Президент ажыдаар болуп кетпеши үчүн 4 органды парламентке берүү сунушталды

Жазылуу
Шайлоодо аткаруу бийлигинин жана президенттин таасири болбошу үчүн БШКнын курамын парламент бекитиши керектиги айтылды.

БИШКЕК, 23-ноя. — Sputnik. Бийликте тең салмактуулук болушу үчүн президентке баш ийген органдардын айрымдарын Жогорку Кеңешке бериш керек. Мындай сунушту ЖК депутаты Кенжебек Бокоев Конституциялык кеңешменин жыйынында берди.

Ал сотторду кызматка коюу, башкы прокурорду дайындоо жана Эсеп палатасын толугу менен баш ийдирүү укуктарын парламентке берүүнү демилгеледи. Аны менен катар шайлоодо аткаруу бийлигинин жана президенттин таасири болбошу үчүн БШКнын курамын дайындоону да парламентке ыйгаруу керектигин айтты.

"Президент ажыдаар болуп кетет, президент баарын тебелейт" деген сөз болуп жатат. Президенттик башкарууга өтсөк бийликтин тең салмактуулугун карашыбыз керек. Ушул төрт органды парламентке берсек президент эч качан ажыдаар боло албайт. Албетте, парламенттин курамы бүгүнкүдөй болбосо", — деди Бокоев.

Мындан сырткары, ал премьер-министр кызматы жоюлганын колдой турганын айтып, президент өзү вице-президент менен түз шайланып туруп аткаруу бийлигин толук колуна алышы керек деп эсептейт. Ошону менен бирге мэр менен айыл өкмөттү түз шайлоого өткөрүүнү сунуштады.

Жаңылыктар түрмөгү
0