлор, кеңешме, Конституция
Тема:
Жаңы Конституциянын долбоору жана референдум (40)
Тема боюнча
Жаңы түзүлгөн Конституциялык кеңешменин курамына кимдер кирди. Тизме
Мамытов Конституциялык кеңешме эмнеге түзүлүп, кандай иштей турганын айтты
Мамлекеттик кызматкерлер жыйын учурунда. Архив

Конституциялык кеңешменин курамы өзгөрдү. Жаңы кошулган 10 адамдын тизмеси

186
(жаңыланган 21:48 25.11.2020)
Кеңешменин курамына жаңы киргендердин арасында Жогорку Кеңештин мурдагы депутаттары, коомдук ишмер, юрист жана укук коргоочулар бар. Ал эми кеңешмедеги ЖК депутаты Канат Керезбеков үй-бүлөлүк шартына байланыштуу чыгарылган.

БИШКЕК, 25-ноя. — Sputnik. Конституциялык кеңешменин курамына өзгөртүүлөр киргизилип, дагы 10 адам кошулду. Бул тууралуу президенттин маалымат кызматы кабарлады.

Билдирмеге караганда, кеңешменин курамы мамлекет башчынын милдетин аткаруучу, Жогорку Кеңештин төрагасы Талант Мамытов кол койгон жарлыкка ылайык өзгөргөн.

"Конституциялык кеңешменин ишине активдүү катышууну каалагандардын саны көбөйгөндүгү эске алынды. Ошондой эле конституциялык реформа боюнча ишке жарандарды, коомдук уюмдарды жана көз карандысыз эксперттерди тартып, ар кандай пикирлерди толук эске алууну камсыз кылуу максатында, Конституциянын 65 жана 68-беренелери жетекчиликке алынды", — деп жазылат маалыматта.

Ага ылайык, кеңешмеден үй-бүлөлүк шартына байланыштуу ЖК депутаты Канат Керезбеков чыгарылган.

Кеңешме курамына 10 киши кошулду. Алар:

  • Чолпонбек Абыкеев — коомдук ишмер;
  • Мурат Укушев — көз карандысыз эксперт, конституционалист;
  • Алмамбет Шыкмаматов — Жогорку Кеңештин мурдагы депутаты;
  • Төлөйкан Исмаилова — "Бир дүйнө – Кыргызстан" укук коргоо уюмунун директору;
  • Мурат Карыпов — тобокелдиктерди жана кырсыктарды алдын алуу боюнча эксперт, "Плюрализм" гезитинин редактору;
  • Айдарбек Мамбеткадыров — көз карандысыз эксперт-юрист;
  • Асел Абакирова — юридика илимдеринин кандидаты, Жусуп Баласагын атындагы Кыргыз улуттук университетинин конституциялык жана административдик укук кафедрасынын доценти;
  • Кантемир Мурзабеков — Жогорку Кеңештин мурдагы депутаты;
  • Муратбек Иманкулов — Кыргыз билим берүү академиясынын билим берүү жаатында социалдык-гуманитардык көйгөйлөр лабораториясынын башчысы;
  • Таалайбек Шамурзаев — Кыргыз-орус славян университетинин Жазык процесси жана криминалистика кафедрасынын башчысы, профессор, юридика илимдеринин доктору.
186
Тема:
Жаңы Конституциянын долбоору жана референдум (40)
Тема боюнча
Конституция жөнүндө мыйзам долбооруна лингвистикалык экспертиза жүргүзүлөт
Эмгек жана социалдык өнүктүрүү министри Ализа Солтонбекова

Ализа Солтонбекова министрлик ишине расмий киришти

145
(жаңыланган 22:21 25.11.2020)
Кызматка дайындалган аткаминер 2018-жылдын ноябрь айынан ушул күнгө чейин министрдин орун басары болуп иштеп келген.

БИШКЕК, 25-ноя. — Sputnik. Ализа Солтонбекова эмгек жана социалдык өнүктүрүү министри кызматына расмий түрдө киришти. 

Аны дайындоо жөнүндө жарлыкка президенттин милдетин аткаруучу Талант Мамытов кол койгонун мамлекет башчынын маалымат кызматы билдирди.

Султанбекованын талапкерлиги премьер-министр тарабынан сунушталып, бүгүн парламенттен колдоо тапкан.

Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген.

Белгилей кетсек, эмгек жана социалдык өнүктүрүү министри Улукбек Кочкоров 27-октябрда жумуштан бошотулгандан кийин анын ордуна жаңы эле кызматын тапшырган вице-премьер Аида Исмаилова сунушталган. Бирок анын талапкерлигин ЖК депутаттары колдобой койгон.

145
Белгилер:
Ализа Солтонбекова, жарлык, дайындоо, министр
Тема боюнча
"Алмашкыс" орун басар ордуна кайтканда. Байгончоков Финансы министрлигине барды
Легендарлуу футболчу Диего Марадона. Архив

Легендарлуу футболчу Диего Марадона көз жумду

0
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

0
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар