ШАЙЛОО 2021
Кыргызстандагы президенттик шайлоо 2021
шайлоо 2021
Кыргызстандагы президенттик шайлоо 2021
Автоматтык эсептегич урналардан алынган президенттик шайлоонун алдын ала жыйынтыгынан кийин добуштарды кол менен эсептөө процесси башталат. Анын негизинде Кыргызстандагы президенттик шайлоонун акыркы жыйынтыктары аныкталат.
Добуш берүү аяктагандан кийин БШК добуштарды автоматтык эсептөөчү урналар чыгарган жыйынтык менен Кыргызстандагы президенттик шайлоонун алдын ала жыйынтыктарын жарыялай баштайт. Бул маалыматтар акыркы катары кабыл алынбайт. Кыргызстандагы президенттик шайлоонун расмий жыйынтыгы кийинчерээк жарыяланат.

Добуштарды автоматтык түрдө саноонун алдын-ала жыйынтыктарынын негизинде Sputnik добуштар республиканын ар бир районунда кандайча бөлүштүрүлгөнүн так көрсөткөн картаны даярдады. Карта интерактивдүү: анда белгилүү бир аймакта же шаарда ар бир талапкер алган добуштардын пайызын көрө аласыз.
Шайлоо күнү 2 474 шайлоо участкалары ачылды, алардын 48и Кыргызстандын аймагынан тышкары жерлерде жайгашкан. Биометрикалык маалыматын тапшырган 3 миллион 563 миң 574 кыргызстандык президенттик шайлоодо добуш берүү мүмкүнчүлүгүнө ээ.
Маалымат үчүн: акыркы парламенттик шайлоодо шайлоочулардын 56,2 пайызы катышкан. Акыркы 2017-жылдагы президенттик шайлоого катышуу бир аз төмөн болуп, 55,93 пайызды түзгөн.
Президентикке талапкерлердин тизмеси
БШК аныктаган тартип менен
Садыр
Жапаров
ЖК депутаты болгон, мамлекеттик жогорку кызматтарды ээлеген. 2017-жылы кишини барымтага алгандыгы үчүн эркинен ажыратылган. 2020-жылдын октябрь айында митингге чыккандар саясатчыны бошотушкан. Андан соң дароо эле премьер-министр, андан соң президенттин милдетин аткарган.
өмүр баяны
Канатбек
Исаев
Жогорку Кеңештин VI чакырылышында "Кыргызстан" фракциясынын атынан депутат болгон. Карьерасын 22 жашында Бишкектин Свердлов райондук салык кызматынын стажерлугунан баштап, Салык кызматынын райондук бөлүмүнүн башкы инспекторлугуна чейин өскөн.
өмүр баяны
Мыктыбек
Арстанбек
КРдин искусствосуна эмгек сиңирген ишмер. Журналисттик карьерасын мамлекеттик каналдан баштаган. Учурда Кыргызстандагы адал индустриясын өнүктүрүү боюнча иштеген мекеменин жетекчиси.
Клара
Сооронкулова
Конституциялык палатанын мурдагы судьясы жана "Реформа" партиясынын лидери. Бул аял киши лидер болгон бирден-бир партия.
Имамидин
Ташов
Ишкер, курулуш компаниясы бар. Андан сырткары, юридикалык кызмат көрсөткөн мекеменин ээси. Дүң соода жүргүзгөн ишкананы да жетектейт.
Рашид
Тагаев
Жогорку Кеңештин III жана IV чакырылыштарынын депутаты болгон. Негизинен күч түзүмдөрүндө иштеген. Ал президенттик шайлоого катышуудан баш тартты.
Абдил
Сегизбаев
15 жыл мамлекеттик кызматта эмгектенген. Карьерасын президенттин маалымат катчылыгынан баштаган. Соңку кызматы УКМКнын төрагалыгы болгон.
өмүр баяны
Адахан
Мадумаров
