Талант Мамытов Улуттук энергохолдингдин жетекчиси менен жолукту

Талант Мамытов Улуттук энергохолдингдин жетекчисин кабыл алды

168
(жаңыланган 20:33 23.11.2020)
Улуттук энергохолдингдин жетекчиси бардык ата мекендик энергетика компаниялары пландык оңдоп-түзөө иштерин өз маалында жыйынтыктап, жылытуу сезонуна толугу менен даяр экенин айтты.

БИШКЕК, 23-ноя. — Sputnik. Мамлекет башчынын милдетин аткаруучу, Жогорку Кеңештин төрагасы Талант Мамытов “Улуттук энергетикалык холдинг компаниясы” ААК башкармалыгынын төрагасы Нурбек Козубековду кабыл алды. Бул тууралуу президенттин маалымат кызматынан кабарлашты.

  • Мамлекет башчынын милдетин аткаруучу, Жогорку Кеңештин төрагасы Талант Мамытов “Улуттук энергетикалык холдинг компаниясы” ААК башкармалыгынын төрагасы Нурбек Козубековду кабыл алды
    Мамлекет башчынын милдетин аткаруучу, Жогорку Кеңештин төрагасы Талант Мамытов “Улуттук энергетикалык холдинг компаниясы” ААК башкармалыгынын төрагасы Нурбек Козубековду кабыл алды
    © Пресс-служба президента КР / Султан Досалиев
  • Козубеков энергетика компанияларынын күз-кыш мезгилине, учурдагы өлкөнүн энергетика секторунун астында турган милдеттерге даярдыгы жөнүндө маалымат берген
    Козубеков энергетика компанияларынын күз-кыш мезгилине, учурдагы өлкөнүн энергетика секторунун астында турган милдеттерге даярдыгы жөнүндө маалымат берген
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Мамлекет башчынын милдетин аткаруучу, Жогорку Кеңештин төрагасы Талант Мамытов “Улуттук энергетикалык холдинг компаниясы” ААК башкармалыгынын төрагасы Нурбек Козубековду кабыл алды

Козубеков энергетика компанияларынын күз-кыш мезгилине, учурдагы өлкөнүн энергетика секторунун астында турган милдеттерге даярдыгы жөнүндө маалымат берген.

Анын маалыматы боюнча, бардык ата мекендик энергетика компаниялары пландык оңдоп-түзөө иштерин өз маалында жыйынтыктап, жылытуу сезонуна толугу менен даяр.

Ошону менен бирге 23-ноябрга карата Токтогул суу сактагычындагы суунун көлөмү 14,1 миллиард куб метрди түзөрү белгиленди. Бул көрсөткүч 2019-жылдын ушул мезгилине салыштырмалуу 2,4 миллиард куб метрге аз.

Президенттин милдетин аткаруучу Мамытов күз-кыш мезгилинде калкка электр энергиясын үзгүлтүксүз берүүнү камсыз кылуу зарылдыгын баса белгилеген. Ошондой эле өлкөнүн алыскы аймактарына өзгөчө көңүл бурууга чакырган.

Мамлекет башчынын милдетин аткаруучу чакан ГЭСтерди курууга чет өлкөлүк инвестиция тартуу боюнча иштерди күчөтүү, ал үчүн бардык зарыл шарттарды түзүү, иштеп жаткан ГЭСтерди реабилитациялоо жана өлкөнүн жалпы эле энергетикалык мүмкүнчүлүктөрүн сарамжалдуу пайдаланууну камсыз кылуу керектигине көңүл бурган. Ошондой эле Мамытов энергиянын атаандаш булактарын, анын ичинде күндүн жана шамалдын энергиясын пайдаланууну өнүктүрүүнүн маанилүүлүгүнө токтолду.

Мындан сырткары, ал CASA-1000 долбоорунун алкагында бардык иш-чараларды өз убагында жүзөгө ашыруу зарылдыгын белгилеген.

168
Белгилер:
Улуттук энергохолдинг, Талант Мамытов, Кыргызстан
Тема боюнча
Нурбек Козубеков Улуттук энергохолдингге жетекчи болуп барды
Энергетиктер Өкмөт үйүнө келип Садыр Жапаровдун чыгуусун талап кылышууда
Газ түтүгүн куруучу кеме. Архив

"Түндүк агым-2" Германия менен АКШ алакасынын тагдырын чечет

117
(жаңыланган 21:20 21.01.2021)
Жо Байден өз инаугурациясына АКШнын негизги өнөктөшү Германиядан жагымсыз белек алды. Ал тыкыр таңгакталган, көйгөйлөрдүн маңызы менен байланган, эми алар менен жаңы администрация убара болот.

Кошмо Штаттар "Түндүк агым – 2нин" курулушуна катышып жаткан россиялык "Фортуна" түтүк коюучу ишканага каршы санкцияларды киргизген. Ошондой эле, германиялык ЖМКлардын маалыматы боюнча, Берлиндеги америкалык элчилик ФРГ өкмөтүн жаңы чектөө чаралары боюнча пландарынан кабарлаган.

