Маянадан баш тарттык деген ЖК депутаттары кайра эле айлык алып жатышат

Жазылуу
Буга чейин эл өкүлдөрү кийинки чакырылыш келгенге чейин маяна албай иштөө чечимин кабыл алган болчу.

БИШКЕК, 4-дек. — Sputnik. Жогорку Кеңештин депутаттарына октябрь, ноябрь айлары үчүн маяна берилди. Бул маалыматты парламенттин маалымат кызматынын жетекчиси Индира Куралбекова тастыктады.

Премьер-министрдин милдетин аткаруучу Артем Новиков. Архив - Sputnik Кыргызстан
Новиков Кыргызстан чет жактан канча карыз алып, кайда жумшаганын айтты
Анын айтымында, көпчүлүк депутаттар октябрь айындагы маянасын Ак үйдү оңдоого беришкен. Ал эми ноябрда дагы салттуу түрдө эле айлыктарын алышкан.

Белгилей кетсек, буга чейин эл өкүлдөрү кийинки чакырылыш келгенге чейин маяна албай иштөө чечимин кабыл алган болчу.

Парламенттик шайлоонун мөөнөтүн жылдыруу боюнча мыйзам долбоорун демилгелеген депутат Акылбек Жапаров көпчүлүк парламентарийлердин сунушу менен октябрь айынан тарта айлык албай иштөө макулдашылганын билдирген.

Жаңылыктар түрмөгү
0