Судья балканы колунда кармап турат. Архив

Тартип комиссиясына жаңы төрага шайланды. Ал тууралуу эмне белгилүү

197
(жаңыланган 13:56 29.12.2020)
Ачык булактардагы маалыматтарга караганда, Осмонкулов 65 жашта, Ош облусунда туулган. 1990-жылдан бери сот системасында эмгектенип келген.

БИШКЕК, 29-дек. — Sputnik. Судьялар кеңешинин алдындагы Тартип комиссиясынын төрагасы болуп Маратбек Осмонкулов дайындалды. Бул тууралуу мекеменин маалымат кызматынан кабарлашты.

"28-декабрдагы комиссиянын жыйынында Маратбек Осмонкулов ачык добуш берүүнүн натыйжасында төрага болуп бир добуштан шайланды. Буга чейин ал президенттин милдетин аткаруучу Талант Мамытовдун сунушу менен комиссиянын мүчөлүгүнө кабыл алынган эле", — деп айтылат билдирүүдө.

Ачык булактардагы маалыматтарга караганда, Осмонкулов 65 жашта, Ош облусунда туулган.

  • 1990-жылдан бери райондук, шаардык соттордо жана Жогорку сотто эмгектенген.
  • 2008-жылы Тартип комиссиясынын төрагасы болуп, 2010-жылы Жогорку соттун төрагасынын орун басарынын милдетин аткарган.
  • 2017-жылы КР Жогорку сотунун аппаратын жетектеген.

Комиссия тогуз мүчөдөн турат. Үчөөнү президент, парламент жана Судьялар кеңеши көрсөтөт.

197
Белгилер:
Тартип комиссиясы, дайындоо, төрага, Кыргызстан
Тема боюнча
УКМК Жогорку соттун төрайымы Гүлбара Калиевага кылмыш ишин козгоду
Донорлор бизге сыртын салып коюшу мүмкүн. Отунбаева жаңы Конституция тууралуу
Жо Байден ант берүү учурунда

Жо Байден ант берип кызматына киришти

140
(жаңыланган 23:21 20.01.2021)
Демократ жана мурдагы вице-президент Жо Байден АКШнын 46-президенти болупк алды. Ал конгресске 36 жыл мүчөлүк кылган.

БИШКЕК, 20-янв. — Sputnik. Жо Байден ант берип АКШнын президенттик кызматына киришти.

"Мен, Жозеф Робинет Байден, салтанаттуу түрдө Америка Кошмо Штаттарынын президенттик кызматын ак ниеттүүлүк менен аткарууга, Конституцияны кайтарууга жана коргоого болгон күчүмдү жумшайм деп ант берем", — деп билдирди.

Байден тарыхтагы эң кары президент. Ал 78 жашта.

Эске салсак, 3-ноябрда АКШда президенттик шайлоо өтүп, жыйынтыгында демократ Жо Байден шайлоочулардын 306 добушун алып жеңишке жеткен. Ал эми анын атаандашы АКШнын учурдагы башчысы Дональд Трамп 232 добуш алган. 7-январда добуш берүүнүн жыйынтыгы толугу менен расмий бекитилген.

140
Белгилер:
инаугурация, АКШ, Жо Байден
Тема боюнча
Тарыхта биринчи ирет… Байден өз командасына трансгендерди алмай болду
Трамп жубайы Меланья менен америкалыктарга акыркы ирет кайрылышты
АКШнын жаңы шайланган президенти Жо Байден

Байден бүгүн АКШга кирүү боюнча кыргызстандыктарга коюлган чектөөнү алып салат

205
(жаңыланган 23:12 20.01.2021)
Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарынын АКШга кирүүсүнө чектөөлөр бар.

БИШКЕК, 20-янв. — Sputnik. АКШнын жаңы шайланган президенти Жо Байден Кыргызстан кошулган бир катар өлкөлөрдүн жарандарына Кошмо Штаттарга кирүүгө тыюу салууларды жокко чыгарганы жатат. Бул тууралуу анын командасына шилтеме берип РИА Новости маалымдады.

Чектөөлөрдү мурда Дональд Трамптын администрациясы киргизген.

"Байден ал чечимди жокко чыгарып, негизинен мусулмандардан турган жана Африка өлкөлөрүнүн жарандарына АКШга кирүүгө уруксат берет. Ошондой эле Мамлекеттик департаментке аталган өлкөлөрдүн жарандарына виза берүү маселесин жаңылоону тапшырат”, — деп айтылат билдирүүдө.

Ошондой эле Байден иммигранттарды АКШдан чыгарылбай, убактылуу жашоого мүмкүндүк берген DACA программасын бекемдөөнү карап жатканы кошумчаланды. Аталган программа ушул тапта депортациядан 700 миң кишини сактап турганы кошумчаланды.

Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Жо Байдендин инаугурациясы 20-январь күнү Вашингтон шаарында өтөт.

205
Белгилер:
виза, Кыргызстан, Мигрант, инаугурация, Жо Байден
Тема боюнча
Серепчи: АКШ менен РФ ортосундагы өз ара кызматташуу багыты өзгөрүүдө
Тарыхта биринчи ирет… Байден өз командасына трансгендерди алмай болду
Жаңы үйлөнгөндөр. Архив

Бир мүнөттө үйлөнө калып жумушка чыккан полиция кызматкери. Кытайдагы окуя

0
(жаңыланган 11:06 21.01.2021)
Ишинен бошобогон полиция кызматкери сүйүктүүсүнө баш кошууга түшкү тамактануу учурунда убакыт таап келген.

БИШКЕК, 21-янв. — Sputnik. Кытайда кайгуул полиция кызматкери бир мүнөттүн ичинде үйлөнүп, кайра дароо эле жумушка чыкты. Бул тууралуу "Известия" басылмасы кабарлады.

Салтанат Кытайдын Хэбей провинциясында өткөн. Анда жумушунан бошобогон полиция кызматкери түшкү тамактануу учурунда убакыт таап, келинчеги менен бир мүнөттүн ичинде үйлөнүп, кайра эле кызматына жөнөгөнү айтылат.

Түгөйлөр 15-январда баш кошкон.

0
Белгилер:
полиция, той, үлпөт, үй-бүлө, Кытай
Тема боюнча
Үлпөт тоюнан 15 мүнөт өтпөй көз жумган келин. Даниядагы окуя