Немец бийлиги муну "өкүнүү менен кабыл алып", башка билдирүү жасаган жок. Бул андан мурун болгон маанилүү окуянын ажырагыс уландысы болуп калды. Бул жагдайга Ирина Алкснис сереп салган.

АКШ мамлекеттик катчысынын мурдагы орун басары жана шайлоодо Жо Байдендин тышкы саясат боюнча кеңешчиси Николас Бернс газ түтүгүнө каршы жана анын курулушун токтотууга америкалык санкцияларды бир убакта тоңдурууну демилгелеген. Анткени жаңы администрация "Германия өкмөтү жана долбоорго катышкан башка өлкөлөр ортосунда ишеним жана эстүүлүк менен сүйлөшүү мүмкүнчүлүгүнө" ээ болушу кажет. Бернс мында жеке демилгесин эмес, Вашингтондун сунушун ортого салганы айдан ачык. Бирок немецтер ага кол шилтеп койду. Бундестагдын энергетика боюнча комитетинин жетекчиси Клаус Эрнст германиялык энергетикалык саясатты Кошмо Штаттар менен талкуулоону "таптакыр орунсуз" деп атады. "Түндүк агым – 2нин" курулушу Европанын жеке иши, бардык зарыл уруксатын алган, ошондуктан аягына тез чыгарылууга тийиш" экенин баса белгиледи.

Демократтар соңку он жылдыктардагы америкалык тышкы, көбүнесе глобалисттик деп мүнөздөлгөн саясатты кайрадан жандандырууга ниеткер. Ортодо Дональд Трамптын президенттик мөөнөтү аны үзгүлтүккө учураткан. Ал бирдей деңгээлдеги эки маанилүү — процедуралык-институционалдык жана идеологиялык курамга ээ.

Идеологияга ЛГБТ-прогрессинен тарта экологияны эсепке алуу менен адамзаттын этти пайдалануудан баш тартуусуна чейинки эң либералдык-алдыңкы демилгелердин көлөмдүү комплекси жооп берет. Институционалдык бөлүгү да коомго жакшы тааныш, улут үстүндөгү уюм, документ жана процедуралардын системасы болуп саналат.

Мындай негизде АКШ дүйнөгө өзүнө пайдалуу шарттарды таңуулоо жана глобалдык лидерлигин биротоло аныктоо үчүн өз үстөмдүгүн бир топ жыл бекемдеп келген деген пикир кеңири тараган. Бир нерсе туура эмес нук алганы эбак түшүнүктүү болгон. Ойноп жана өздөрүнө карата адилетсиз системада утуп чыгууну өздөштүрүп алышкан өлкөлөрдүн саны улам арбып барат.

Россия жана анын Дүйнөлүк соода уюмунун эрежелерин өз пайдасына ийгиликтүү колдонушу – мунун өзгөчөлүгү эмес, көрүнүктүү үлгүсү. Кошмо Штаттарын көптөгөн эл аралык келишим жана уюмдардан эч буйдалбастан чыгаруу менен Дональд Трамп ушул нерсени төрт жыл бою бышыктап келди. Чындыгында ошол келишимдер Америкага түк пайдасыз.

АКШнын аз сандагы артыкчылыктуу өнөктөштөрү, алардын бири – Германия, өзгөчө бонустарга ээ экенин болжоо кыйын деле эмес. Андан эптүүлүк менен пайдаланууну да жакшы билишери айдан ачык.

Дал ушул себептен чындыкты түз айткан, Германиянын өз суверенитетин акырындап, тынч калыбына келтирүүнүн ыраатка салынган схемасын талкалаган жана Американы өз кызыкчылыгына пайдаланышына жол бербеген Трамп Берлинге ыңгайсыз эле. Дал ушул себептен ФРГ бийлиги Байдендин АКШнын жаңы президенти катары келишин эргүү менен кабылдады. Бул пропагандисттик жана жайбаракат кулуардык-лоббисттик саясий процесс менен толук айкалышкан, анын шарапатында Германияга пайдалуу күн тартибин, немецтер үчүн ыңгайлуу форматтагы алакаларды кайтарууну убадалайт.

"Түндүк агым— 2" долбоорунда азыр дал ошондой көрүнүш. Акыркы айларда океадын ары жагынан киргизилген санкциялар газ түтүгүн курулушунун коопсуздугун болушунча камсыздоо үчүн кадамдар жасалган. Ошол эле "Фортуна" ишканасынын кожоюндары алмашты. Мекленбург — Алдыңкы Померания жеринин парламенти тарабынан долбоордун операциялык ишмердигин илгерилете турган фонд түзүлгөн.