Жогорку Кеңештин төрт чакырылышынын депутаты болгон. 2017-жылы парламентке соңку ирет президенттик "Ак Жол" партиясы менен келип, спикер болуп шайланган. Президенттик эки шайлоого катышкан.
өмүр баяны
Аймен
Касенов
Россия-кыргыз өнүктүрүү фондунун башкаруучулугунун мурдагы мүчөсү. Буга чейин "Газпром-нефть Казакстан" компаниясынын директору жана "Газпром-нефть Тажикстанда" жетекчинин орун басары болгон.
Улукбек
Кочкоров
Эмгек жана социалдык өнүктүрүү министрлигинин экс-жетекчиси. Мамлекеттик кызматтан "Биримдик" партиясы менен Жогорку Кеңештин шайлоосуна катышуу үчүн кеткен.
өмүр баяны
Жеңишбек
Байгуттиев
2010-жылга чейин бизнес менен мамлекеттик кызматты бирге алып келген. 2010-жылдагы ыңкылаптан соң баш-оту менен бизнеске өткөн.
Эльдар
Абакиров
КРдин Экономика министринин мурдагы орун басары. Карьерасын Алматыда программист-аналитик жана Улуттук банктын эскперти болуудан баштаган. Ишкердикти активдүү жүргүзүп келет.
Курсан
Асанов
Карьерасын ИИМдин ОМОН кызматында жоокер болуудан баштаган. Соңку ирет иштеген кызматы — ИИМ жетекчиси.
өмүр баяны
Арстанбек
Абдылдаев
Арстан Алай деген ат менен белгилүү. 2019-жылы өзүн кудаймын деп жар салган. Анын бир нече компаниялар менен саясий партияны жетектээри айтылып келет.
өмүр баяны
Равшан
Жээнбеков
Карьерасын КРдин ТИМинде атташелик менен баштаган. Бийликтеги соңку кызматы — Жогорку Кеңештин депутаты.
Бактыбек
Калмаматов
Жогорку Кеңештин V чакырылышынын депутаты. ЖКда Жаштар саясаты, андан кийин коргоо жана коопсуздук боюнча комитеттин жетекчисинин орун басары болуп иштеген.
Бабыржан
Төлбаев
Карьерасын бейөкмөт уюмда долбоордун координатору болуп баштаган. Кийин чакан насыяларды берүү тармагындагы бизнесин ачкан.
Каныбек
Иманалиев
Жогорку Кеңештин V жана VI чакырылыштарынын депутаты болгон. Бир эле маалда ЖКнын эл аралык иштер боюнча комитетинин төрагалыгын аркалаган.
өмүр баяны
10-январда Кыргызстанда кезексиз президенттик шайлоо өтөт. 2020-жылдын октябрындагы саясий окуялардан кийин мурунку мамлекет башчы Сооронбай Жээнбековдун кызматтан кетишине байланыштуу президенттик шайлоо мөөнөтүнөн мурда өтүүдө. Бул күнү мамлекеттик башкарууну аныктаган референдум дагы болот.

Алгач шайлоого талапкер катары катышуу ниетин билдирип 63 адам Борбордук шайлоо комиссиясына документтерин тапшырышкан, бирок БШК 18 талапкерди гана каттап, калгандары ар кандай себептерден улам өткөн эмес. Кийин катталган талапкерлердин бири Рашид Тагаев шайлоого катышуудан баш тарткан. Өлкө башчылыкка 17 киши ат салышып жатат: Садыр Жапаров, Канатбек Исаев, Мыктыбек Арстанбек, Клара Сооронкулова, Имамидин Ташов, Абдил Сегизбаев, Адахан Мадумаров, Аймен Касенов, Улукбек Кочкоров, Жеңишбек Байгуттиев, Эльдар Абакиров, Курсан Асанов, Арстанбек Абдылдаев, Равшан Жээнбеков, Бактыбек Калмаматов, Бабыржан Төлбаев, Каныбек Иманалиев.


Бул материал маалыматтардын келгенине жараша жаңыланып турат.