Эң кызыгы, бул түзүм аркылуу немец бийлиги "бир ок менен эки коенду аткысы" бар. Курулуштун өзүн колдоодон тышкары аларга маалыматтык-идеологиялык коштоо камсыз кылынат. Жаңы уюм "Мекленбург — Алдыңкы Померания жеринин климатын жана айлана-чөйрөсүн коргоо" фонду деп аталгандыктан, расмий максатына ылайык, "Германиянын климаттык максаттарына жетүүсүнө" көмөктөшмөкчү. Муну менен экологиялык күн тартиби да колго алынат, себеби өлкө ичинде дал жашылдар тарабынан "Түндүк агым – 2ге" чабуул коюлуп келет эмеспи.

Жо Байдендин командасы кабылган бул жагдай оңой эмес. Трамп жасачу кадамдарга бара алышпайт, тагыраак, стратегиялык өнөктөшүнө кескин, катаал чараларды көрүү менен дүйнөнү дүңгүрөтчү жаңжалды уюштурууга даабайт. Бул батыш биримдигин калыптандыруунун эрежелерине каршы келет, демократтар бийликке дал ошолорду бетке кармай бийликке кайтып жатышпайбы. Анан да Берлин Вашингтонго берилүү менен жана терең идеологиялык союздаштыкты көрсөтүүдө. Бул Россияда Алексей Навальныйдын камалышына карата үндөшкөн реакциясы менен дагы бир ирет айгинеленди.

Иштин кадыресе эле ыкмалары кулуардык өз ара жана басымды акырындап күчөтүү менен эки айга созулчудай. Немецтер эл аралык-бюрократиялык машакатты жаратууда өтө эпчил келишет. Ал убакка чейин "Түндүк агым – 2" курулушу аяктап, ал эми америкалыктар "жоо кеткен соң кылычыңды ташка чап" абалында калышат. Натыйжада Жо Байден президенттик кызматка киришкен күндөн тарта жаңы администрация өз ишинде кабыл алынгыс трампизм менен идеологиялык жактан туура, бирок таптакыр майнапсыз либералдык глобализмдин бирин тандап алууга аргасыз болот. Анткен менен Германиянын да өз кыйынчылыктары бар. Кечээ жакында эле "Газпром" саясий кысымдардан улам долбоордун токтоп калышына же ал тургай жокко чыгарылышына алып келчү тобокелдиктер жөнүндө эскертти. Эң оболу бул көз карандысыздыкка жана геосаясий жактан күчтөнүүгө умтулууда антироссиялык карта ойноону (Навальныйдын ууланышы түрүндө) туура тапкан Берлинге тишелүү. Бул кадамы менен ал Россия мындай нерсеге катуу жооп берерин дагы унуткан өңдүү...

117
Белгилер:
эреже, долбоор, мамиле, Германия, АКШ, Газ, Түндүк агым - 2
Тема боюнча
Демократияны алгачкылардан болуп Европа кыйратабы? Абалга сереп

Клинтон айым Трампты Путин менен байланышта деп күнөөлөдү. Себеби эмнеде

206
АКШда кайрадан "орус изин" издеп жатышат. Капитолий чабуулга кабылганда АКШнын экс-мамкатчысы буга Россиянын тийиштиги бар деген кинени айтып чыкты.

Учурулган "өрдөктөргө" таянсак, Трамп ал күнү Владимир Путин менен телефондон сүйлөшкөн. Клинтондун буга далили барбы? АКШ эмне үчүн кайрадан өзүнүн ички көйгөйлөрүнүн себебин тыштан издейт? Америкалык миллиардерди саясий жактан анча жактыра бербеген Клинтонду эмнеге "өчөшкөн айым" деп аташты? Жоопту видеодон көрүңүз.

206
Белгилер:
президенттик шайлоо, Дональд Трамп, Хиллари Клинтон, АКШ
Тема боюнча
Оңдолгус ката! АКШдагы митингге тиешеси бар деп айыпталган Россия жооп берди
Өрт өчүрүү. Архив

Түндө Бишкекте кафе өрттөнүп, аны таңга жуук өчүрүштү. Видео

26
(жаңыланган 10:06 22.01.2021)
Түндө ӨКМге борбор калаанын Абдымомунов көчөсүндө кафе күйүп жатат деген маалымат түшкөн. Окуя болгон жерге өрт өчүрүүчү бир бригада жөнөп кеткен.

БИШКЕК, 22-янв. — Sputnik. "Короче" Telegram-каналы Бишкектеги өрттүн видеосун жарыялады.

ӨКМге Абдымомунов, №259 дарегинде жайгашкан тамактануу жайы, "Pur-Pur" кафеси күйүп жатат деген кабар түшкөн.

Маалыматта кафенин ичиндеги оокаттар өрттөнүп кеткени айтылды. Учурда тиешелүү органдар өрттүн себебин тактап жатат.
Тилсиз жоо түнкү саат 02:10до чектөөгө алынып, жалын толугу менен таңкы саат 04:13тө өчүрүлгөн.

26
Белгилер:
ӨКМ, өрт, Бишкек
Тема боюнча
Аравандагы өрттөн 38 жаштагы киши каза болду